السلام عليكم ورحمة الله تعالى وبركاته
أحس ها شي عادي واكيد الكثير منكم بيقول جيه حتى انا ومب معترضه على إإرادة ربنا الحمد لله والشكر بس الكلمة ضايقتني وايد
من فترة بسيطة بنت خالتي عرست وهي صغيره عمرها 15 سنه
أنا ما دريت بعرسها لان علاقتنا مع خالتي شبه معدومه لظروف الله يعلم بها
أمس امي تعلمنا جان تقولي أم 15 سنه عرست وانتي بعدج قاعده.gif "12 (37)")
استغربت انها هي تقول جيه ما عرفت شقول لان خواتي الصغار كانو قاعدات واختي العوده قلتلها انتي امي تقولين جي شخليتي للناس عيل اختي قالتلها شسوي تروح تدور ريل امي قالت ماكان قصدي بس انا حسيت هالكلمه جرحتني وايد ومن حزتها احس اني عادي ما راويتها اني زعلانه ولا شي من طبعي اني انكت واسولف راويتها ان الوضع عادي وانا داخلي صدق متضايقة ومره بعد اخوي قالي عنبوه ما عندج حد من ربيعاتج تخطبج حق اخوها مع اني مب من كبري يعني عمري27 سنه وحتى لو النصيب عند الله ليش جي لازم هالكلمه يعني انا الحمد لله شاله عمري اشتغل واسوق يعني مب مكلفه شي على حد وفحياتي مرتاحه بس التنغيزات تطعني واختي المعرسه مب الكبيرة لا الي اصغر عنها تقولي مرات خليج لين تعنسين ومره قالتلي انتي شعرفج ما عندج التزامات وريل واسمحولي عالمغثة عزيزاتي
لكن أنت لازم تردين عليهم..ولا تخلين شي بخاطرج…
يعني ردي عليهم……رزقي عند رب العالمين…وأنا حامده ربي وشاكرة له…
وخليج..كووول..جدام هاي الأمور…لا تحطينها ببالج..تراج واايد بتتأزمين..
وحبوبه..ادعي ربج..,أستغفري له..
وتيقني…وحطي قاعدة ببالج…
(إنما أشكو بثي وهمي وحزني إلى الله…وأعلم من الله مالا تعلمون..)
قوي ايمانج برب العالمين و اعرفي ان اي شي يصير هو الأخير و الأنسب لج .. و إذا رمسوا في السالفه مره ثانيه .. طنشي .. أكبررررررررررر طاف .. بتقولين ما اقدر او يمكن اقص على عمري .. بقولج ما عليه سوي طاف مره و مرتين.. قصي على عمرج مره و مرتين و ألف .. لين يكون هالكلام عاااادي و لا كأنه انقاااال ..
اوكي الغاليه ؟؟ و بعدين الحمدلله تكونين في بيت اهلج معززه مكرمه شاله عمرج احسن مليون مره من القعده في بيت ريل الله اعلم به .. >> مابي ألوع جبدج في العرس بس اللي ابي اوصل له .. ان شي احسن من شي ما تعرفين كيف بيكون ..
دام انج قانعه نفسج ان الأمور كلها طيبه .. فعاااادي لا تهتمين بالموضوع و طنشي و اللي بيقولج و بيرمس عن السالفه قولي له بدال هالكلام ادعوا لي بالريل الصالح يوم تبوني اعرس . و ترا مب عيب تدعين لنفسج بالزوج الصااالح بس لا تخلينه همج الوحيد .. عيشي حياتج و لكل حادث حديث .. ^_^
الله يوفقج ان شاء الله و يرزقج الزووج الصااالح ..
بصراحــه يمكن يكون هل العمر عاادي تتزوج فيهــ البنت …بس صدق ما اشوفه هل المرحله المناسبه ( المراهقه ) انه البنت تعرس …بعدها صغيره …
وشو يعني اذا بعده نصيبج ما ياااج …واايد بنااات تزوجو من بعد 25 سنهـــ …وحد الي مرتااح والي مب مرتاااح …
لا تتضايقين ..اذا عاادو الكلمــهــ …ضحكي لهم ..قولي …الحمدلله مرتااحــهــ ..شغلي وسيارتي ساده نفسي … ويوم بي الرياال مرحبا بهــ …مب مستعيله … عيل الرياال ما يفكروون فيه اذا وصل عمره 30 سنه وما عرس …ومحد يسوي بلبله ..البنت لانه يخاافون عليهــا … مع انه كل شي قسمه ونصيب …
الله يرزقج بالزوج الصالح الي يسعدج ..
و هاي امج اكيد ماتقصدها بس اكيد ودها تشوفج عروس
والله يرزقج بزوج الصالح