)
بأبتدي بكورنيش مارين درايف ..
أشهر منطقة في مومباي ، يا ما لعبنا وتمشينا بالساعات واحنا صغار بدون قلق ولا خوف ولا محاتاه 
تم مؤخرا تجديد الكورنيش بالكامل ووضع انترلووك
وعشان تعرفون الفرق اللي أحدثه التجديد بأراويكم صورتين التقطيتهم سنة 1985 …
لاحظوا هنيه الأرضية المكسرة واللي نصها قار هاذيج السنة وقارنوها بالصورة اللي فوق !!
وشوفوا هنيه الكراسي الصخرية شقايل كانت في الثمانينات ….
… وقارنوها بهالصورة الحديثة !
وغني عن القول ان شاطئ مارين درايف معروف بإسم "شاطئ العشاق"
يالس يقولها : " ولا يهمج ميري جان ! باجر بأحصل ويزة وبأسافر دبي مدينة الفرص وبأحقق كل أحلامج" خخخخخ
تنتشر فيها الفنادق من كل المستويات بسبب إطلالتها المميزة على بحر العرب.
مثل فندق ترايدنت اللي شفتوه في التقرير الأول عن مومباي (الثالث من اليمين)
وفنادق ثانية مثل امباسادور ، انتركونتيننتال ، نتراج وانترناشيونال وغيرهم
وفندق بسيط مفضل عند أغلب العرب اسمة Sea Green
والحين قسموه الى قسمين : Sea Green و Sea GreenSouth
الشير في الشوارع دايما أشوفه مذهل !!!
بشراشيبه العجيبة !
والعناقيد تدلت كثريات الذهب .. مع الاعتذار لفيروز خخخخخخ
ضاربة في القِـدَمْ …
أظني حشرتكم بالشير !! خخخخخ
ننتقل الى المباني ..
المباني جميعها بنيت على الطراز الانجليزي ، جميلة جدا وفخمة
مثل مبنى السياحة الهندي
وكلية ويلسون …
ومن العمارة الحديثة مستشفى تابع لطائفة البهره
ويعتبر طراز عمراني فريد من نوعه وخاصة في الليل
ورغم ان هذي بناية حديثة لكن شوفوا جمال بنيانها
لكن معظم البنايات مثل هذي يجذبكم جمال تصميمها من بعيد
لكن يوم تتقربون منها ، للأسف تلاحظون انها ما شافت ويه الصيانة في حياتها
وهذا نموذج ثاني للبنايات القديمة اللي رغم بساطتها ، حلوة في هندستها
ومن الفنادق المليئة بذكريات العرب .. فندق سادانند في كروفورد ماركت
أو تفضلون تسكنون RAILWAY HOTEL ؟ خخخخخخخ
هذا اعلان متسلسل كان موجود في كل شارع ما رمت أصور كل الصور
لكن رغم هذا التطور تظل بعض المهن على نفس البدائية
مثل محل الفوتوكوبي
انزيييييييييييين ! تعالوا الحين بأخبركم سالفة
وأنا في مومباي اضطريت أسوي عملية جراحية بسيطة
وكنت مصرة يسويها دكتور يعتبر من أفضل جراحين مومباي
لكن عشان أنا سايرة كمن يوم
اضطر انه يجري الجراحة في مستشفى ثاني غير اللي يشتغل فيه
عشان ما أتعطل بسبب الروتين ،
هو قالي تعالي المستشفى الفلاني وأنا ما تشد سرت له ،
يوم نزلني السواق لقيت عمري جدام بناية جدييييييييييييييييييمة !!
أول شي بحلقت عيني !
وبعدين دخلني البناية وقال لي اركبي اللفت !
طبعا مجازا أنا أسميه لفت لكنه بو الحدايد مال أول
وطبعا هذا ان دل على شي فإنما يدل على ان هالبناية مبنايه سنة ألف وتسعمية وحطبة
والدليل ان يوم دخلت استقبال المستشفى لقيت الأثاث اللي فيه هو نفسه نفسه أثاث غرفة يدوه الله يرحمها سنة 1970في فندق ديلامار اللي بأراويكم صوره بعدين
وطبعا يلست أصرّط أمواس من الزيغة
فياني دكتوري وقال لي ما يهمج من المكان ، المهم الايدين اللي بتسويلج الجراحة
وفعلا ! الحمدالله كانت موفقة جدا والنتائج ممتازة !
ويوم طلعت من غرفة العمليات ورديت الإنتظار عشان أدفع الفاتورة …
صديت عدالي !! شو تتوقعون لقيت ؟
^
^
^
^
^
^
^
^
اسطوانات أوكسجين حليانه بإنتظار ضحية أخرى
عودة للشوارع .. أكثر شي يلفت الإنتباه الحملات الإعلانية المكثفة
تحيدونه يا صبايا؟ خخخخ
والبنات اليداد اللي ما يعرفون شي عن يناصور المنتدى لقيت لكم هالرابط ، بتعرفونه من الردود
https://forum.uaewomen.net/showthread.php?t=483271
أكثر شي ملفت للنظر في الهند هو التسامح الديني لكل الأديان
هذا مسيد يوزعون جدامه الأكل مجانا للفقراء
وهذا مسيد في نص سوق كروفورد ماركت أظني يسمونه المسجد الأخضر
كانوا يسوون فيه صيانة عشان جذيه مب واضح لكنه تحفة معمارية
استانست وايد يوم سمعت الأذان في نص السوق
أما هذا فهو مسجد أحمدي : أشهر مسجد في مومباي وله قصة !
عند تخطيط الشوارع في مومباي استوى هالمسجد الصغير في نص الشارع بالضبط !
فقررت الحكومة انها تهدمه !
فاتحدوا المسلمين وسووا مظاهرات لمنع هدم المسجد
لدرجة ان الدماء سالت من أجله ، فقررت الحكومة الإبقاء عليه
لكن مع الاستمرار في بناء الشارع ،
فالحين استوى موقعه بالضبط في نص الشارع !!
يعني سيييد ورونغ سيييد وهو في النص !!
شي عجيب !
هذا شكله من الأمام
ومن الخلف
وهذا عن قرب
وأنا واقفة أصوره طاح علي المطر
حتى بعض المدارس مبنية على الطريقة الإسلامية (أعتقد هاي مدرسة مسلمين لأن لافتتها بالأوردو)
شو تتوقعون يكون هذا المبنى المتهالك ؟!!!
أكاديمية للطيران (قوية هذي ! الله يعين الركاب
وممكن جدا تشوفون النباتات داخلة بيب من على الأرض ومستوية شجرة فوق المبنى بارتفاع طابق (لاحظوا على اليسار)
… أو حتى نابتة بارتفاع طواااااااااااااااااابق !!!
وين سار باب الشاحنة ؟ ! لا تستغربون .. انتوا في مومباي
الظاهر يشلون الباب عشان "الطراوة" ولاحظوا بعد لازم السواق يكون حافي
"كيفي ألماس" ؟!!! ما عرفت هذا شوه ! يمكن مطعم
تخيلوا عايلة كاملة من الطلاليب عايشة في نص تقاطع !!!
مرة مريت عليهم لقيت وحدة منهم يالسه تتسبح في نص التقاطع ، قدام السيارات اللي سايرة واللي رادة !!!
هذيل اثنينه منهم شافوني في السيارة وعلى طول يوني
وطبعا أعداد الطلاليب نقصت بالآلاف في السنوات الأخيرة لكن أنا بأراويكم سامبل منهم
كيوت لاه ؟ وبعد سارت وزقرت لي أخوها
وعشان البلاد فيها نسبة رطوبة عالية فتلقون المباني دايما مسودّة
شو رايكم في هاللقطة الفنية ؟ "ما شاء الله" مكتوبه على السيارة اللي جدامنا + مسباح سيارتنا !! خخخخخ
مرة يقولوا طيور ومرة يقولوا خنازير
ربـــنـــــا يســـتر من الكلاب والحمير
وهيييييييييييييييييييييييييييييييييييييييييه خخخخخخ
والسؤال اللي يطرح نفسه : لو فعلا في شي اسمه انفلونزا الخنازير ؟
فليش ما يصيب هذا اللي راقد بين السيايير ؟!!!!
على فكرة يا بنات ! أنا اكتشفت ان في قاسم مشترك بين مومباي وفينيسيا
(عن تكفخوني بس )
تذكرون حبل الغسيل الشهير اللي راويتكم إياه في تقريري عن فينيسيا ؟
شفت مثله في مومباي ! عاده هناك فرق بينهما
وتذكرون هالباب الجديم اللي صورته في فينيسيا ؟
بعد لقيته في مومباي
أما الصورة السريالية اللي رسمتها أيدي الزمن على جدران فينيسيا ..
… فنفس أيدي الزمن رسمتها على جدران مومباي
مرة كنا سايرين شيتال ، ولقينا عداله معبد صغير مال إلهم الفيل أبو زلومة وكانت حزة المغرب
فجأة طاف واحد مستعيل ووقف جدام المعبد ويلس يصلي بكل خشوع !
تشان يقول بعلولي : ما شا الله ! باين عليه متدين ! يحاتي عن تطوفه صلاة المغرب
خخخخخخخخخ الله يهديهم !
الله يا بعض الناس يبيعون نعل ياااااااااااااااااااااااااااااااااااو
هوّه المهاتما غاندي مات من شوية !!!
هذا وهو مؤسس الأمة ، حاطين له هاللافتة المهترئة !!!
وطبعا كل سنة لازم أنهي جولتي في فندق يدوه ويديه الله يرحمهم
الفندق اسمه ديلامار ومعظم أهل الإمارات سكنوه من بداية الخمسينات الى بداية الثمانينات
لكن الحين خلاص مب فندق ، حولوه الى وحدات سكنية
تحته من هذيج السنين لين الحين الخطوط الجوية الإيرانية
أجمل ذكريات طفولتي قضيتها في هذا الفندق وخاصة في البلكونة اللي في النص اللي على اليمين
(حاليا سكروها بزجاج لكنها كانت مفتوحة)
ومن كثر ما أحب هالفندق صدقوا أو لاتصدقوا بعدني محتفظة بكرته
أحلى شي أسعار الغرف : المفردة 47 روبيه والمزدوجة 74 روبية
والأكل ما نروم … A la carte
وبما اني أحب الأنتيكات فأنا دايما أحتفظ بالأشيا الجديمة ،
ومنها فاتورة أول طقم ألماس كان هدية من الماما ،
وبما اني لين الحين محتفظة بالفاتورة فشي أكيد بعدني محتفظة بالطقم
اشترت لي اياه من محل كونتيننتال جوليرز اللي في فندق تاج محل ولين الحين المحل موجود.
لاحظوا التاريخ 1982 8 28
والحين نترخص عاده ، تتريانا سيارة طيران الإمارات
تكملة التقرير في الصفحة رقم 2