طريقة حلو سهل وخفيف في نفس الوقت
هي بين البسبوسه (لان فيها سميد) وبين الكيكة (لان فيها طحين)
وخفيفه وصحية ليش لان ما له داعي تسقينها شيره
نشوف مع بعض
المقادير
المود الجافه مع بعض
1 كاس سميد
1 كاس طحين
1 كاس حليب بودر
1 كاس اي نوع مكسرات مطحونه او انواع مختلطه (انا حطيت لوز تقدرين اتحطين جوز، جوز هند، فستق …)
2 ملعقه صغيره بيكينج باودر
المواد السائله
4 بيض كبير او 5 وسط
نص كاس زيت افضل (تقدرين اتحطين زبده او سمن بس الزيت اخف)
3/4 كاس سكر
يمزج الجميع في الخلاط الجيك الكاس اللي اتسمونه لمده 5 دقايق
2 ملعقه طعام فانيليا سائله او باكيت كامل بودرة فانيليا
في حالة استخدام الفانيليا السائله اتضيفينها مع المواد السائله وفي حالة الفانيليا البودر اتضيفينها مع المواد الجافه
يضاف المزيج السائل الى الجاف ويمزج بالمعقه او المضرب اليدوي فقط حتى يمتزج الخليط جيدا
تصب في صينية مدهونة زيت او طحينية مجرد طبقة خفيفه ولاني ما ابها تكون مرتفعه وايد مثل الكيكه صبيتها على صينيتين
ودخلتها الفرن لمدة 30 دقيقه وبسسسسسسس
ملاحظة بعد ما تبرد اشوي هب وايد يعني عقب ساعه الى ساعتين غطيها بنايلون علشان اتم رطبه وتحافظ على الطبقه اللي تلمع وكل ما بغيتي خذي منها وردي لحفيها افضل واحسن
وهني وعافيه على قلوبكن
ماشالله عليج بالعافيه حبيبتي