ياليت البنات يفيدنا في موضوع الأغراض اللي نحتاجها في شنطة المستشفي
عشان الكل يستفيد
شو المفروض نشل معانا….؟؟؟؟؟
ملابس داخليه سته او اكثر … ما تدرين يمكن الدم يكون وايد ويسرب .
الفوط الصحيه ..
3 جلابيات مريحه .. لج ومفتوحه عند الصدر عشان يسهل ارضاع البيبي
ووقايات مال البيت .. عشان يوم ترضعين البيبي محد يجوف ..
اغراض المحروس البيبي ^_^
اندر وير
بيجامات خليها مريحه
وقماطات
احس اربع قطع تكفي ولو احتجتي ترومين اطرشين حد ايبهم لج عقب .. بس تاكدي انج غسلتينهم عشان الياهل ما يتحسس
وبطانيه
بامبرز .. المناديل المببله .. وفوط صغيره
وان شاء الله تولدين بالسلامه وتفرحون بالبيبي اليديد
-اغراض الحمام((صابون للوجه-صابون للجسم-فرشاة اسنان- معجون – غسول للفم-مزيل العرق-كريم للجسم-مشط-غسوول نسائي-فوطه للجسم-فوطه للوجه ما احب مال المستشفى-سليبر للحمام))
-3 جلابيات+3 شيل+4 غيارات +سليبر للغرفه+جراجة التيلفون
-للبيبي 4 غيارات +4 بربطوز((القطن الكامل اللي ينصك من تحت))+4 قماطات…البامبرز متوفر في المستشفى والقطن للتنظيف احسن من المناديل بالماي الدافي
اللي تولد طبيعي تترخص عقب يومين بس انا احط زياده يمكن اوسخ او البيبي يرجع…عسى الله يسهل عليج وتقومين بالسلامه
نبا تفاعل اكثر عشان الكل يستفيد
وفوده لج وللبيبي امممم وانشالله الخوات ايساعدونج
