السلام عليكم حلواتي
بحطلكم طريقه صنع الكبتشينو نفس الكافيهات
بدون الجهاز و يوم ثاني بالجهاز ان شاءالله
الطريقه جدأأأ سهله بس انا وايد كاتبه بتفصيل الممل …
الخلاصه:
اطحني حبوب القهوة و اصنعي سبريسو بالطريقه المذكورة بالورق و ماي حار
حطي ربع فنجان سبريسو و الباقي حليب + الرغوة
زينيه و بالهناء
بتحتاجون :
حبوب قهوة من غير نكهه او مع نكهه من غلوريا جينز او اي كافيه ثاني تحبون
اطلبوا قهوة لاسبريسو …
الكيس ب 25 درهم
هالاوراق من الجمعيه او سبينس او اي هايبرماركت ثاني بحدود 15 درهم و فيه 40 ورقه
جهاز العادي من ايكيا لعمل الرغوة
… او من دايسو او هوم سنتر الى آخره …
كل مرة بتسوون كوفي اطحنوا كمن ملعقه فقط عسب يتم فريش على طول
انا احتفظ بالحبوب بهالغرش السيراميك عسب ما يختربون و هم كديكور للمطبخ
و عمركم لا تحتفظونها بغرش بلاستيك ..
خلوهم بسيراميك او زجاج لا غير …
اطحني حبوب القهوة
حطي ورقه وحده من ورق صنع الكوفي بكوب .. اي كوب غير اللي بتقدمين فيه
ملعقه طعام متروسه شكل جبل من القهوة لكل كوب عادي من كبتشينو
فوري ماي و صبي عليه لين ما القهوة تستوي و غطيها عسب ما تبرد
سخني نص كوب حليب او اكثر حسب الطلب
النقطه الضروريه قبل ما الحليب يفور بنديه
ان فار خلاص ما بترومين تسوين رغوة لان الحليب بيتحول الى سائل خفيف و ما بيتشكل
جرخي الحليب بالجهاز لين ما تصير رغوة
عندج الاسبريسو جاهز صبي بالكوب اللي بتقدمين الكبتشينو
تحت الرغوة بيكون عندج حليب سائل اول شئ صبي السائل و عقب الرغوة شيليها
بالملعقه و صبي عليهم …
زينيه حسب الرغبه …
ممكن بس ترشون شوكولا بودر بالملاحه ..
ان ما عندج من هذيله ممكن بس ترشين شوكولا بودر بالمشخله صغيرونه او ملاحه
او شفتي ورق اللي نحط تحت الحلويات و منقشه؟؟؟
ممكن تمسكينها فوق الكوب و ترشين الكاكاو البودر فوقها
لا تنسون ترشون كاكاو على اطراف الكوب كشكل جمالي
و ممكن بدال السكر تقدمونها مع عيدان السكر احلى و ارقى
و بالهناء حبيباتي
ما شا الله
تسلمين الغالية
تسلمين الغالية
عافيه عليج الغلا
رووووووووووعه
تسلم يدج على هالكوفي الرووووعه
يعـطيج العااافية غناتي
يمي شكله لذيييييييييذ انوووسه
مبدعه في القسم فديتج . .
مبدعه في القسم فديتج . .
نرقب ابدآعآتج المطبخيه . .
يمييييييييييييي
بالعآآفيهـ حيآآتي
ويسلموؤوؤ ع آلطرح ..~