تجربتج مع مولودج اليديد خاصة – نيو ماميز

مرحبا يا حلوين .. كل وحده تخبرنا تجربتج مع مولودج اليديد ..

مثلا ..

شو المشاكل اللي تواجهج ؟؟

كيف تنظمين وقته للنوم ؟؟

كيف تقضين يومج معاه ؟؟

وغيره من التجارب خاصة انج نيو ماما .. يعني يالسة تتعلمين على ولدج او بنتج ؟؟

حبيت تشاركوني تجاربكم عشان نستفيد من بعض .. ؟؟

مثلا انا ام يديدة و ما عندي خوات عشان اعرف كيف تجاربهم مع عيالهم .. بس انا و ماماتي هي اللي تخبرني شو اسوي ؟؟

بس مرات تكون مب موجوده واتوهق عشان جذه قلت مالي غير خواتي فالمنتدى هم اللي بيخبروني ..

بالنسبة للرضاعة الطبيعية .. عندي بعض الاستفسارات ..

1 . كيف تعرفين انه ولدج يوصله حليبج ؟؟

2 . كيف تعرفين انه شبع ؟؟

ام بالنسبة لتغيير البامبرز .. كم مره تغيرين حق ولدج او بنتج ؟؟

و بالنسبة للسبوح .. هل كل يوم تسبحينه ؟؟ ولا يوم وترك ؟؟

وبعد بالنسبة للغازات واو المغص كيف تعرفين إذا ولدج يعاني من المغص او لا ؟؟

هذي الاسئلة اللي تدور في بالي حاليا وإذا ذكرت اي سؤال ثاني بخبركم ..

نترقب مشاركاتكم

اول حمل لي اللهم لك الحمد ولك الشكر..

يوم بربي شهر 6 برد ع الموضووع خخخخ..

ان شاء الله خواتي يفيدونج…

للرفع ..

الله يتمم عليج يا ام غرور

و

تسلمين الغالية أحبك يا دنيتي على الرفع

اختيار موفق للموضووووووع

وللرفع لعيوووووونج الحلوه ^^

موووضووع واااااااااايد حلو
واتمنى الكل يشااااااااارك عسب نستفيد

كل الشكر لج ع الطرح ^^

تسلمون حبايبي على ردود .. وفعلا محتاجين الخبرة من الخوات ونترقب مشاركتهم