والله الواحد مايعرف شو يسوي فعمره مليت والله :(

بدخل في الموضوع على طول لاني اعرف الكل بزي

بصراحه انا وحده طولي 160 ووزني 41 يعني شوفو الفرق 19 كيلو .. وتعالو اسمعو الناس مستويه مطنزه لهم..

حاولت بشتى الطرق اني امتن ويا الله بعد موووت وصلت 43 الله والفرق ولا المصيبه يومين ونزل وزني ل39 بسبب النفسيه الزفت "بس شو نقول الحمدلله عكل حال"

بنااات ابا امتن حد يعطيني حل المشكله العوووووووووده انه نفسيتي وايد تاثر على اكلي يعني الفسيه زفت عادي ما اكل يوم كامل ولا اسبوع اكتفي عاكل خفيف حتى صار لي فتره ماشي بس عشا والله عالعشا اللي اتعشاه احس اني عفت الاكل

جربت وايد شغلات والله حبوب الخميره وفيتامينات واكل ضعف طاقتي (وهالشي يمرضني لاني كنت اكل واكل واكل ومعدتي تعورني) وسرت عند نيوترشن قسم بالله قالي اكلي جذه وجذه وجذه يعني 24 ساعه ابلع قسم بالله معدتي بتشتكي علي يوم القيامه لو كملت على اللي كتب لي عليه .. انا قلت ابا امتن ماقلت ابا اموت مادري شو فهم الدكتور المهم

بنات انا ماحب المكسرات يعني ناااادر نااادر نااادر اكل مره كل سنه ولا مرتين لانها تمرضني ماعرف ليش بس ماحب .. ولا حليب بارد حاولت وشريت وكل مره نفس الشي اخذ وتنتهي صلاحيته وعالزباله ماتحمل هالشي .. وفي الجامعه والله اكل بطاط واكل معكرونه وعيوووش ………………..الخ كل شي يمتن بس ماشفت فايده يعني ابد ما ياثر فيني الاكل.. والجوكليت والله قمت ابلع بالهبل واثر عالشي عويهي لانه النفسيه الزفت والجوكليت = حبوب والله ويهي كله حبوب تعبت مابا جوكليت

ابا حد ينصحني بشي حلو يمتن بسرعه مابا مكسرات ولا حليب بارد ولا حلبه ابا شي اوكيه وعن تجربه

وياليت حد يخبرني شوالوزن المثالي لي يعني المفروض ازيد 15 كيلو ولا اكثر ولا اقل ؟؟