أحلى شي في الكاب كيك … التزيين الي عليه … ومن أحلى طرق التزيين إستخدام عجينة الفوندانت … وهذي أسهل طريقة جربتها وطلعت عجيبة في التشكيل والمذاق…
3/1 كوب زبدة … مع 3/1 كوب كورن سيريب … مع بعض في الخلاط وتضيفين لهم آيسنج شوجر تدريجيا …… الكيس فيه 500 جرام لكن بتحتاجين تقريبا 450 جرام لين ما تتكون عندج عجينة مطاطية بهذا الشكل
… يعني كيسة إلا شوي…
وهذي الصورة من قريب
قسميها لعدة أقسام حسب الألوان الي تبينها وضيفي قطرة صغيرة وعجنيها … طبعا تقدرين تخلطين لونين وبتطلعلج ألوان خطيرة … مثلا خلطت الأخضر مع الأصفر وطلعلي الأخضر الليموني
وإذا تبين تفردينها إنثري سكر مطحون وإفرديها بالنشابة بس خلى إيدج خفيفة عشان ما تلصق على الطاولة ويستحسن إستخدام ورقة زبدة .. وقطعيها على الشكل الي تحبينه
بعدين تقدرين تكورينها أو تشكلينها حسب رغبتج
وهذي بعض الأدوات الي إستخدمتها في التشكيل مثل القطاعات وأعواد تشكيل العجائن بتحصلينها في المكتبات مثل مكتبة دبي للتوزيع أو مكتبة المكتبة في العين
وهذا الصحن لأول وحدة ترد على موضوعي وبالهنا والعافية
بس انا اسوي العيينه بطريقه ثانيه … اللي هي تذويب المارشميلو واضافة السكر فوقه لين تسوي عيينه
عيينه الفوندان كشكل حلو … بس الطعم ماحبه
ماشاء الله شغل حلو ومرتب
تسلم الأيادي وكنت بسألج عن الكورن سيريب وين بحصله
أختي برستيج ممكن تخبريني عن طريقة المارشيميلو إذا ماعليج امــر 
المشاركة الأصلية كتبت بواسطة برستيـج 
بس انا اسوي العيينه بطريقه ثانيه … اللي هي تذويب المارشميلو واضافة السكر فوقه لين تسوي عيينه
عيينه الفوندان كشكل حلو … بس الطعم ماحبه
تسلمين الغلا …. بس جربي هذي الطريقة وما بتندمين …. لأن طعمها أكثر من رااااااااااااااائع
المشاركة الأصلية كتبت بواسطة *حرم عبــادي* ماشاء الله شغل حلو ومرتب
تسلم الأيادي وكنت بسألج عن الكورن سيريب وين بحصله
أختي برستيج ممكن تخبريني عن طريقة المارشيميلو إذا ماعليج امــر
الغالية الكورن سيريب بتحصلينه في اللولو سنتر عند أغراض الكيك …. وتسلمين على ردج
ان شاء الله بجربهااا وبخبرج
سوويت كووب كييك بس البادييه ههههه الكريمه العاديه ان شاء الله اتفنن فيهاا شراتج
موفقه حبووبه