شخباركن بنات
انا الحين ربت من عشر ايام والحمد لله على كل حال هاي الولادة الثانية وبعد بعملية
اريد تجاربكم بعد العملية كيف الوحده تهتم بنفسها وبالخياطة
يعني كل وحده شوه سوت في فترة الاربعين
كيف كانت حركتها
شكرا
هذا اللي اقدر عليه
حمدلله على سلامتج حبيبتي
انا مسويه عمليه قيصريه نصيحتي لج بعد اسبوع:
1. عيشي حياتج بشكل طبيعي بس لا تتعبين عمرج .
2. بالنسبه للسباحه خذي راحتج بعد اسبوع عادي لو الماي يا علي اليرح ما في مشكله.
3. اذا حبيتي في الصيدليه يبيعون ادويه معقمة وكريم ينحط علي اليرح عشان يخفف من لون الندبه ويبعون بعد مشد مثل الشورت يصلح للوالده قيصري عشان تخفف الكرشه ولا تشترين المشد الاندونيسي لانج والده قيصري ( وانتي تعرفين اني اليرح يلتأم مع بعض واذا شديتي بالقوه يلتحم الجرح مع الكبد او قناه فالوب وما ترجعين تحملين مره ثانية بسبب الالتصاقات ).
4. بعد شهر ابدي بالمشي بس مدة عشر دقايق وشوي شوي زيدي المده وبالنسبه لرياضه البطن بعد ست شهور يكون افضل .