كيفكم يا اخواتى الاعزاء البسطرمة من الاكلات المحببة عندنا ف مصر لاننا بنستخدمها ف اكلات كتير ممكن عيش(الخبز) بالبسطرمة ف الفرن او الفطائر او بالبيض اكلات كتير ممكن ندخل فيها البسطرمة ولانها مش موجودة هنا و انا يمكن مشفتهاش بالامارات نفسى فيها انا مش عارفة انتو عارفينها ولة لا بس انا حشرحها لكم ان شاء الله:
المقادير:قطعة لحم عرق فلتو (من فخذ الذبيحة )بس انا للامانة استخدمت قطعة لحم عادية بس بدون دهن حوالى كيلو-راس توم مهروس-ملح-فلفل-كمون-بابريكا(فلفل احمر حلو) واساس الخلطة حلبة مطحونة
الطريقة:نحضر قطعة اللحم ونعمل بيها شقوق بالسكينة ونحشيها ملح ونكمل تغطيتها بالملح كويس عشان دى بداية التسوية وقتل البكتريا
[
-نغطى قطعة اللحم ونضعها فى حاجة بلاستيك ونضع فوقها اى شىء ثقيل عشان نضمن نزول كل السوائل منها ونترك فمكان جيد التهوية لمدة 24ساعة
بعد ما تخلص المدة نحضرها ونزيل الملح ونغسلها ونجففها كويس من الماء بقطعة قماش نضيفة
هاااااااااااام
الغلاف الخارجى الى بيحفظ اللحمة لغاية ما تستوى وتكون بسطرمة وهو كلاتى:
حلبة حوالى كوب ونص مطحونة
3معالق كبار ملح راس توم مهروس(نسيت اصورها)-معلقة بابريكا-معلقة كمون ماء لعجنها
وهنا بعد ماعجناها تبقى عجينة متماسكة ولينة نوع ما
بع كدة نغلف اللحمة بالخلطة دى كلها ومتتركيش اى جزء بون تغطية عشان متتعفنش لاننا حنسبها فى الجو العادى
بعد كدة نلفها بقطعة قماش خفيفة ونعلقها ف المطبخ لو جو المطبخ عندك كويس يعنى مش حر اوى وتسبيها لمدة اسبوع وممكن تشيلى القماش وتسبيها متعلقة ف اليوم الخامس
بعد مرور الاسبوع حتلاقيها بقت بسطرمة جميلة وقطعيها ولو مش حتستخدميها ع طول قطعيها رفيع وشيلى الغلاف الخارجى وضعيها بعلبة بالفريزر عشان مش حتقعد كتير بالتلاجة بصو بقت عاملة ازاى يمممممممممممممممممممممممى
وهنا صورة بعد ما شلت الغلاف الخارجى وشلتها بالعلبة
هاااااا عجبتكم بالله عليكم لو عجبتكم شجعونى وردو عشان انا شاركت بمواضيع قبل كدة والاقى زيارات كتيييييييييييير وردود قليلة افهم من كدة ان المواضيع مش عجباكم فيا ريت تقدرو مجهودى وجزاكم الله خير والاهم اتمنى انة ينال اعجابكم
ومشكوره ع المجهود
اذكر في مسلسل تركي كانو مسوين فاصوليا بالبسطرمه كان خااااطر اطعمهاا لانهم يمدحونها خخخ
ما عندي تخيّل واضح لطعملها لوول.. بس اتوقع طعمها حلو ..
شرحج واضح ما شاء الله
ربي يعطيج العافيه