شو اخباركم وشو اخبار حياتكم الزوجيه والعائليه انشالله مرتاحيــن؟؟
.gif "44 (38)")
انا اكتب الموضــوع ومتأمله الكـل يشاركني بأفكـاره وابداعاته في كســر الملل في الحيــاه الزوجيــه
لانه اغلبنا يعاني من الملل في حياته ،، بس الحرمه الشطوره الاموره هي الي تكسر الملل وتتغلب عليه بذكائها وافكارها الجهنميه .gif "13 (41)")
والحيــن كل وحده تدخل تخبرنا شو طريقتها في كسر الملل عشان الكــــــل يستفيــــد
يالله ابــا تفـاعـــــــل .gif "13 (20)")
والله انا وحدة من الي يعانون من هالملل ..
خصوصًا لا أدرس و لا أشتغل و ما أسوق حتى ..
فتشوفيني اشغل نفسي يا بترتيب البيت او هالايام اسوي توزيع البيبي من غير مساعدة حد عشان ما اخلص بسرعه و امل مرة ثانية خخخ
و ادخل النت اسولف فتجمع الكروشات فديتهم 
لو اقدر جان نميت هوايتي الي هي المكياج او التصوير بس للأسف لا المكان يساعد ولا حد يشجع ..
ربج كريم
المشاركة الأصلية كتبت بواسطة [ حبيبته ] 
والله انا وحدة من الي يعانون من هالملل ..
خصوصًا لا أدرس و لا أشتغل و ما أسوق حتى ..
فتشوفيني اشغل نفسي يا بترتيب البيت او هالايام اسوي توزيع البيبي من غير مساعدة حد عشان ما اخلص بسرعه و امل مرة ثانية خخخ
و ادخل النت اسولف فتجمع الكروشات فديتهم
لو اقدر جان نميت هوايتي الي هي المكياج او التصوير بس للأسف لا المكان يساعد ولا حد يشجع ..
ربج كريم
حبيبتي والله انا الي اشكرج على تفاعلج في الموضوع
لااا واول رد بعد تستاهلين صفقه .gif "12 (74)")
بس بعد تستاهلين ضربه .gif "12 (96)")
كيف عايشه في ملل ومخليه حياتج تمشي جذي!
ماخبرتينا بما انج لاتدرسين ولاتشتغلين عيل شو تسوين في حياتج؟؟
وهل ريلج متملل من حياتج ؟
المشاركة الأصلية كتبت بواسطة ربي لاتحرمني لااا واول رد بعد تستاهلين صفقه
بس بعد تستاهلين ضربه كيف عايشه في ملل ومخليه حياتج تمشي جذي!
ماخبرتينا بما انج لاتدرسين ولاتشتغلين عيل شو تسوين في حياتج؟؟
وهل ريلج متملل من حياتج ؟
لا ريلي مخليني على راحتي و هو بالعكس يشجعني على هواياتي بس تعرفين ثقل الحمال مالج خلق اتسوين شي ..
الوضع مؤقت ان شاء الله
بصير ام إن شاء الله ..
و بكمل دراستي بس لما تتيسر الأمور .. دعواتج بس
والحمدلله ماشي ملل في حياتي هذه السنة بس العام وايد كانت حياتنا تعاني من الملل
عقب كسرنا الملل بطلعتنا اوا وياه بس الى قصر جميرا ساعات طلعات مال بدسة ههههه بدون العيال
اتصدقين اذا طلعتي طلعه وحدة واستانستي فيها بدون عيالج يبنكسر الملل شوي
عني أنا جامعية ولله الحمد بس ما اشتغل…يالسه في البيت لاسباب معينه والله يقدرني عليها… اول شي دوام ريلي ما يساعد اني اشتغل برع البيت.. ثاني شي عسب اجابل عيالي واهتم فيهم يعني ما اضغط على عمري.. ثالث شي عندي طموح كبيييير اني اقدر اسويلي بزنس خاص فيني والحمد الله بديت صح الحين اسوي توزيعات لكل المناسبات وشاغله وقتي وااايد يعني ما حاسه بالفراغ ابدااااا… وإذا ياني وقت ما عندي طلبيات فيه ممكن نطلع مثلا لدبي أو العين أو عمان (الاماكن المفضلة) .. بعد ممكن اطلع شوبينج من أحلى الهوايات عندي وخاصة عند ريلي.. أحب اقرا وايد وأقرا لعيالي بعد.. أيلس على الكومبيوتر… وبما انه عندي ليسن احب يوم امل اشل عيالي واسير بيت ماماتي حبيبتي..و وااايد اشياء بس هاي الأهم.. ان شاء اكون افدتكم بشي
الحين مشغولة شوي