بنات انا كتبت موضوع عن اشيا بسيطه ولكن تخلي راجلك مجنون بيك
وفي وايدات يسألن والأسئله تتكرر
واهني بهاي الصفحه بجاوب على التساؤلات الي وصلتني عن الغاسول
الغاسول هو
كمية متساويه كل من :
خزامى
بابونج
ورد مجفف له مسمياات اخرى (ورد طبيعي او ورد محمدي)
اكليل الجبل
قشور الرمان >>>>لتضييق المنطقه ((للمتزوجات ))
نحطهم في ماي عادي ونزيد نص كاسه ماي ورد اصلي
انخليه يفور على النار لين يتغير لون الماي (يصير لونه بني تقريبن)
نشله ونصفيه ونرمي الاعشاب ونشل الماي فقط
الماي نحطه في ترمس او مطاره وانخليه في الحمام
كل ما نجي نستخدمه نضيف عليه قليل من الماي العادي الحار عشان لازم نستخدم الغسول وهو دافي
الغسول يبقى معاج 3 او 4 ايام
واكيد بيبرد الغسول وعشان جي نحن نضيف كميه من الماء الحار بس عسب نعدل حرارته ونخليه دافي
فوائده:
شد المنطقه وتضييقها للمتزوجات وانعاشها وتقضى على الروايح والافرازات
ومع الاستمرار تبييض المنطقه واكيد تنعمها
التساؤلات التي تكررت من قبل العضوات :
من وين نلقى الاعشاب؟
هذي الأعشاب تلقونها عند العطار ومحلات الاعشاب..
كم مده نخليه يغلي؟
تخلوونه يغلي لين يتغير لون الماي يعني اذا نار عاليه من 5 الى 8 او 10 دقايق
الحامل عادي تستخدمه ؟
لا الحامل ما تستخدم الغاسول لأن الخزامى بيطيح الحمل..
انا عمري 16 سنه عادي استخدمه ؟
انا افضل استخدامه من تبدأ البنت عمرها 18 سنه..
اقدر استغنى عن اكليل الجبل في الغاسول؟
نعم تقدرين تستغنين عنه …والبنت تستغنى عن قشور الرمان لأنه للمتزوجات فقط
كيف ايي شكل الخزامى ؟
الخزامى هو لافندر وله ريحه حلوه ويعمل على الاسترخاء واستخداماته عديده انا ما اعرف احط صور في الموضوع ولكن سوي سيرج بجوجل وبتلقين صورته وفوائده العديده ..
اقدر اسوي الغسول واحط فيه بس عشبة الخزامى (اللافندر)؟
طبعا تقدرين وهو اهم عشبه في هالاعشاب ولكن البابونج واكليل الجبل والورد وقشور الرمان له فوائد ومع بعضهم الفائده تكبر
ومن فوائد البابونج تفتيح المنطقه وحتى الورد واكليل الجبل يساعدون على التفتيح وانعاش المنطقه ..
كم مرة استخدم الغسول ؟
الغسول كل يوم تستخدمينه ومره او مرتين باليوم ..
هل استخدمه وقت الدوره؟
اكيد تستخدمينه وقت الدوره وايد مهم وفعال في التنظيف واللافندر يهدي اوجاع الدوره
وهذي طريقه تسوينها اول ايام الدوره !!
تغلين الاعشاب هذي كلها واتشلينه لا ترمين الاعشاب كله الماي ويا الاعشاب حطيه في طاسه
والبسي جلابيه للبيت وحطي الطاسه تحتج (مو تيلسين فوق الماي)
يعني كأنج تتبخرين
اتشوفون كيف اتحطون المبخر تحتكم
نفس الحركه
هذي الحركه تهدي الاوجاع بتصاعد البخار للمنطقه ويفضل لبس روب غليظ عشان البخار يتصاعد لمكان واحد وينحبس ..
كم المده الي المفروض الغسول يتم معاي ؟
الغسول يتم على حسب الكميه الي سويتيه حده الاقصى اربع ايام ولا يطول اكثر عن اربع ايام حتى لو كان باقي كميه
فريه وسوي واحد يديد..
عادي الحرمه النفاس تستخدمه ؟
من المهم جدا ومن الظروري ان الحرمه النفاس تستخدمه واتوقع اغلب المغربيات يستخدمونه لأنه حيل معروف عندنا ..
هذا الغسول وايد روعه
في البدايه بيكون متعب لج لأن كل اربع ايام تسوين واحد يديد لكن مع التعود بتحبينه
اهم شي ينظف خصوصن الريحه
في بعض المتزوجات ما يشمون ريحة الافرازات ولكن الزوج وهذي طبيعة الرجل ان حاسة الشم عنده يشم الريحه ويبتعد ..
في بعض الحريم اول ما يخلصون الدورة يشوفون ان الزوج ما يقرب لهن ..
ليش يا ترى ؟؟
لأن يتم بقايا من الدم والاوساخ فعشان التخلص من هالشي
استخدمي الغاسول للمنطقه ووقت الطهاره وبعدين
استخدمي مسك الطهارة الي في عبدالصمدالقرشي وايي عنابي
ديرو بالكم مب الابيض
تاخذين قطرات بس في صبعج واتدخلينه ((هذا فقط للمتزوجات))طريقة المسك علمتي اياها اخت ريلي يزاها الله خير
………………………………………….. ………………………………………….. ……………………
اتمنى اني اجبت على جميع التساؤلات
^
^
^
يس يس هههههههههههههههههه مشكوره والله ! بس مايخصني بشرب العصير بشربه هاه بو البرتقال و عسل و ماي ورد احس طعمه لذييييذذذذ!! ممممم >> اعيش جوو الشراب هههههههو تسلميييييييييييين اختتتي
!