بعد عمليه تليف الرحم بليييييييييييييييز

السلام عليكم
شحالكن خواتي أنشالله بخير ، إذا تذكرون موضوعي الحمدلله سويت عمليه إزاله التليف وطبعا سوالي الدكتور فتح بطن يعني قيصريه بس الي صار انه فتح قبل السر وفتحتين على جابين السر ويوم شاف حجم التليف و وضعه صعب فتح البطن المهم حاليا صارلي سبوعين داشه عالثالث وأنا بموت من آلام الجرح طبعا احس بوجود مثل الكوره في الرحم مع انه التليف لكان عندي على الجدار الخارجي لرحم أحس بحرقان ومثل النار في بطني ولا أقدر أمشي عدل ماخليت ادويه موضعيه مثل بيتدين سبريه وغيره كريمات ورحت لدكتور قال هذا عادي، سؤالي منو منكم مر بالحاله وهل في مراهم اوشئ ثاني يخفف من هالحرقان والالم انا اول مره اسوي فتح بطن العاده كله منظار وغريبه انه عادي هالحرقان ،السموحه طولت عليكم بس أكيد عندكم خبره وشاكره لكم خواتي ربي يرزقنا بحمل سليم يارب بدون علاج ياكريم ونرتاح …..

خطاج الشر الغاليه

حطي ميبو عالجرح وحاولي دايمها الحرج يكون جاف ماعليه رطوبه واذا تقدرين تمشين اتمشي شوي يلم معاج الجرح بسرعه إن شاء الله

و عليكم السلام و رحمة الله و بركاته

انا سويت نفس العملية بالمنظار المرة الاولى قبل الزواج و خذت اكثر من 6شهور عشان ارد لحالتي الطبيعية (لان الدكتور عطاني حبوب هرمونات لعبت فيني لعب و الله المستعان
ثاني مرة سويتها من شهر و نص و الحمدلله بديت اتحسن بالرغم اني احس بوجع فالسرة و احيانا مكان التليف اللي شالوه

الشر يعداج يالغلا مشكوره غناتي بجوف ايوم باخذه وانشالله يخف لفيني مادري كيف بعيد

هلا حبيبتي يالله فديتج ماتشوفين شر والحمدلله على سلامتج ، شئ مؤلم والله ويع نفس لي توصفينه مادري ليش في السر ومكان التليف صدقتي بس حاوي تسوين حجامه عشان مايرد يطلع بس انتي هالمره فتح بطن ولا منظار .

تستاهلي السلامة انا سويت عملية بس ما قدروا يشيلوا التليف فاستاصلو الرحم
لا تحطين اي شي عليه لا يلتهب حاولي لا تقعدين فترة طويلة واهم شي الجرح لا يعرق دايما عقميه ونظفيه بشاش
وخطاج الشر

الله يسلمج حبيبتي بس ليش خليتيهم يشلون الرحم لاحولا ولاقوه الا بالله انا فتحلي بالمنظار وعقب قالي نفس الكلام انه مكانه صعب وايد انه لو مافتح جان شل الرحم ، بس الحمدلله على كل حال ومشكور حبوبه .