الغاليات وبدون مقدمات انا ما اعرف وااايد في الاسماج …… فابغي كل وحدة اتقول لي نوع السمج ومقابله في شو استخدمه ……..
مثال : السمج الفلاني ينفع حق القلي
السمج الفلاني ينفع للصالونة
وسؤال ثاني ………. فيه سمج اسمه عوال …….. ابغي اشتريه بس ما ادري هل اسمه جي والا له اسم ثاني ؟؟
يلا فديتكم اتريا اتعلموني ورجاااااااااااااااااااااااااااء لا اطنشوني ……….
القباب حق المشواي الصافي حق المقلى الهامور حق المجبوس
هذا اللي اذكره الحين اذا اذكرت شي برجع مره ثانيه
سمك شعري صغير————–للقلي
سمك شعري كبير————— لشوي يتنظف السمك وتحشين فلفل اخظر+الثوم مدقوق
سمك قباب————— لشوي يتنظف السمك وتحشين فلفل اخظر+الثوم مدقوق او مالح اممممم لذيذ
سمك كنعد —————-صالونة+قلي
سمك كوفر—————-قلي امممممممممممممممممم لذيذ
سمك بياح ————–شوي اوقلي
سمك نقرور——————– مجبوس
سمك فرشه——————- شوي+ صالونه
العوال هو اليريور قشيد امممممممممممممممممم لذيذ
اليميام…………………………….مشواي
العنفوز……………………………مشواي
الضلع…………………………….مشواي+مقاي+ مرقزياسلام على المرقة ماله
العماد……………………………..صالونه
العقلاه……………………………مشواي
الحلوايوه…………………………مشواي
الشخيبي………………………….مشواي+مقلي
وشو تبين من السمج الزيادة بزيدج بس انت امري…
هطول
ام رشوودي
وردة الشوامس
فديتكم والله ما قصرتن واي معلومة زيادة بعد خبروني فيها ……. واشكركم مرة ثانية من كل قلبي
القباب———- حك المشواي بالفرن واحلى بالتنور اتحطين عليه ملح وفلفل سود وابيض مع حشوة البصل والطماط وايد روعة
اليريور———-حك القشيد لين –الحين ما انس يوم قطعته كنت وايد خيفانه حاسة انه بيهجم عليي هااااااهاا
ريلي خبير بها لسوالف ————- ( يحب السمج والبحر ) يوم بي من الدوام بتخبره وبخبركم
انا علي الطبخ وبس