ريلي مسافر ابشره بحملي الأول ولا انتظره يرد

السلام عليكم

شخباركم يا كروشات و شخبار المربيات
الحمدلله ع سلامتكم و مبارك عليكم مواليدكم

مثل ما قريتوا فالعنوان ريلي مسافر وانا حللت وطلعت حامل والحمدلله عقبال اللي تبا ان شاء الله
سبق اني حملت و اجهضت و ربي عوضني الحمدلله ربي يثبته ويسهل حمله و ولادته آمين

شو رايكم اتصله وأخبره ولا اترياه يرد بالسلامة و اسوي له مفاجأة
المشكله ما فيني صبر

الف مبروووووووووك حبيبتي ربي يتمم حملك على خير
خبري زوجك واسعديه بالخبر الحلووو

مبروووًك حبيبتي اكيد انتظري وجه لوجه احلى

الف مبرووك حبيبتي والله يثبت حملج ويسهل عليج

اذا مطول خبريه بالفون، اما اذا اسبوع وبيرد انتظري وسويله مفاجأه، حلو تشوفين ردت فعله

يب يب من راي الخوات اذا مطول خبريه فالفون اما اذا بيرد بسرعه
احلى وجه ب وجه وانتي ماوصيج عادي جهزي عمرج وشغلات حلوه
مثلا نفافيج واذا اترومين خذي لبسة اطفال لون محايد مثل اصفر اخضر عشان بعد يوم تلبسين البيبي ان شاءالله تذكرين اللحظات الحلوه *.^

يعتمد على متى بيرد ؟ اذا قريب خلاص خليها مفاجأه

واذا بعيد خبريه وربي يسعدكم ويتمم لك حملك على خير

الف الف مبروك حبوبه

خبريه بالعكس خلي الخبر فرش .. خليه يرد لج متلهف عليج ومستانس ،،