تغير زوجي بعد المسج الي شاف

السلام عليكم بنات بليز ساعدوني اباكم تنصحوني انا متزوجه من 12سنه وعندي اربع اطفال والخامس في الطريق وانا عمري ماحسيت بحب بتجاه زوجي يعني ماحبه ولا اكرهه يعني عادي وهو يقول انه يحبني ومن تعامله وتصرفاته يبين انه يحبني بس المشكله اني بهذا الحمل كرهته والمشكله ن قبل رمضان شاف مسج بيني وبين اختي نسولف على الحمل وذكرت اني اكرههه ونسيت امسح المسج وشافه وماتكلم الا بعد شهر يوم تزعلت معاه خبرني انه شافه ومن بعد ماعرف احسه تغيررر كثيررر صار كل شي عادي عنده اذا زعلت او اضايقت يعني بشكل عام حسيته انقلب علي في كل شي وانا ابا نصايحكم الله لايحرم كل وحده من زوجها وعيالها

اي نصيحه تبين تراج ماتحبينه تبينه دوم هو يركض وراج الله يهديج شو تبين بالضبط؟
دايما مانحس بقيمة بالشي الا بعد مانفقد

تعذري بالحمل وانج تنسيتي عليه وماحبيتي تقولين له وتجرحينه

والله يبعد عنكم المشاكل والزعل ..

الله يسامحك
غريبة كيف بعدك ما حبيتيه بعد 4 اولاد و الخامس عالطريق !
و خاصة انو عم يعاملك منيح وبيحبك

بس انك تكريه شي طبيعي ،، لانو هرمونات المرا الحامل بتغير مزاجها كثير
فاذا قدرتي تقنعيه بهيك شي بيكون ممتاز
مع انو بتوقع انو يمكن في شي جواته انكسر

الله يجمع بينكن عن جديد

انا دوم جي يستوي معاي …
اكون افضفض حق ربيعتي المقربه عن اشيا تضايقني
مرات تكون عنه و انسى امسح المحادثه ويقرى ما يقول شي بس عقب يوم نضارب يخبرني
بس انا طبعي دوم اصارحه بلي فخاطري فيمكن ما ينصدم

قوليله بسبه الحمل انا جي احس
و مو شرط تحبينه العشره تغني عن الحب
انتي ما تقدرين تحبينه جبر بس العشره بينكم هي الاهم

حرام كسر خاطري قوليله انا أحبك وايد ياغير الحمل مثر فيني وظهريله من النت حالة الحامل وممكن تكره حتى امها وبوها واقرب الناس لها وقوليله في الحمل تنجلب المشاعر يعني الي كنت احبه مووووت اكرررررررره موت فترة وحام اتصير هالامور فإذا انت ما تراعيني منو راح يراعيني .. وعموما انا كلمت اختي اني احبك وهالامور هي اتعرفها قالتلي الحمل مثر فيج.. والله يهدي النفوس صدقيني اذا اليوم الحب ماعطيتيه لبو عيالج منو يستاهله الغريب!!!!!!غريييييييبة ..

الحل انج تقولين له ان الحامل تكره الشغلات الي قبل تحبها يعني اذا قبل الحمل تحب ريلها بالحمل تكرهه خصوصا لو اهي تموت عليه قبل

ولا اقولج كتبي له رسالة وبثي كل اشجانج واشواقج ومحبتج فيها
وطرشيها
وطبعيله بوسه على الرسالة هههههههه