اعرف وايدين عندهم مشكلة مع جهاز الكباتشينو و انا كنت منهم
بحط لكم خطوة خطوة و لكن اعذروني و اسمحولي جهازي واااااااايد قديم
ترى مب وصخ بس منكثر الاستخدام لونه من داخل متغير ( تعرفون القهوة تصبغ)
اي استفسار على العام او خاص امروا
الموضوع متعوب عليه و اتمنى ترفعونه للاستفادة
هذا جهازي (ما في داعي تقولون مشاءالله
احسدوه عسب يخترب و بوالشباب يشتريلي واحد
يديد خخخخخخخخخ)
اول شئ تفضلوا شربوا معايه
اول شئ تشترين الكوفي الغير مطحون (اشتري
من كوستا او جلوريا جينز)
تطحنينه قد 4 ملاعق طعام فقط
عسب كل يوم يكون عندج كوفي مطحون فريش
تحطين مقدار كوب ماي هني (لونه متغير من كثر
الاستخدام ,,,مب وصخ خخخخ)
و في الماعون اللي ينحط داخل حوض الماي
تحطين ملعقتين كوفي مطحون
و تسكرين الراس عدل
و تصبين ماي وين مكتوب كباتشينو و تسكرين
الغطاء
عقب ما شفتي الليتين فوق و تحت وين مكتوب
سبريسو (حسب جهازج) اشتغلوا معناته
القهوة (سبريسو) جاهزة
تحطين مقدار شوي اكثر من ربع كوب حليب في
كوب كبير
و تشغلين وين مال البخار و حطي كوب فاضي تحته
عسب لو متبيقي
اي حليب او اي شئ يطلع عقب سكري و حطي
كوب الحليب البارد
و دخلي الانبوب في الكوب بدون ما يجيس قاع
الكوب
و بيستويلج رغوة
و لكن لا يفور الحليب
( هني الصورة تمثيلية لان الانبوب مال الرغوة
ضايعة عني و انا مرغوة الحليب
بجهاز ايكيا خخخخخخخخ)
عقب تصبين الكوفي في الكوب اللي حابة ( احب الاكواب السادة شكل مال فنادق )
هذا الجهاز من ايكيا ب 5 دراهم يشتغل ببطاريتين
و الرغوة اللي في الصورة سويتها بهالجهاز
و تصبين الرغوة فوقها
و ثم عندج كاكاو بودر في الملاحة ترشين فوق
الرغوة
يتبببببببببع
وتسلمين على الكابتشينو الرائع .. على هالجو الحلو ..
المشاركة الأصلية كتبت بواسطة إمارتيه 
وتسلمين على الكابتشينو الرائع .. على هالجو الحلو ..
بالعاااااااااااااااافية عليج حبوبة و مشكوووووووووووووووووووورة هذا من ذوقج الغلا
اي والله جو حلو مشاءالله
عاد على ها الجو الحلو نبا نشرب كباتشينو من ايدج
المشاركة الأصلية كتبت بواسطة ام عبادي70 عاد على ها الجو الحلو نبا نشرب كباتشينو من ايدج
حياج الله غناتي لو اختنا امارتية ما مخلصة الكوب جان زين ههههههههههههه