ساعدوني فلوسي انسحبت من المكينة قبل لا اخذها

السلام عليكم ورحمة الله وبركاته

كنت رايحه اسحب من مكينة ال ATM
اللي بشيشة البترول وكنت بسحب 500 درهم وطلعت الفلوس بس اتاخرت وماسحبتها والمكينة ردت تسحب الفلوس واظطريت اسحب 500 غيرها والحين مكتوب بالورقة اني سحبت 500 مرتين

هل ال500 ترجع فالحساب او لا

يارب ترجع اختي

راجعي البنك

حبوبة كلمي البنك وخبريهم بمكان الماكينة وبأي شيشة وهم يدققون الفلوس داخلها اذا في زيادة فلوس في هذه الحالة يرجعونها على حسابج انشاء الله انا صارت معاي مرة حين الفلوس ما طلعت من الماكينة شكلها ما كان فيها فلوس وطلعت الورقة انه انسحبت الفلوس من حسابي راجعت البنك وعطيتهم عنوان الماكينة ولما تأكدون بالتدقيق ردولي المبلغ على حسابي بس الموضوع أخذ وقت
ان شاء الله ميسرة معاج

اول شي شيكي بحسابج كم فيه اذا حصلتيه ناقص
تواصلي مع البنك

صارت معاي مره انسحبت الفلوس قبل لا اخذها وانخصمت من رصيدي وكانوا 2024 فراجعت البنك وكلمتهم بالي صاار ومن المكان الي سحبت فيه المبلغ مثل ما قالت الاخت والحمدلله بعد اسبوعين رجعوها في حسابي لانهم شافوا فلوس زياده بعد التدقيق فالموضوع صار مع البعض لا تحاتين ان شاء الله برجعونها لج

بترد لج بعد فترة خبري البنك