اشحالكم حريم بنات ان شاء الله اتكونون بالف خير ؟؟
بدخل في الموضوع على طول بس قبل كل شيء اللى تبي اترد رد قاسي ما ابيها اترد خل تحتفظ فيه لنفسها
في واحد متقدم لربيعتي ما شاء الله ريال على خلق و دين و هي وايد محتاره ترفضه او تقبل فيه لأن الريال ما مكون نفسه و يقول انه بيتسلف علشان يسوي العرس و هي ما تبيه يتغربل عقب العرس بسبب الديون فالحين تبي تعرف تجاربكم اذا اي وحده عرست و ريلها اتسلف او مثلا سوي خطه معينه الين كون نفسه بسرعه و سو العرس و ان شاء الله اتفيدونها و الريال يبي العرس كله مع الزهبه و المهر يكون بحدود ال120 الف فاي وحده عندها خطه معينه مثلا ووين يسون عرسهم و القاعات الحلوه و باسعار معقوله في عيمان او الشارجة تساعدها و جزاكم الله خير
خليها تتوكل على الله
.. وإن شاء الله بيسدد ديونه عقب ..
بس نصيحتي خلها مثلا اتعرس بعد سنة او سنة ونص علقل بتخف الديون عنهـ
.. والزايد من مهرها اتردله .. .. لو زاد ..
.. بتوفيق لها .. ^^
والراتب ما يساعد ان الواحد ييمع ..
ما علينا ..
عادي حبوبة خليها اتصلي استخارة واتوافق عليه اذا هو وايد زين ..
وهالايام محد عايش بدون دين .. حتى اليهال ههههه
وبخصوص الزهبة والمهر والعرس .. شي وايد قاعات رخيصة في الشارجة وعيمان على 25 ألف و30 ألف ..
والمهر 20240 .. المهر الشرعي ..
والزهبة .. الباجي من المبلغ حق التصوير والكوشة والثياب .. صح يمكن ما يكفي .. بس هي تقدر تاخذ من كل شي شوي .. وعقب العرس ان شاء الله تشتري زيادة اذا هي محتااجة .. السووووق ما بيبند عقب العرس هههههه
والله يوفق ربيعتج ويسعدها ..
الحين منو مايتسلف؟
انا عرست وما سالت اذا ريلي عنده ديون او لا
مع انه السؤال كان بخاطري لاني كنت مابي يكون عنده ع اساس انه اكيد بيكون داخل بنك ربوي
وصار النصيب واول يوم سالته عن ديونه ( قويه خخخخخخ) قالي وكان مبلغ كبير لانه ماخذ سلفيه حق مشروع وحق العرس
بس الحمدالله صح ساعات انرص من الناحيه الماديه بس مرتاحه والحمدالله
واذا هو بيسوي العرس بحدود 120 فالشي هذا وايد زين يعتمد على طلبات العروس
وهل هو بيسلم صندوق الزواج او لا
وبالنسبه للقاعه عندج صالة جواهر اسعارهم رخيصه
وفي جمعيه خيريه في الشارجه بس خل اييبون الاكل من برع
واذا مايبي ياخذ سلفيه خله يدخل جميعات يعني 4000 في الشهر وبتكون بدون فوايد
وبالتوفيق ان شاالله
مرافئ صمت
فتاة راك
آمــــال
عيون حالمة
جزاكم الله خير