هلا امهاااااااااااااااااااااات شخباركم عساكم بخير
وشخبار اعيالكم ربي يحفظهم لكم امين …
بنات انا محتارة …
عندي سؤال وابي تجاربكم الخااااااااااااااااااااااااااصه بخصوص هالموضوع
كم عندج من الاعياااااااااااااااااااااااال .. ووين يرقدون معاج فالغرفه ؟؟؟ ول بغرفه روحهم ..
و من اي عمر التحديد عودتيه يرقد روحه …
ااتمنى التجاوب مع موضوعي لان جدا مهم ..
بعده ولدي صغير بس مقرره يوم بيدخل الروضه بعلمه ينام بروحه إن شاءالله =)
بعده ولدي صغير بس مقرره يوم بيدخل الروضه بعلمه ينام بروحه إن شاءالله =)
بالنسبة لتجربتي الشخصية واللي أحبج تستفيدين منها ان شاء الله انه الطفل من يصير ثلاث سنين أحسن له ينعزل في غرفته الخاصة وطبعاً قبل جيه من أول ما ينولد تعودينه على النوم في سريره الخاص ( المنز ) وهذا عشان راحتج أنتي وريلج والأفضل لطفلكم .
وعن الشعور بالذنب أنج بتبعدينه عنج بس يكون أول فترة ومن ينتظم رقاده بروحه أنتي وهو بترتاحون وطبعاً ريلج بيستانس.
لا تحسين بالذنب ولا تبينين ضعفج جدام طفلج ولا تعلقج به لأنه الطفل ذكي وبيلعب بهالخيط عليج وبيزيد في دلاله.
اتخذي القرار وفهمي الطفل أنه كبر ولازم يرتاح في سرير أكبر وأنج بتكونين دايماً عنده من يناديج .
وأول كم يوم خلج عنده لين مايستغرق في النوم وأحسن شئ بيساعدج أنج تدخلينه السرير وهو منتهي خلاص من التعب عشان مايقاوم وما يحاول وايد يغير رايج.
وحاولي تقرين له قصة وأنتي بعيد بصوت عالي بنفس الغرفة بس تكونين واقفة مثلاً عشان تفهمينه أنج ما بتنامين عداله وأنه خلاص لازم يعتمد على نفسه.
صدقيني أنا عانيت مع ولديه في أول فترة لأنه كان متعلقني وايد وأنا كنت أخاف عليه من النوم بروحه بس اللي شجعني شعوري بالمسؤولية اتجاهه وأني أنا أمه ولازم أعلمه مش هو يعلمني وإذا أنا ما حطيت القواعد هو اللي بيحط لي القواعد وبيمشيني على كيفه.
يمكن طولت عليج بس صدقيني الموضوع يباله صفحات لأنه وايد من الأمهات يهملون هالموضوع ويقولون بعدين بيكبر وبيرقد بروحه ، مايدرون أنه بهالشي يدمرون شخصية الطفل ويفسدونها ويفسدونه!
حطي القاعدة وأمشي عليها بس مع تفهيم الطفل أنه هالشي لمصلحته والخطوة اللازمة والضرورية في الموضوع عدم التراجع بعد اتخاذ القرار والخطوة الأهم أن الأم لا تتأثر لتوسلات الطفل وبكائه وتكون حازمة وجدية مع بعض الحنان.
والله يوفقنا جميعاً على تربية أبناءنا تربية سليمة وهادفة ودينية والله يثبتنا على طاعته ويكتب لنا الأجر في تربيتهم على النحو الذي يرضاه عنا وعنهم.
نفس كلام الاخت الصراحة يوم في اول يهال ماكنت اسوي شيه اخليه اينام معي
بس عقب اتعلمت من تجارب الاخرين لان الام لازام اتكون قوية حتي اليهال يرتاح وهيه ترتاح
والله ايوفق الجميع ان شاء الله ويجعل حياتكم حياه سعيدة
اممم هي صح و الله يكسرون الخاطر بس عسب مصلحتهم ..