مشكلتنا في الزواج والخطبة

امي بيتوتيه وفي حالها،،، ماتطلع من البيت
من جي ما تعرف ناس وايد،، ولي قالوا لها شوفي لنآ بنت
تحتآر فديتهآ ،،
ونحن الخوآت نفس الوآلدة،، علاقاتنا محدودة
ومن الأهل ما يبون نهآئي،،
وهم يبون من نفس القبيلة،، وعلى الحظ،، مآحد من قبيلتي في دوامي
قالنا لهم شوفوآ حد من ربعكم من نفس القبيلة،، عنده خوآت نخطب منهم
وهالشي مرات يكون صعب عالشباب،، كيف يعرفون فلان عنده خوآت مب معرسات
المهم حاولوا،، وعرفوآ حد من ربعهم من نفس القبيلة وعنده أخت
ورحنآ نشوف البنت ونتعرف على أهل ربيعهم،، كآنت طيبة وحليوة،،
لكن المشكلة في الأصل ،، ما توافق معنا نحن أحرار

ومرة خبرونا عن بنت ورآحت أختي تشوفها،،
لكن ما ناسب طلبهم ما كانت حليوة

وفي نآآس كآآنت الوالده تعرفهم،، وقلنآآ لامي خلنآآ ناخذ منهم
لكن المشكلة ما يحترمون الانسان الطيب،، أمي واآيد طيبة وفي حالها،،
وهم مغرورين ونفوسهم غير شكل،، اهم شي المظاهر عندهم
يعني في حد يرمي هالكلام
،،، خذوآ هالعيوز وأرموهآ في مكاآن *_*
شو هالدنيآآآ،، !!
المهم

ومرة أمي فديتهآ اقترحت لهم بنت ،، تعرف أمها
بس ما بغوهآ لان البنت صغيرة 18 سنة، يعني فارق العمر كبير
أهم يبونها حلوة،،واخلاقها طيبة تخاف الله، ومتعلمة وتناسب عمرهم مب اصغر من 23 سنة ع الأقل

وحتى لجأنا لكذا خطابة،، بس للأسف،، اما يكون في مشكلة في أخلاق البنت أو في الأصل

مشكلة الحظ ،، والحسـد ،، مو متوفقين،،
مرآت تصيدنآ حآلات يأس،، وكأنه مافي في الدنيا بنآت من القبيلة بالمواصفات الي يبونها هم
هم ماعليهم قصورعندهم شهايد واخلاقهم طيبة والكل يشهد لهم
لكن الحسد مآيبقي لا خضر ولا يآبس

الله يفرجهآآآ يآآرب برحمته
والله يتقطع قلبي كثير من الاحيآآن ،، بس مو باليد حيلة
إلي كبرهم عنده عيآآآل بالمدارس، وكل ربعهم ايام الدرآآسة
تزوجوا وصاروا آباء ،، ربي يهنـيهم يارب
تعبنآ والله
أحين صرنآ كل يوما نشغل سورة البقرة،، يآآرب يفرجهآآ
ونلاقي لهم بنآت ونفرح بعرسهم يآآرب
بغيت افضفض لكم،، المشاركة بالهم تقلل كبر الهم ع القلب
اتمنى ماحد يزعل مني،ويتحسس من بعض الامور،،
والسموحة منكم على كثر الهذرة