السلام عليكم بنات والله بتستغربن من الي عرفته
بنات اول شي اشكركن جزييييييييييييل الشكر ع ردودكن والله بس بصراحة لا انا ولا اختي حبينا الردود الي فيها شبه سب بس مب سب وو تقليل شأن وكرامة ….
اتمنى مانجوف مثل هالردود مرة ثانية فأي موضوع
المهم بنات انا قريت رد و اقتنعت فيه صاحبة الرد قالتلي اسير واقول حق اختي اني سمعت الي قالته بالغلط وو ابي اساعدها وجي المهم انا خبرتها اول شي فجت عيونها عقب قالت يزاج الله خير .. وعقب قلتلها عن المنتدى تضايقت شوي بس عقب يوم شافت الردود استانست بس مثل ماقلتلكم نقطة السب وهذا ماعيبها ولا بيعيب اي زوجة وو هي استانست لانكن وقفتن وياها يزاكن الله خير المهم اوضح نقطة انا نقعت خخخ قلت عن ريل خالة زوجة ولد خال زوج اختي خخ هو ولد عمته السموحة لخبطتكن بس من السرعة عسب جي المهم بنات ريل اختي امس يا رمس اختي فالحوش وعقب ركبوا السيارة يحوطها ويترجاها و صاح بعد !!! وقال انه هي الي تحرشت فيه و اثارته ومادري شو و يوم كان يجيسها كانت تقوله خونها وياي انا " تقصد اختي " والله السموحة ع ألفاضي بس ماعرف كيف اشرح يعني شي كلمات ثانية بس اوصخ عن جذه ماقدر اكتبها اتمنى الادارة ماتمانع فأنا ماتعديت الحدود المهم اختي صاحت وانهارت يوم عرفت وردت البيت هي خبرتني عن هالسالفة المهم وقالتلي انها كانت تطبخ ويا خالته و تغرف الاكل و ينظفن ويا بعض ليش كل هذا؟ عقب انا استنتجت يمكن لانه ريلها خانها ؟؟ تبي ريل اختي يخون اختي بعد ؟؟ مادري والله المهم هاي السالفة بس وانا اختصرتها ولا الموضوع بيكون اطول عن جي المهم انتن شو رايكن ؟ و ع فكرة اختي الحين بدش ك زائرة وبتقرا الردود وجذه المهم الي نبيه الحين شو نسوي دام عرفنا الحقيقة ؟
ع فكرة انا اعرف ريل اختي وهو انسان طيب ويموت فيها بس شو نسوي الله كريم
و ع فكرة امس قالتلي انهم كانوا يحبون بعض وتزوجوا ومحد يعرف هالشي بس حبيتكم تعرفون عسب تقدرون كم يحبها هو بس نزوة والله كريم المهم شو نسوي الحين ؟
كيف اختي تواجه الخالة ولا تسوي طاف وتعيش ولا شو ؟ بليز ساعدني
يوسف عليه الصلاه والسلام يوم جأت أمرأة العزيز وراودتته عن نفسها يوسف غض عنها
الغلا الشرف مب بس للحرمه لريال بعد
مادري شو اقول الله يصلح الاوضاع
السالفه عورتلي قلبي وربي يسهل اموركم ويكتب اللي فيه الخير
و كيف ترضى اتم مع واحد مرتكب معصيه كبيره ؟
بنات الخالة غلطانه مب هو وانا اعرفه بعد اعرف انه زين وتعرفن انه مايرمس غيرها والله هاللي نعرفه للحين
يرد ع تيلفوناته يدامه او يقولها جوفي الرقم منو يدق وجي يعني مأمنين ع بناتها نحن هو مب جي كله من هاييج المكارة خالته استغفر الله كرهتها …..
لاتخلوا الحب يعمي عيونكن خلاص احبه واموت فيه يخوني ويخوني بطريقة بشعة
ماترضي الله ولا رسوله ولا ترضي اي مسلم هذا يستاهل العقاب في الدنيا قبل الاخره
مايفيد الصياح ولا يفيد الندم اذا فيه شي غلط من داخلة مايخصه هي اغرته او حاولت
الانسان اللي يخاف الله مسسسسسسسسسسسسسسسسستحيل يعصيه
والانسان اللي يحب مرته مستحيل يخونها مهما كان ومهما كانت بعيده عنه
وشي متوقع انه بيصيح ويترجاها انها ترد له لان اللي سوها فاحشة وشي كبير
ويبا يستر على عمره وعلى خالتها حسبي الله عليها
مافيه اي مبرر والله ثم والله اذا بترد له مابتكون عندها كرامة واسمحي لي
ضروري الواحد يفكر بالعقل وينسى القلب وينسى العواطف
تخليه شوي ولاترمسة ولا تظهر وياه ولا تعطيه ويه الوحده بلا كرامة مابتعيش
الوحده اللي ماتفكر في الاخرة وتفكر بالغلط مااحد بيحسب لها حساب
اللي صار شي كبير اختي والله مهما كان ومهما صار اللي سوها فاحشة وشي كبير
لو غلط صح نقول الكل يغلط بس فرق بين غلط وغلط
وممكن ننسى اغلاط تنبلع بس اغلاط العمر كله مايصحلها قولي حق اختج
لاتتسرع ولا يأخذها بالكلام الحلو والصياح ويسوي عمره مظلوم و … الخ
هو له جانب كبيييييييييييييييييييير في هالشي ومامنه امان وتخليه فترة والا ترمس
ابوها والا واحد من العايلة تثق فيه الريال يبا له ريال يتفاهم وياه
لو غلط بسيط الوحده تسكت وتصبر لكن فاحشة وفي محارم باجر بيوز له الشيطان
ويسويها في بنته والا وحده من محارمة
استغفر الله واتوب اليه ادري كلام بيضايق اختج بس الواحد ضروري يكون واقعي ويبعد عن العواطف
وو على فكرة انا ماعرف عن الزنا يعني لو كان لمسات يعتبر زنا ؟
المهم انه كان لمسات ماصار شي بينهم اذا هذا يعتبر زنا فخلاص مادري والله
اخاف تهجمن علي الحين خخخخ