بخبركم شوي عن نفسي..انا أعاني من قولون عصبي وحموضة وإرتجاع الله يعافيكم..
بس بخبركم شيء.. اخر مرة زرت دكتوري وصفلي حبوب إسمها acidophilus وهي عبارة عن بكتيريا الأمعاء المفيدة اللي موجودة في روب ولبن أكتيفيا بس طبعا هني في الحبوب بتركيز عالي. ريحتني وايد. ومهما شربت لبن أو روب ما أقدر أعوض اللي يفقده جسمي يوميا بسبب الخروج اللي يسببه القولون. هاي البكتيريا تساعد على تنظيم الهضم بعد. وتعرفون انه كل ما اي حد منا يستخدم المضادات الحيوية بكل أنواعها، يقتل البكتريا المفيدة اللي في الأمعاء بعد؟ واللي مسؤولة عن سلامة الجهاز الهضمي خاصة والجهاز المناعي عامة؟
والله يشهد على كلامي اللي يالسة اقوله..انا ما ابيع الحبوب هاي ولا أروجلها لكن سويت بحث عنها وتكلمت ويا دكتوري ووافقني الراي ووصفها لي. انا ارتحت من اول استخدام لها على عطول الحمدالله.
ترا الحبوب الهاي مب بس اللي عنده مشاكل في الهضم، الكل بيستفيد منها بإذن الله.
اشجعكم يا بنات تدورون عنها في قوقل وبتعرفون كلامي صح. والله يوفق الجميع.
مشكورة اختي على الإفادة 
ممكن أعرف اسم الدكتور التي تتعالجين عنده؟ و هل هو دكتور شاطر؟
المشاركة الأصلية كتبت بواسطة ماما عزة 
مشكورة اختي على الإفادة
ممكن أعرف اسم الدكتور التي تتعالجين عنده؟ و هل هو دكتور شاطر؟
هلا الغالية..
اسم الدكتور محمد النونو في الشارجة. وهو وايد شاطر ومعروف.