بنوتتي الأولى .وابى ادعلها

السلام عليكم ورحمة الله
حبايبي ابى مساعدتكم في اغراض بنوتتي المنتظره
انا ماااااااااااا اعرف في سوالف اليهال ولا السايزات
في حياتي ما اشتريت شي لبيبي
يليت تقولون لي محلات حلوه لاغراض البيبي في دبي والشارجه وعجمان
وشو اخذ بالضبط وكم العدد ؟؟؟ لان تعرفون الام بعد الولادة ماتطلع
فما اريد يكون شي ناقصنها فديت روحها…..
بشو ابتدي ومن متى؟؟؟؟؟؟؟؟؟
خبروني تراني في هالسوالف ماااااااااااااااااااااااااااااااعرف والله
السايزات المناسبه لهالسن يكون من 0 صح؟؟؟
هي بتنور دنيايه على شهر 8 باذن الله
فبيكون في الصيف…
اتريا ردودكم والله اني متحمسه اروح اشتري اغراض بس ابى اعرف شو اخذ وبشو ابتدي…….

بالبركه أختي وتولدين بالسلامه إن شاء الله

السموحه منج ماعندي خبره بهالشغلات لأني ما عندي عيال

مرحبا ختيه
الله يقومج بالسلامه
وعن خبره احسن ثياب من عند ماركس سبنسر اول شي تشترين من 0 الى 3
يعني 6 لبسات واقمطه من عند ايوب ما ادري اذا عندكم فدبي لان احسن مكان يبيعون اقمطه
وبيبي شوب ما عندهم نوع الاقمطه الزينه
لا تكثرين لبس البيبي وااااااايد لنها بسرعه بتكبر يعني بعد شهر او شهرين بتشترين اكبر
ولا تنسين الحوض والفوط ومستلزمات السبوح عند ماذركير او بيبي شوب

لو كنت من العين جان خبرتج بس دبى ماادرى بس بشكل عام بتحصلين فى بيبى شوب

بس ماانصج تاخذين منز الياهل من عندهم لان الاسعار دبل شوفى عند محلات الاطفال العاديه لان ايبولج نفس الكوالتى والاسعار ارخص

وبالنسبه للملابس خذيلها من سايز 0_3 لان بيكون مناسب وبما انج بتيبينه فى الصيف انشاءالله خذيلها الجلابيات الى اتى جاهزه وى القماط على 30 او 35 وتكون حلوه وايد للصيف والبدل خذيلها من بيبى شوب او اى محلات ثانيه للاطفال بس لاتاخذين وايد لان الياهل يكبر بسرعه يعنى 5 او سته يكفى وى الجلابيات لين ما تخلصين الاربعين بالاضافه الى الاشيه الثانيه مثل شنطة الاغراض وكيس الياهل وفراش المنز وفوطة السبوح وهذى الاشى اتييج على شكل اطقم دايما وعندج بنات وايد فى المنتدى ايسسوون اطقم حلوه

وطبعا لاتنسين المراضع واغراض السبوح من شامبو وصابون ودلة او مطارة للماى الحار عشان حليب الياهل وهالاشيه اتحصلينها فى بيبى شوب

وبالمناسبه احسن منتجات لبشرة الياهل هيه سيباميد لانها منتجات طبيه وبالذات لبشرة الطفل الحساسه الى تكون فى البدايه فيها مثل القشور

هذا الى اتذكره من الاشيه الى تعتبر اهم شى

وانشاءالله اتقومين بالسلاه وعقبال ما تصيرين ام 8 عيال انشاءالله مثلى خخخخخخ

يعني انا وانتي مع بعض ((والله يسهل علينا ))
1 لاتكثرين من اللبس والافرولات والفوانيل(عشان بيقصرا وهم يداد او مانلبسوا ((عندج ماركس سبنسر ((80سعره))+ ومذر كير(الي سعره 100وشي وهذااحسن نوع عندم لان عندم كذا نوع ))
الفوانيل في نوعين كت وبكم وخذي (0_3) و(3_6) عشان لو قصر((لان مره وحده بتلاحظين انه قصر
او ماقدرتي تطلعين ))ولو بغيت في نيو بورا لو حبيت بعد لاتكثرين منها وخاصه لو الياهل كان وزنه تحت 3 كيلو ..وممكن لو كان اكبر..وخذيله الافرولات المصكره من تحت عشان المكيفات وعشان عقب كم شهر بيدخل البرد ..ويوم بتاخين حق الياهل شي احسبي كم بيكون عمره + الفصل (مثل الشتاء او صيف)) (3_6) خذيه اثجال حق الشتاء
2القماطات في نوعيه عيبتني في بيبي شوب قطن وعليها رسومات عند اطرف ..
3 عندج ماركة سيب ميد ((عدة اسبواح )) وفي منها بعد كريم واذا ماتبين الكريم عندج بيبي اويل وفي ماركه احسن من سيب ميد بس غاليه ..+ الحوض والاسفنجه العوده والاسفنجه الغيره + مقص الاظافر بس الي شرات المقص الي نقصبه بس الاوراق مب ثاني ((وسمي قبل لاتقصين اظافرهم )
4 خذي المراضع الصغيره حق الماي واحسن تكون من زجاج وفي وحده اكبر سبحان الله للحتياط لو كنتي داومين ((او تطرين انج تعطينه حليب جاهز ))بس لاتكبرين وايد لانها نصها هو فبتسبب للياهل غازات بعد مرضعه وللاعشاب ((يبيعون في صيدليه جاهي البابونج حق الغازات )وبعد اذا حبيت تعطينه مصاصه لانه في يهال ماشاء الله عليهم في في بيبي شوب ماركه نسيت اسمها مصصاته فصفوريه هذي احسن نوع لانه فيها فتحه تحت اطلع الهوا مب مثل ثانيات ..
5 وفي مكينه تعقم المراضع في بيبي شوب بس غاليه شوي ..وفي جهاز حق الاذن للحراره وايد زين
6 يبيعون كلينكس حق تبديل الياهل بس لاتستخدمينه وايد وفي البيت بروحج غسليه في الحمام او يبي ماي ومسحيه بلقطن احسن للياهل لانه الكلينكس فيه كحول
7 واشبريه خذيها من بيبي شوب بس مب الخشب الكبار بتحصلين مثل السله وهذي حق اول الشهور وادف للياهل
8 عندج في بيبي شوب يبيعون صابون مال الثياب حق الاطفال وانا كنت شاريه قبل غساله صغيره لو حبيت او اخلي البشكاره تغسلهم بيد
9 يبيعون بعد مثل القطن يحطونه على صدر عشان مايخيس حليب وفي ستيانات مال ارضاعه بس ماجربتم في مذركير في نوعين نوع ايي حبه وثاني حبتين الاولي ايي كله قطن ام ثاني ايي نص قطن ونص نايلون ومدحولي الاول ..
هذا الي في بالي الحين واي سؤال طرشيلي على الخاص ان شاء الله مابقصر
وادعي لي كل ماذكرتيني

فديتكن يا بنات والله استانست على كلامكن…
والله اني مستعيله ابى اروح اتشرى يقولي ريلي صبري لين تدخلين السابع
الاشياء بتجدم………….
بس شكلي مابتريا واول مكان بروح له بيبي شوب……
وفديتكن لو شي غاالي بس فيه فايده قولن لي ترا والله ماريد ابخل عليها بشي
انا احب ريحت بيبي جونسون لاغراض السبوح شو رايكم فيه زين ولا لا؟؟؟؟؟؟؟اتخبل لو مسكت ياهل وشميت هالريحه……….مافي ولا وحده قالت لي عنه…
وبخصوص الحليب اذا بنوتتي ماتريد طبيعي وتريد صناعي شو احسن نوع للحليب للاطفال؟؟؟؟؟؟؟؟
وبخصوص الغازات …شاي مايلوبا قالو لي عنه…شو رايكم فيه؟؟؟
بعد اللي عندها شي يليت تفيدوني..وربي يرزقكم الذريه الصالحه يارب