هذا الموضووع بيناقش وبيطرح افضا العيادات سواء كانت التخصصيه او الحكوميه لجميع الامراض واتمنى الكل يطرح تجاربه لافضل دكتور راحت وتعالجت في دولتنا دوون تحمل عناء السفر ومشاقه واريد التفااعل الجااد لاخواتي وطرح تجاارب وذكر افضل الدكاتره وافضل المستشفيات ليستفيد الجميع ان شاء الله…..
موضوع مفيد للنقاش والله يشفينا ويشفيكم ويشفي جميع مرضى المسلمين
من وجهة نظري للأسف مستشفيات الدوله جميعهاا غير موثوق فيهااا ..
يعني في بداية الفحوصات يطلعون فيج امراض الدنيا كلها ويوم الواحد يروح للخارج يخبرونه انه ما فيه شي بس مجرد التهاب بسيط وهكذا …
مثلا مرض السرطان عفاني الله وعفاكم .. كم يلعبوون في الشخص ولا يعرفون يعالجونهم خصوصا في وضع الجرعات
يعني الجرعه ما يبالها انك اتحطها مره وحده في الجسم لازم بالايام وعندنا في المستشفيات مال يوم واحد
وعن العظام الضربات في الحوادث مثلا ..
كل التشخيصات يقولون سليمه وما فيكم شي ..
على سبيل المثال ولد ختيه كان في السياره واقف على الكريل (( في البي كب )) مشت السياره وطاح على راسه
المهم بعد ما طلع من العنايه رخصه الدكتور وقاله انك بخير وما فيك شي .. اول ما رجع البيت انتفخ راسه وتم لين كأنه مولود حديثا .. علما بان عمره لا يتجاوز ال ١٢ سنه ورخصه الدكتور ولا عطاه دوا ولا اي شي
والحمدالله الحين هو بخير
لكن للاسف ما عندنا الدكاترة الثقة الي عرفت تستخدم هالاشيا
ما نقول غير الله المستعان
صح مب كل شي مب زين
بس فس دكاترة ما يعرفون يشتغلون بذمة وظمير
المشاركة الأصلية كتبت بواسطة بنت الفلاني 
لكن للاسف ما عندنا الدكاترة الثقة الي عرفت تستخدم هالاشيا
ما نقول غير الله المستعان
صح مب كل شي مب زين
بس فس دكاترة ما يعرفون يشتغلون بذمة وظمير
نفس الي كنت أبغى أكتبـه
الإمكانيات موجودة ولله الفضـــل
لكــن الكوادر الطبيــة للاسف جزء كبير منهم مب بالمستوى
والنخبـة القليلية الي موجودة ويعتمد عليها ,, عندها زحمة ومواعيدهم بالاسابيع والشهور ..
وبعض الدكاترة نسو إنسانســة الطب ,, واستوى شغلهم الشاغل البيزات
من تدشين فيج صداع يقولج محتاجـة جراحـة
فيج ألم بطن
محتاجـة جراحـة
فيج تساقط شعر محتاجـة جراحـة
أهم شي تطلعين دافعـة10.000 
وهذي الاشياء أنـــا جربتها شخصيا وما أكذب ,, مع تغيير بعد التفاصيل للخصوصية
حتى آخر مرة احترقت ايدي بالحنة السودا ,, وسرت عند الجلدية عسب آخذ أدوية لأثر الحروق
سيدة الدكتور اهناك يبغى يسوي لي جلسـة ليزر بآلاف مؤلفـــة !
يعني لا كتب لي مرهم أجربه أول شي ولا اي خطوة المهــم أطلع جيوبي فاضية ><
وقبل هذا الدكتور سرت عن دكتورة ثانية جلدية ومعروفـة ,, وللاسف بس لإن ثقـة هي الي تدفــع أنا سايرة حق آثار الحرق
عطتني تحاليل هرمونـــات ب 2024 درهم والفاتورة على الحكومـة !
غير أدوية بفوق الـ 500 درهم ..
أتمنى الصحــة ينتبهون لهذا الشي
والمستشفيـــات الخصوصية تستنزف البطاقات الصحيـــة
الله المستعــــــــــــــان
المشاركة الأصلية كتبت بواسطة بنت الفلاني لكن للاسف ما عندنا الدكاترة الثقة الي عرفت تستخدم هالاشيا
ما نقول غير الله المستعان
صح مب كل شي مب زين
بس فس دكاترة ما يعرفون يشتغلون بذمة وظمير
هي والله اهم شي الدكاترة..الي بعضهم ..ما يشتغل بضمير للاسف ..
سؤال مهم ونتايجه وسلبياته على كاهل الدولة والمواطن نفسه ..
الإمكانيات موجودة ولله الحمد .. بس وين الكوادر الموثقة مب المزوره
وإلي يخافون على صحة المواطن ويراعون ظروفه ..
والدولة ما قصرت تمد إيدها لكل مواطن للعلاج بالخارج ..
المشكله مب أهنيه المشكله فالتشخيص الصح والدقيق
بيغني المريض من الدواره والسيره للألف طبيب وعيادات بدون نتيجة
والخلاصة يطلع المواطن صارف 60 ألف بالسنة على فحوصات وأدوية ما تنفع وأتضره بعد
ومره يسوون له جهاز أو تعال سوااا عملية ( الله المستعان )
ويسافر للخارج ويقولون له : عندك جرثومه بالمعده وعلاجك بسيط وهالأدوية ب500 درهم
تاخذها على مدة 3 أشهر …( العلاج والأدوية كلفته 1500 درهم بس وشوووفوااا الفرق )
صدقوني التشخيص الصح بيوفر الوقت والأموال ,,,
والقهر ( كل ما راجعتي دكتور يقول هالدوا قطيه ما ينفع … وأخير العياده ويقولج الدكتور
هالدواء ما ينفع قطيه … وهكذا … إلى ما نهاية ..
عن تجربة شخصية تعبت من العيادات والتشخيص الخطأ
فلست فلوسي كلها على العيادات فتح ملف / فحوصات / دواا / أشعة
والحمدلله سافرت وتعالجت … اللهم لك الحمد والشكر …