فطام من الحليب الصناعي

السلام عليكم ورحمة الله وبركاته
خواتي بغيت نصيحتكم ومشورتكم
ولدي عمره سنة و9شهور.. ابغي افطمه عن الحليب الصناعي
وللعلم هو بس يشربه مرتين فاليوم وفوقت النوم..
مرة الظهر وقت رقاده ومره بليل فوقت رقاده ومرات يقوم يبكي يبا واحطله
ولدي كان يشرب نان ومن شهر غيرته وخذت بيبي لاك جونيور .. ع اساس اعوده عليه واخليه حليبه حتى بعد الفطام بس بالكوب مب المرضعه
الحمدلله عيبه.. فحاولت اسويله الحليب بكوب اطفال بس مووول مائي رضي يشربه تلوع جبده// مع انه يشربه بالمرضعه
وجربت أغير لي نكهته بموزة نفس الشي ما قربه موول
الحين حبايبي .. بغيت تجاربكم ممكن تساعدني ع أفطام ولدي من المرضعه وقت النوم .. ولوو بالتدريج لين يكمل سنتين

السموحة طولت عليكم

الله يحفظه لج

اخ تعبت ويا ولدي عمره سنتين وشهر ما يبا غير المرضعه حطيت له بالكوب يصبه بالارض ما يبا الا بالمرضعه كنت مثلج اعطيه مرتين الحين استويت اعطيه مرة بس وقت النوم فليل الصبح اعطيه صافيتو الصغيرة بس فليل للحين ما قدرت ابدل الرضاعه كنت اعطيه نان والحين بيبيلاك جونيور

نصيحتي لاتفطمينه. هو مايرضع طبيعي عشان تقولين والله تعبانه ومافيني حليب. هو يحليله يشرب مرضعه ومرتين بس في اليوم. يعني حلو. لاتفطمينه ولاشياته لانه بيستوي نحيف واااايد. اسألي مجرب أختي يوم سمعت عن ولد الجيران يشل مرضعته المدرسه. خافت أختي على بنتها انها تسوي نفس ولد الجيران وقطعتها من الحليب مع انه بنتها 3 سنوات. بس لو تشوفين بنتها الحين عصقوله مستويه وطبعا معروف اليهال ماياكلون شرا الكبار يترسون بطونهم. لا هذيل صغار يأكلون لقمتين وعقب شوي اييوعون يبون حليب. يعني الحليب ع الاقل يعوضهم شوي. لو انا منج مااقطع الحليب اللين يكبر وبروحه يودره. وعلى فكره أختي ندمت وتبى ترد تعطيها حليب والحين بنتها اللي ماتبى الحليب. هذا وانا نصحتج وانتي عكيفج

انا رايي من رأي الاخت جوهره خالد اليهال ما ياكلون زين على الاقل الحليب مدعم بفيتامينات. و ولدج بعده صغير على الاقل ويا الحليب تظمنين ان عنده عذاء متكامل و ما عنده نقص فيتامينات او حديد.

هلا اختي تعابير اشحالج .. انا عندي لج حل انا بعد شراتج ولدي مايبى يشرب اي حليب غير صدري اخر شي لين ماصار عمره سنه ونص قررت اوقف عنه لانه صراحه طفربي كل مكان لازم ارضعه حتى ف المول خخخ تعبت نفسيا .
يبتلج المر تعرفينه؟ ذوبيه بماي وخليه ثجيل ودهنيه بكميات كبيره ع الحلمه والله ولدي اول ماشربه ابدا مايه صوبه كره حليبي وشرد هههههههههههه ان شاء الله يفيدج واذا مافادج اول مره ردي سويه اهم شي المر يكون ثقيل