انا محبطه يا ناس
اخر دوره لي كانت 4/3
اول ماغسلت من الدوره صار لقاء لانو كنت ابي احمل واستمرينا يوميا او يوم وترك ويوم 16 قلت ليش ما اروح اشيك على التبويض لاني كنت احس بألام تبويض رحت عند دكتوره نسائيه هنديه وقالتلي عندك بويضه بحجم ممتاز وان شاء الله لو صار لقاء بتتلقح المهم سويت اللي قالتله لي وكنت يوميا بعد ماخلص التبويض وبأيام الامان اشيك بالحمل المنزلي ومايطلع شي
قبل الدوره الجديده بكم يوم سويت تحليل منزلي وطلعلي خط فاتح
فرحت وعدته كذا مره _وسرت العياده اتأكد قالولي بوزيتيف ودخلت على دكتوره عراقيه في دبليو ويلسون بالشارجع وسوتلي سونار خارجي وقالت مبين عندي نقطه صغيره وقالت اراجعها بعد 10 ايام وعطتني مثبت وفولك اسيد وقالت لازم اسوي فحص هرمون نفس الوقت وكثييييير فحوصات واتصل فيها بعد ساعه
المهم سويت وطلع ميه وكلمت الدكتوره تلفون وقالت انتي بالاسبوع الثالث تقريبا والفحوصات الثانيه سليمه لاتنسي المراجعه بعد 10 ايام
امس راجعتها وياليتني مارحت
كان عندها فوق 15 مراجعه
وجا دوري وحسيت تبي تخلص مني بسرعه وتصرفني
سوتلي سونار خارجي مابين واقنعتني بالداخلي وقالت مامنه خطر ابدااا ونفس الشي ومابين غير الكيس الصغير وقالت انا ماشايفه تطور عن المره اللي فاتت المفروض يكون في نبض واشوف الجنين والله شكله النمو توقف وتمت تخوفني وترعبني والله يشهد _قلت لها دكتوره انا خفت الحين ومرعوبه شو الحل قالت ايي ماما لازم تخافي اناا همينه خايفه وتمت تهز براسها يمين وشمال كانو في مصيبه وتحسسني انو خلااااص وقالت لي كاهي وحده قبلج نفسج 6 اسابيع والبيبي فيه نبض ومتطور
قلت لها هو خارج الرحم ولا عشان اوقف المثبت قالت لاااا هو بالرحم ولا توقفي المثبت والفولك لين ماتطلع نتيجه التصوير وقالت اسوي تحليل هرمون جديد وطلعت النتيجه بعد ساعه 645 وقالت اوكيه النسبه
وحولتني على المركز الدولي للاشعه
طلعت ونا منهااره حتى اني جلست بارض الحمام ابكي استغر الله انا مو معترضه والحمدلله مافيني اي مرض او مشاكل
حتى ماقدرت ارجع دبي واتصلت بزوجي وجاني
ورحنا مركز الاشعه في كرستال بلازا وطلعو كل الدكاتره مسافرين
انهرت اكثر واتصلت بصديقتي
ماقصرت الله يجزاها وظلت تهديني وحجزتلي موعد مستعجل مع د كتوره ندى حمزه
رحت وبكيت تلقائيا يمكن من الفرق في المعامله وقلت لها القصه وتمت تهديني وفحصتني داخلي وقالت لي عمر الجنين مفروض يكون 6 اسابيع حسب اخر دوره
المهم قالت انو رحمي متهيأ والكيس صغييير وقريب من عنق الرحم وقالتلي انتظر اسبوع واوقف المثبت
اذا صار تطور وتحرك الكيس وبان شي تماام _ واذا ماصار وظل الكيس في مكانه قالتلي اتس اوكيه بتعطيني حبوب تسبب شوي مغص وتنزله عشكل دوره لانو فارغ وقريب من عنق الرحم فسهل انو ينزل
وقالت لي عادي وتقدري تعيدي المحاوله
طمنتني شوي الله يجزيها خير وقالت انو يوميا اكثر من حاله بنفس الموضوع تمر عليها
طمنوني منو صار لها نفسي
انا ما وقفت بكاء من امس
انا بصراحه ماكنت ارحم نفسي كنت اتحرك كثير وامشي
قولولي وشورو عليه
ادعولي الله يفرج عليه ويفرحني
ملاحظه انا متزوجه من 3 شهور ونص تقريبا وهذا اول حمل لي ودورتي منتظمه والحمدلله
ومافيه افرازات تنزل او دم
الله يلطف بحالي
لاتمين تفكرين وايد والي فيه الخير بيستوي ..
انا مو من النوع اللي يوسوس حتى زوجي مستغرب من اول ماعرفت الحمل ونا كله اوسوس وادخل جوجل ختى انو هددني انه بيقطع الواي فاي
والله مش بيدي بس شو اسوي عشان ما اوسوس