لوكنتى تحبين عمرج ما سويتى هالشي!! الجزء الثاني

كلنا نحب نستانس ونسير البحر ونسبح لو مكان مخصص للحريم بس الى شفته كوووووووم تخيلوا بنات راكبات الجسكي لا وياليت انهه يالسات في المكان الصح لا يالسات بالمقلوب اونه حركات شباب شو تبييييييييييييين لمنو الاستعراض قدام الخلايق ومكان عاااام!!!!!!

لكل وحده تخرب على اختها او ربيعتها الزواج…تبي الريل لها….ما تخافين من الله انج تخربين على اختج او ربيعتج؟؟؟؟ ما تعرفين او تؤمنين انه لو كان من نصيبج بتاخذينه؟؟ما تخافين ان الله يسلط عليج وحده تخرب عليج لان الدنيا دواره؟؟؟!!!!

سؤالى لام الريل ودي افهم ليش تسوين مشاكل مع مرت ولدج؟؟ اونه منو قدج عندج انتى ولد وتمنين على بنات الناس؟؟؟؟

استغرب من بعض الامهات الى تعلم عيالها عالخقه وانهم ما يلبسون الا الغالي وكله ماركات وانهم احسن من الناس ليش؟؟؟؟؟ ليش تعلمينهم حب المظاهر والكشخه والشوووو؟؟؟؟؟

سؤالى للبنات الى يلبسون عباه ويرفعونها من على جنب او من قدام والسكني والكعب عفو على ريلكم نقش الحنه؟؟؟؟ تتحرون انه شي وااااو ما انسى تعليق اخوي يوم قال وحده لابسه ستارة بيتهم!!

كله ولا الحفلات والباربكيو ونزلت موضه شيشه بعد على كل طاوله والريال المصري عاد يسويها لج والدي جي يا سلاااااااام نحن 2024 !!!!

اما عاد حفلات الطلاق كوووم اوكي حفله بسيطه ما يخالف بس عاد مو في فندق وفستان وفنانه
لا قبل يومين وحده احتفلت بحفلة طلاق ريلها لانه طلق الثانيه بعد ما طلقها هي بعد

وكله صووووب وتكاتف البنات صوب كفو عليكن والله ما شاء الله تساعدون بعض كل وحده تساعد الثانيه في انها تختار هديه لربيعها حبيبها والى تسلفها والى تفزع توصل الهديه لحبيب ربيعتها!!!

سؤالى بس للبنات الى يغازلون الريال والمصيبه كل ما يغير الطاوله تغير هي الطاوله بعد وتوقفه ويقول لها انا معرس حتى لو هو مو معرس يبي يفتك منها تقول له عاااااااااااااااااااااااادي حتى لو معرس اباااااك

صدمتى بهالهدايا يا بناااات ليتنى ريال والله سياره فراري في عيد ميلاد حبيبها ولا سفره لجزر المالديف او اوروبا ياااااااا سلااااام!!!!

ودي اسال البنات ما تخافون وتستحون لما تسيرون حفلات تالى الليل وكله رقص وشباب وشرب والله يا بنات ان منهم بنات ناس وكبار كيف يطلعون من البيت هنا مربط الفرس الله يخلي ربيعتى الى بالمستشفى راقده او سور البيت القصير!!!!

كله كوم والبنات الى كل وحده تعاير الثانيه باصلها انتى اصلج من….وانتى يا….ليش؟؟؟؟؟؟؟؟؟؟؟
امريكا الى هى اكبر دوله شعبها خلييييييييييييط من كل مكان وماتعايروا دام انهم حاملين جنسية هالبلد!!

اختى بس سؤال ليش وانتى تسوقين تسابقين الشباب؟؟؟؟؟؟بنات بلييز لا تفهمونها غلط ترى نحن 2024 شو هالتخلف هههههههههههههههههههههههه اضحك من ردودهن والله

تعرفون قررت اطلع بالشيتا مال اخوي يوم بسير الممشى شو البنات احسن عنى كل وحده ماسكه كلب مادرى قطوه؟؟؟؟

للحديث بقيه….