ريلي زعلان وانا مضايقه ما حبه يزعل ><

خواتي انا ادرس مسائي وزوجي هو الي يوديني للمدرسه بعد ما يرد من الدوام واكتشفت انه بعد ما يوديني للمدرسة يرد البيت ويكلم بنات عبر المسن والفيس بوك المهم انا عرفت من ملف المحادثه انه يكلم … لمحت له صار يام يخلص يمسح المحادثه واحيانا يكون مستعجل ينسى وحده ولا ثنين ما يمسحهم المهم انا دووم اعصب عليه لاني لما اخلص من المدرسه ادق له ما يجيني بسرعه مثل الحريم الي يدرسون معي ما شاء الله ما يخلصون الا وازواجهم واااقفين براء يستنونهم انا منغااضه منه المهم البارحه دقيت له تلفونه مغلق دقيت على البيت السماعه مرفوعه دقيت على مدرسة بنتي الخصوصيه والحمد لله ساعتها كانت بعدها ادرس بنتي كلمت بنتي قلت لها وين بابا قالت يلعب ف الكمبيوتر انا تجمعت شياطين الجن والانس فوق راسي قلت لها خليه يجي يشيلني شوي يمكن نص ساعه محد ياني دقيت مره ثانيه قالت بابا طلع قلت زين ترييت ربع ساعه بعدين جاء الحبيب رميت الشطنه فوق ريوله وقلت خلاص انا ماريد المدرسه قال زين افهمي ليش تأخرت قلت ماريد مبررات ادري الكمبيوتر اخرك .. قال والله الشرطه وقفوني عشان الزينه مال عيد الاتحاد قلت مايخصني ليش ما ييت ف السياره الصغيره قال التاير مبنشر وماشي بنزين قلت ما يخصني وعصبت ولما وصلنا البيت نزلت وخليت الشنطه ف السيارة شوي الا وجاب الشنطه وقال علي يمين اذا تكررت ها الحركه تشوفين شي عمرج ما شفتيه المهم انا سكتت وراح جاب الكمبيوتر وقال شوفي عشان تتأكدين انا كنت رااقد ويراويني اونه برامج اطفال شوفي عيالج الي كانو يلعبون فيه خخخ يقص علي مسح المحادثات ويباني اشوف خلا بس وحده لما كان يرمس اخته وانا اصلا كنت شاايفه المحادثات قبلها بيوم بس لو قلت له بيعصب وبيقول ليييييش تبحثين ورااي ف طلبت عشاء من الكفتريا وعطيتله ساندويش قال ماريد قلت ليش تعشيت قال ايوا قلت وين .. قال اسألي بنتج خخخ اونه عاد خخخ قلت انا ما يخصني البنت قالت لي انك تلعب كمبيوتر قال زين انتي صدقتيها وكذبتيني قلت مو كذا بس انت شوف الناس كل وااحد ينتظر حرمته عند الباب الا انا تم وااقفه وكل ما يمر وااحد يقول نوصلكم يرضيك سكت وتم ماد البوز طقعت له ورحت رقدت وخليته الحين صحيته ماد البوز وتريق وراح الدوام ؟؟؟!!1 ؟؟؟ للعلم كان عنده مسن وعطاني قال لج بعده بفتره غير الباسوورد وانا شفته يكلم البنات منه رحت عنده وقلت مالت عليك تعطين المسن بعدين تشيله قال لا وااحد ربيعي عيبه وقلت له خذه خلاص حذفيه من عندج خخخ .. قبل::: كمممم. يوم قلي..لا وبعد انا اعرف انه يعز ربيعه وربيعه من قوم المراقص دووم يروح سوريا ويقول قلت لربيعي عندك اخت على قدي قال لا بس عندي وحده عمرها 11 سنه مثل واحد من عيالك هاذي النطقه كملت القهر فيني وقلت له ليش تبا تتزوجها قال لا بس كنت امزح معاه >< …..منو الغلطان ومنو المفروض يرضي الطرف الاخر

ختي ما يستوي شي بالعصبيه ..ارياال ان بقى يخوون ما يرده اي شي ..فعلييج بالكلمه اطييبه اول شي ..

وبعديين مهما سوي .. كلم ولا ما كلم بنات حطي في بالج .. انه لو يحوط ادنيآ كلهاا مرده لج انتي حلاله ..

صدقييني هب بس ريلج جييه معظم ارياايل جييه .. ما عرف شو ياهم اتخبلوا تالي زمانهم ..

بس الله يهديهم ..

احتي الغاليه لو تمسحين بعد الكلمات التي لاتليق بمنتدانا الغالي لان الفاظ سوقيه وعيب والمفروض ماتقولين عن عمرج هالكلام لان عيب الله يهديكم ويهدي الجميع