علاج الكيس المائي في الرحم

قبل أسبوعين راجعت عند دكتورتي لاني اراجع عسب التكيسات والحمدلله خفت عن قبل بس الصدمة انه في آخر دورة ظهر لي كيس مائي قالتلي هذي بويضة ما انفجرت وتحولت لكيس المهم قالتلي تعالى ثالث يوم دورة اذا نزل بنفسه راح اعطيج كلوميد واذا ما راح ماقدر اعطيج كلوميد لأنه بسبب مضاعفات وعلاج الكيس هو حبوب منع الحمل ♈ في خاطري مابي اخذهن لاني اراجع عسب الحمل كيف اشربهن وانا ابئ أحمل المهم توكلت ع الله والحين اخذهن وان شاء الله ينزل الكيس مع العلم أنه قبل أسبوع كان حجمه 5 سم ويوم السبت وصل حجمه ل 4 تقريبا بنتظرها لين نهاية الشريط والله كريم..

خواتي هل في أمل ينزل الكيس بحبيب منع الحمل خلال شهر وهل ينزل وقت الدورة ويكون ع شكل شوو؟

كيس الماي في الغالب ينزل روحه مع الدوره تكون الدوره شوي غزيره
ما انصحج تاخذين حبوب تريي الدوره وان شاء الله بينزل
صاري هالشي ثلاث مرات وانا ما استخدم حبوب منع ولا اعالج تكيسات بس جذيه روحهن يصيرن

ياني الكيس وكان حجمه 3 بس
ونزل مع الدورة بدون حبوب والحمدلله

احيانا الدكتوره تكتب حبوب منع الحمل اذا حجمه كبير وبينزل خلال 3 اشهر بالكثير لا تحاتين حبيبتي

حتى انا اختي اضم صوتي مع البنات..
وانا حامل طلع لي كيس قياسه 7 والحين اختفى من نفسه..
وقبل بعد طلع لي كيس قياسه 4 من سبة الابره التفجيريه (يعني البويضه تحولت لكيس وما انفجرت).. وبعد راح من نفسه
واللي اعرفه ان اللي يذوب الأكياس هو القلوكوفاج (ياخذونه عشان السكر بس ينفع للأكياس) احسن لج من حبوب المنع لأن ما تعرفين مضاعفاتها خاصه لو ما حملتي من قبل
الله يكون في عونج ويزرقج الذريه الصالحه وكل اللي يتمنون ياااارب ..

جربي تروحين عند ممرخه او سوي حجامة ان ما نفعو ما بيضرونج و اذا هالكيس ينزل مع الدورة جربي المشروبات الساخنه اللي تنزل الدورة القرفه الحلبه الحبة الحمرة و الزنجبيل و اذا هالحبوب اتسوي شي زين استمري عليها و الحمل لاحقه عليه ان شاء الله بس اهم شي صحتج عشان لما تحملين يكون الجنين سليم و بصحة جيدة اصبري الا هو شهر في ناس صبرو سنين .. الله يشفيج يا رب و دايما اسألي الدكتورة شو مسببات هالشي اللي اتعانين منه فالوقاية خير من العلاج ..

عن تجربه سوي حجامه

ما قصرتن خواتي هي عطتني الحبوب لمده شهرين بس انا باخذهن هالشهر بس عسئ ينزل من نفسه وابدأ بالتنشيط.. سويت سيرش في النت وأغلبهم مدحو الحبوب لعلاج الكيس.. الله ييسر ودعواتكن