رائعة جداً للبشرة ،
ممكن استخدامها الصبح أول ما تقعدين من النوم ، بتمريرها على البشرة ،
تشيل الاحمرار من ع البشرة ، إضافة إلى شدها ورفرشتها ،
إضافة إلى إزالة الخلايا الميتة لأنها ممكن استخدامها كـ سنفرة ، وتحريك الدورة الدموية بالوجه ،
مميزانها كثيرة جداً ،
أترككم مع المقادير والطريقة ،
سهلة ، ومتوفرة بكل بيت ،
مياه معدينة أو حتى عادية " دافية " لاهي حارة جداً ولا هي فاترة أو باردة ، بين البينين ،
شاي أخضر ،
قالب ثلج ،
أعود أسنان ،
كبسولات فيتامين E عدد خمس كبسولات ،
هذه ا المقادير ، شفتو سهلة وموجودة بكل بيت ،
تعالوا نشوف الطريقة :
نحط الشاي الأخضر بالماي الفاتر ، دقايق لين نشوف الشاي اندمج بالماي ،
وعقب نحط الـ 5 كبسولات فيتامين E مع الشاي ، ونحرك لين يندمجون كلهم مع بعض ،
وعقب نفتح كيسة الشاي ، تصير بهالشكل هذا :
وبعدين نحركهم ، ونصب المقادير كلها في قالب الثلج ،
يا بنات انتبهوا لهالخطوة ،
نحط القالب بالفريزر لمدة ساعة أو ساعة ونص فق ، وبعدين نطلع القالب ، يكون ما جمد مرة وحدة ، بهالشكل ،
ليييييش هالخطوة ؟؟؟؟
علشان نحط الأعواد وسط كل مكعبة ،
وعقب ندخله الفريزر مرة ثانية ، وننتظر لين يجمد 100% ،
ونمررها ع البشرة ، بحركات دائرية مثل المساج يا الصبح ، يا الليل ،
فوائد هالمكعبات حيل كثيرة ، منها مثل ما قلت :
تحريك الدورة الدموية ،
شد البشرة ،
إزالة الاحمرار اللي يكون بالبشرة وخصوصاً البشرة الحساسة ،
رفرشة ونعنشة البشرة ،
إزالة الترسبات العالقة والخلايا الميتة بالبشرة ، عن طريق حبيبات الشاي التي تعمل كسنفرة لطيفة جداً ،
تسكر المسامات المفتوحه
أتمنى يفيدكم ،
منقوووووووول
بس اسوأ شي ممكن الوحده تسويه للبشره انها تمرر الثلج عليها لان برودة مكعب الثلج تسبب انفجار للشرايين الصغيره اللي ملاصقه للبشره وبتشوف بقع حمرا أو عروق حمرا هذا نتيجة تجمع الدم بعد انفجار الشريان لان البشره ما تحملت برودة الثلج
الأحسن تخلين الخلطه في زجاجه براس بخاخ في الثلاجه وبخها ع الوجه كمن مره في اليوم
واااااااايد حلووووة ، بس ما صارلي اي احمرار او عروق حمرا او انفجار للشرايين
احسني خفت ><
ومشكوورة الغالية ع النقل الطيب
