شحالكن مدرسات ؟
أنا تخصصي تربيه تدريس لغه انجليزية وتخصص فرعي بالادب الانجليزي..
تعيـنت كـ اختصاصي مصادر تعلـم .. "امينه مكتـبه "
على فكره انا متخرجه شهر واحد .. يعني هاالوظيفه هي بداية حياتي العمليـه ان شاء الله
عندي عده مشـآكل احتاج خبراتكن ونصايحكن .. ويزاكن الله خير مابتقصرن ^^
النقـطه الاولـى / متعوده في التدريب فالجامعه اني اتكلم 24 ساعه انجلش .. حتى مع البنات اللي درستهم داخل او خارج الصـف .. ابدا مااتكلم عربي ..
ف الحين حطوني ك أمينه مكتبه . . راح اضطر اني اتكلم عربي مع الطلـاب والمدرسات :"( وراح اضطر اني اقرا قصص باللغه العربيـه ..
ف موترني جدا هالشـي لني مب متعوده عالعربي وايد ومابا هالشي يأثر علـي ..
بشو تنصحوني كيف اطور نفسي من هالناحيـه ؟ 
اقصـد طبعا اللغه العربيه الفصـحى .. بليز ابا نصايحكم .. وعادي اذا كنت امينه مكتبه اتواصل ويا الطلاب بالانجلش؟
النقـطه الثانيه .. انا متعوده على مدارس البنات أو مدارس البنات والاولاد المختلطه .. حسيت انه الاولاد بسرعه بسسرعه يملون ومايحبون يسمعون وايد .. ف الحين حطوني فمدرسه اولاد .. وجدا خايفه من التعامل وياهم .. كيف اتعامل مع الاولـأد ؟
النقـطه الاخيره .. مجال المكتبات يديد علـي .. وحابـه اللي عندها خبره او شافت معلمه المكتبه ف مدرستها كيف مرتبه مكتبتها وشو نوعيه الانشطه والحصص اللي تعطيها بليز ماتبخل علي ..
أي شي بسيـط عندكم بتقولون مايستاهل اكتبـه او اكيد تعرفه .. بلييييييز ترا احتااجه من الخاطر .. لاتستيهنون بأي شي تكتبونه ..
جدا محتاجتكم =(
يزاكم الله خيير ولكم دعوه بظهر الغيب ان شاء الله
تفضلي انا مدرسة لغة عربية
طبعا في البداية كل شي يكون صعب لكن لفترة وترجعي تتعودي على اللغة العربية لاتقلقي وحاولي تسمعي وتشوفي مسلسلات وبرامج باللغة العربية فبالتالي سوف تسهل عليك اللغة ان شاء الله لانها اساسا مخزونة في ذاكرتك لكن بمرور الوقت سوف تعتادين على الجمل والجمل الطويلة وسرد القصص بمهارة وامتياز ان شاء الله
ادعي لي بالوظيفة الثابتة فديتك
ان شاء الله بحاول أعوّد سمعي عاللغه =(
الله يوفقج يـارب وييسر لج امورج ويرزقج بالوظيفه اللي تتمنيـنها . .
يزاج الله خيـر اختي عالنصيـحه ماقصـــرتي والله .. طمنتيني شوي ..
[SIZE=4]اختي هالنقطة لازم تنتبهي عليها حاولي تشدي على الاولاد ( مااقصد القوة والتعامل السيء ) من اول يوم لان الاولاد غير عن البنات من يشوفون معلمة تتساهل معاهم يستغلون ويعملون حشرة وضجة وبهذا الحال تفقدي السيطرة على الصف[/SIZE] موفقة
مشكووره يالغـاليه على هالنصـيحه يزاج الله خير الله يوفقج يارب . . ان شاء الله بحط في بالي انييي ماعطيهم على هواهم ويكون اسلوبي بزنس في بزنس ..