مسقط دار الكرم والجود >>> رحله قصيره مع ام بدر

السلام عليكم
شخباركم

صبايا

وحريم

وعياييز

احم احم اليوم يايتنكم بموضوع يديد وسفره قصيره الي مسقط
انا هاي ثاني زياره لي لمسقط
الاولى كانت زياره صحيه
والثانية تحويطيه >>حلوة كلمه تحويطيه عيبتني هههه

المهم خلونا ندخل بالموضوع على طول

بقسم الموضوع ل3 اجزاء ..لان الصور وايد

الجزء الاول بتكلم عن المطار والفندق

الجزء الثاني ..عن الاماكن السياحه في مسقط

الجزء الثالث عن المطاعم في مسقط

نبدا

استعداد

انطلاق

الرحله: العين- مسقط- العين
المده : 4 ايام
نوع المواصلات : طياره عشان نستغل الايام …بدل تعب السياره والخط
مده الرحله 4 ايام
عدد الافراد 5

حجزنا التذاكر والفندق من مكتب في العين

التذاكر كانن عن طريق الطيران العماني التذكره 460 درهم
والفندق :حياه جراند الليله 950 خمس نجوم

الرحله كانت مع اخواني

رحنا مطار العين الساعه 9 الي ربع لان الطياره الساعه 10

لان المطار فاضي وما فيه زحمه لا تحاتون التاخير

محد كان في المطار غيرنا و10 وافدين بس

ضنتي ماشي رحله في هالتوقيت غير رحلتنا

اول ما وصلنا المطار ..على الساعه 9 تقريبا كان فاضي حتى يخوف ..ما فيه اي حركه ..راح واحد من موظفين المطار يوصل اخوي لين الباركينات يزاه الله خير ..لان شوي بعيد عن المطار ..ورد لنا

رحنا نحن السوق الحره ..وخذت شوكلاته

وكاميراتي رفيقات الدرب معاي …

فديت الكحلي انا …

يلسنا يمكن نص ساعه

ونادونا عشان نركب نحن اول ناس ..احم احم ..لوكل

الموقف صادفني قبل ما نطلع

الحرمه تقولنا تفضلو ..وكانت وحده اجنبية عدالنا يوم نحن خلصنا تقول حق الاجنبيه تفضلي

قالتلها واي …( لان راييل واقفين سيد ..والاجنبية ورا )

قالتلها الحرمه ليدي فيرست ..

ردت عليها بعد واي

وحليلها تريد تمشي على النظام بالدور

هاي الطيارة الي شلتنا ..كانت صغيرونه لان الرحله وايد قصيره والعدد قليل

نودع مطار العين انطلقنا الساعه 10 …

المضيفه ..تعلمنا ..خطوات الامان

كتيب عن سلطنه عمان

وانا شاريه هالمخده النفخ لرقبه ..من دايسو وايد مريحه ..لطيارات الي من هالنوع

صورة العين …..حتى ونحن في الجو كانت تبين جي الصورة ..لان الطيارة ما تطلع وايد فوق

اول ما تعدلت الطيارة يابولنا وجبه العشا

خلصنا العشا وشلوه على طول قالو استعدو للنزول ..ما تحسين بالوقت

لحظة وصلنا مسقط الساعه 10 ونص تقريبا

الاجراءات سريعه لان دول مجلس التعاون مكان اروحهم ..وخلصنا بسرعه

خذنا الشنط ..وانطلقنا ..صوب التفتيش

اهنيه مكتب اذا تبون اي معلومات سياحيه ..بس ما فادنا ..لان كتيبات بشكل عام عن عمان مب مسقط

اول ما وصلنا عند التفتيش ..سألنا الريال ..من وين يايين

قلناله من العين ..

قال يايين من العين وبطياره ..

قال تفضلو محد بيفتشكم ..>> ما قصر ..معاملتهم وايد حلوة

مرينا على مكتب لتاجير السيارات

وايد مكاتب بتلاقون في المطار ..نص ساعه وصلت السياره ..وانطلقنا للفندق …

انتظروني ….

وصلنا الفندق ..على الساعه 11 ونص تقريبا

الفندق عند السفارات والوزارات …

يستقبلنه هالساحر ..بسم الله

عيبني هالمجسم ..يدور ..ما ادري هو ساعه وله شو بالضبط ..بس المهم يدور

لوبي كتير كتير كتير ..حلو …

هالقبه ..عيبتني

والبيانو ..شكله ..غريب

مسويين نفس الخيم في كل زاوية …طالع شكلهن تراثي على حضر على بدو

بعد 10 دقايق استلمنا بطاقه الغرفه

قربو قربو

اي بادي …ما اصبر عنه

ماي روم وذ ماي سستر

ما يحتاي تصرفون فلوس عمان ..لان عادي فلوسنا تمشي اهناك وحتى فيزا ما فيزا

خذو راحتكم في التسوق

الباث روم ..

بلكونه …

هالمنظر تحت صوب المطعم

في الخارج

خاطري اعق عمري ..واتسبح فيه ..يا حسرة ….بس نشوف من بعيد

حلوات هالكراسي ..الواحد يحط رويلاته …ويشرب عصير >>عصير قلنا مب بيبسي …

وله هالشور ..يوم تيلسين تحته …وناسة ..

تابعوني