ليش مانتقبل راي الاخر بسعة صدر

السلام عليكم ورحمة الله وبركاته

كيف الحال خواتي؟

بس خطر على بالي سؤال؟

ليش مانتقبل راي الاخر بسعة صدر

؟!

يعني انا مرات يوم حد ينتقدني او يرد علي بقوه حتى في ملامحه يمكن يبان الغضب

اتحول الى مدافعه واغضب

وهذا شي طبيعي

بس

ولكن

في الاخير

بغض النظر عن الاسلوب

سواء منه

او مني

بتلاقين في صواب سواء منه او مني

او في الاخير بتتعلمين شي من هذا النقاش

بس مااعرف

ليش طبع الناس

اذا في حد خالفها او حتى

يمكن صديق لك انشغل في حياته وماكلمك من زمان او خلاص

مايريد صحبتك يمكن شافله شوفه ثانيه

يصير زعل وغضب ويصير حتى يتمنى لك الشر

يعني لو سمع عنك خبر مب زين يفرح !!!!

عشان يحس نفسه الاحسن وانك غلطان عشان تركته!

حتى لو كان الخبر مؤذي

يعني مافي كلمة الله يوفقه والله يسامحني اذا كنت غلطان في حقه

مااعرف حسيت بهذا الشي مني ومن كثير ناس قابلتهم

ليش ماحد يتحمل ؟!

اعرف ان الانسان له كرامه بس بعد يحاول يرمي بالورود من يرميه بالزباله

ولا هاي صعبه

ملاحظه : لا تكثرون من رمي الورد بعدين ترى الزباله بعد بتكثر

حتى مرات تكون كلمة الله يهديه صعبه

كانه لو الله هداه يعني ماراح يكون لك توفيق بالدعوه او حسنه

صح الواحد لازم يكون صلب في المواجهه بس بعد يفكر بشو يواجه

هاذا كله بسبب ضعف الايمان اللي يؤدي الى امتلاء القلب بالحسد والحقد والبغضاء والشحناء وسواد القلب وعدم اعطاء العذر للاخرين ومراعاة ظروفهم وتقدير احوالهم واشغال القلب بالتفاهات بدلا من الاستشعار بقيمة الوقت واهميته للانسان وشغله بما يفيد والاحساس الصادق بتفاهة الدنيا وقصرها وانها الا ايام معدودة وبتنتهي , وتمر كالبرق لااحد فيها يدوم ولا يبقى والاحوال فيها تتغير علا الدوام , الغني ممكن يصير فقير والفقير غني والعالي تحت والتحت يعلا وهكذا .. الانشغال بالدنيا والاطمئنان لها والاغترار بها وبما فيها من اموال ومناصب وحسن معيشة وتطور مذهل يؤثر علا القلب الا اذا الانسان حفظ النعمة بقوة الايمان والطاعات وحسن شكر الله تعالى باداء العبادات علا اكمل وجه مع الاستعداد للاخرة باقوى ماعنده , هاي الامور كلها بتخليه يتجاوز هالمواقف اللي ذكرتيها بحسن الاخلاق , والصبر علا الاخرين والاحسان اليهم مهما فعلوا , لانه ديننا يحثنا علا حسن التعامل معهم لو الشو ماصار .

شكرا اختي عذوج على المشاركه

بس فعلا معاكي حق

هو الواحد يوم يركض وراء الدنيا يتعب

يفكر بوظيفه او منصب او زواج او حتى علم عشان يحس نفسه به فوق

فيصير يركز بصوره كبيره في الدنيا ونصيب من دون مايدور على راحة البال وحسن الظن

وتيسير الامور

يسير يراكض وراء هذا وذاك وليش هذا عنده وانا ماعندي (حتى انا اسوي جي)

اشمعنا انا وهم لا

ويصير الغل والحسد او النفس تبان

يريد الواحد نصيبه في الدنيا ونسى كل شي ثاني

القلب ضايق من كثر مادنيا ماليتنه ومضيقه عليه

فيحط الضيق في الناس

رغم ان الانسان يوم يسامح ويعدي الامور بس طبعا بحدود مب معايه

الدنيا بتصير احلى ومسهله له عشان ربه اكيد راضي عنه

حتى لو صابته مصيبه بيلاقي 100 الف واحد يحلها له

بس بعد النصيب مهم لان الناس في هذا الزمان ماحد لحد

عشان جي في راي يقول وليش اسكت عن فلان وعلاني

ينفعوني بشو؟! هذا الراي المعاصر

ولو صبر عليها بيكون شي طيب لانه بيكون عنده راحة بال(بس طبعا وانا منهم مافي صبر على شي)

والله يا شعاع كل واحد واسلوبه انا ممكن اتقبل النقد او الراي الاخر لكن اذا كان باسلوب
اما اذا فيه وقاحه وقلة ادب فاسمحيلي ما اقدر اتقبله

اختلاف الرأي لا يغير في الود قضيه

اختلاف الراي باحترام مو مشكله كل حد له تفكيره و نظرته ..
بس الي يقول رايه جنه منزه و لا نازل من الجنه .. اكيد ما بتتقبلينه ..
و الي يقول رايه و يعممه ع الكل جنه قران منزل بعد ما تتقبلينه ..