شحالكم يا حريم و بنات ؟؟ ان شاء الله الكل بخير و بنعمه ..
انا هالموضوع كان في بالي من فترة قصيره .. يعني من عرست ...gif "12 (29)")
و انا صارلي معرسه من شهرين الا شوي .. الموضوع سلمكم الله انه مافي ولا وحده من رباعتي اتصلت فيي .. و انا يوم رديت من شهر العسل (تميت 21 يوم) اتصلت في البيست فريندز .. و كل ما اكلم وحده ترحب بي و مستانسه و فرحانة .gif "12 (42)")
بس يعني و يوم اقولها اشحقه ما تتصلين اتقولي لا و كيف اتصل بج توج عروس و اكيد مشغوله و كذا كذا .. و انا يعني عاااااااادي احس شو فيها .. لو يتصلوبي في شهر العسل ما عندي خلاف .. لوول *ريلي بيصفعني* .gif "12 (93)")
بس لا مب قصدي شهر العسل بس يعني يدرون اني رديت و لا اتصلوا بس يطرشون مسجات .. حتى المسجات بالغصب .. و العلثه اني عروس و مستحيات …. اعنبووووووه انتو ربيعاتي وايد يعني ما بينا هالسوالف مستحى و غيره … .gif "12 (100)")
المهم ما علينا .. عاذرتنهن …. احلى على قلبي من العسل خخخخخخخخخخ فديتهن وحده وحده .. بس النقطه الي ابا اثيرها هي انه كل البنات يقولن انه ربيعتهن فلانه من عرست تغيرت و لا تتصل و لا غيره … و ربيعتهن علانه من عرست ما شفنا رقعة ويهها .. و ربيعتهن علتانه من يوم عرست لين احين ما ترد على مسجاتنا……… شوفوا عماركم انتو الي ما تتصلون و سويتو حواجز بينكم و بين ربيعتكم المعرسه .. جاان اعصب .. .gif "12 (64)")
انتو شوو رايكم بالموضوع ؟؟
اذا انتي معرسه من قريب قوليلنا عن تجربتج بهالشغله ؟
و اذا معرسه من بعيد بعد خبرينا كيف استوت علاقتج مع صديقاتج ؟؟
و اذا انتي لا معرسه من بعيد و لا من قريب .. شو رايج يالموضوع ؟ انتي جي تسوين مع صديقاتج المعرسات ولا ؟
انا عن نفسي عادي .. ارمسهن ولا كن شي اتغير .. صح الوقت الي اتصلبهن فيه يكون غير .. يعني احترم الوقت الي ريلها وياها فيه و اسالها اول اذا مشغوله او شي .. بس يعني عادي برمسها عاااادي عشان ما نتغير على بعض … .gif "13 (28)")
يعني ع الشهر او الشهرين اكلمهم والله الريل والعيال ياخذون كل وقتي وماارمس حد موليه
وكلهن يقوللي انتي مووول مادقيين بس فدييتهن عاذراتني يوم اتفيج ادقلهن
ذكرتيني ربيعتي مربيه تقريبا من اسبوعيين وللحين مارمستها لووووول
يالله الله يخليلج ريلج و عيالج بس بعد لعلاقاتج الاجتماعية .. هههههه
تحياتي لج …
يستحن يتصلن ،، وحيااااتج اتغيرت عندج التزاماااااات ريلج وبيـــــــتج مايستوي يدقن اي وقت،، الا انج انتي اتفهمينهن جدوووولج ،، ومتى اترومين اترمسينهن ،، ومتى بو الشبااااااب يكوووووون عندج ،،،، الخ //
بالنســـــــــبه لي أناااااا معرسه من 3 سنين ،، في بدااااية زواااااجي فووووني ما يصيييييح ،، وقلت بطااااايق الرصيد ،، يمكن 3 او 4 بالشهـــــــــر ،،
ماعيبـــــــــــني الوضع
قلت وينهن عنــــــــي ؟؟
ليش انقطعن عنــــــــي؟؟
الزواااااج جي يسوي ؟؟
فقررت إني أنا ابااادر وارد علاقاااااااتي بهن ،،
والحمدالله رديت علااااقتي بهن بس مب الكل ،، نصهن الغالياااات علي 
خخخخخخخخ تعالي شوووفي الحيييين كم ادخل رصييييييد بالشهرررر
حتى بو الشبااااااب عصب ههههههه
وانا عن نفسي ربيعاتي لمعرسات ارمسهن يعني الصبح يوم اعرف انى ريايلهم في دوام ارمسهن واليوم اتصل انشدها مشغوووووووووووولات ولا…..
بس ما اقطعهن مووووووووووووووووووووووووووووووووووووول
وأنا اكلمهم بين فتره و فتره .. بس المسجااات يومياااااااا .. هذيلا خواااتي
وما أنسى عشرة العمر اللي قضيناااهااا مع بعض عشرة الدراااسه … واللي ما عرست ندعيلهااا بالريل الصااالح
ممكن وحده اتغط .. بس عذرهااااا وياااهاااا .. لكن ما تنساااناااااااااا .. واحلا شي سويناااه .. أنا نتلاقى يوم في
الاسبووووووع في مكاااان .. ونيلس نهذرب لين ما نعيز ,, وسلامتكم
عرسي ان شاء الله عقب ثلاث شهور … و إن الله ما يتغير شي …
بالنسبه لي يوم عرسن ربيعاتي … أول شهر أستحححي أدق عليهن بصراحه لأنه بعدني ما أعرف جدولها … حدي مسجات … بمجرد ما أعرف وقت فراغهن خلاص ترجع المياه لمجاريها … بس تعرفين لما اييون العيال الوضع يتغير و هن ما يتفيقن للتلفونات في أغلب الأوقات بالذات اللي بعدهن يدرسن .. و معذورات فديتهن …
إن شاء الله .. ربي لا يغير علي بعلاقاتي الاجتماعيه …