حبايبي أباكم تساعدوني ..
هالفترة طبعا بما أني اخر سنة ثانوية
كل وحدة من صديقاتي تخطط شو بتوزع هدية على بنات الصف
أنا محتارة وايد ما أعرف شو أهديهن …
صديقتي قالت بتاخذ بوكسات الحجم الوسط وبتحط فيه مصحف صغير + أسوارة بأسم كل وحده + وردة حمرا + بطاقة تكتب فيها عبارة حق كل وحدة
أما المعلمات للحين تفكر شو تهديهم بس تقول يمكن تأخذ بوكس صغير وتحط فيه 5 حبات باتشي+مصحف و تفكر في الدرع خخخخخ ……….~
أنا ما أعرف شو أهديهم ؟؟ ما أقدر أسوي نفس هديتهآ .. شو تقترحون أسوي ؟
نحن بنبدا نوزع الهدايا في بداية شهر 6 ، وانا يالسه أفكر من اللحين عسب أعرف المبلغ بكفي أو لا
و المعلمات أبا أهديهم شي حلو وراقي مب أي شي ؟؟
الميزانية للحين مفتوحة ..
العدد :
30 طالبة في الفصل
20 معلمة
5 صديقاتي العزيزات > طبعاً لازم أهديهم شي غير عن الباقي
ما أدري إذا مكان الموضوع صح أو غلط بس ياليت ما ينحذف
^ملاحظة : 2 يستخدمون هذا النك 
حبيبتى انا اقترح عليج تسوين دروع تذكاريه
اممم ما اعرف هنيه وين لتحصليهاا بتكون ذكرى طيبه وبتمى
معا البنات والمعلمات طول العمر
94 مشاهدة ؟ ولا حصلت غير رد واحد =(
للطالبات تروميين تسويين قمصان و اطبعي عليهم كلام ولفيهم وفوسطها ورده وبوك مكتوب عليه اسمائهم و ميداليه وجحال ومسكره وقلوس وايلاينر لفيهم بشريطه هذيل عشق البنات او طلبي من عند وحده حافظه للفون بالكروشيه وحطي فيها الجحال وهالسوالف
اما للمعلمات سويلهم اكوااب ونفس الشي وحطي داخله قلم احمر و حطي عليه ورقه واكتبي لهم كلام بمعنى ( راح افتقد افتقد خطج بالقلم الاحمر على كتابي ) وورده وحلاوه وحطي كوركتر او مساحه واكتبي مثلا ( اشكرج لانج مسحتي وايد اشياء وساحتينه عليها ) وحطي قلم بورد ( واكتبي عليه بفتقد خطج على البورد ) و حطي اذكار وبطاقه اكتبي فيها كلام من قلبج لهم
واطبعيها ع تيشرت او سويها مثل البرواز .. واخذي بوكس صغير .. حطي فيه اكسسوارات وعطر او دفتر حلو .. وبطاقه منج
المسات خذيلهم دروع .. او سوي مثل دفتر كتبي فيه كلام انتي وبنات كلاسج .. واطبعيه كم نسخه .. وزيدي وياه بوكس صغير كاكاو باتشي .. او اخذي لهم ساعه + ويا عطر .. وغلفيهم .. وجي