مكتب لاستقدام خدامات اثيوبيات

السلام عليكم ورحمة الله وبركاته ،،
بنات شحالكن !

ابغي مكتب اييب خدامات حبشيات اذا تعرفون
لاني سمعت الحين ان خلاص سمحولهن اييون ،،

اللي تعرف تخبرني وبكون شاكره

عليكم السلام
متى سمحو لهم
من يومين اتصل المكاتب ما شي وقالو ممنوعات
منوه خبرج اختيه

خليجية المشاركة الأصلية كتبت بواسطة شروقه خليجية
عليكم السلام
متى سمحو لهم
من يومين اتصل المكاتب ما شي وقالو ممنوعات
منوه خبرج اختيه

خدامة عمتي حبشيه وهي خبرتني ،،

حتى شغالت وحده من الاهل تقول سمحولهم بس اتوقع فبلادهم لان دقيت المكتب وقالي ماشي اثيوبات بعدهن ممنوعات

احسن يمنعون هالجنسية ’’’’’’

فيه البعض يقدر يوفرهن

جريب بييب هنتين اثيوبيات من طرف بشكاره بيت اميه الله يرحمها هالبشكاره وايد زينه دورت لي هنتين من أهلها وقالت زينات وان سون شي غلط بتضربهن هههههه
رايكم اخذ الها مطرق خليجية أخاف تعورها اديها

خدامتي عوده عمرها 40

هلا بنات
توني يوم الاحد يبت خدامه
في الس في كان عمرها 38 ويوم كلمتا قالت 38 في التيلفون
واحينا يوم يبتها عمرها في الجواز 41
ما توقعت

انا ماعندي شغل شغل الحمدالله بس عندي
روتين وخبرتها عنه
وهي مشتغله في عمان
الصراحه الخدامه الجديمه اليوم بتسافر وانا احس موب مرتاحه حق هاي اليديده
مع ان ما بدؤر منها شوي وتها ماكملت اسبوع بس انا متحرقصا احس انصدمت من العمر

احس يوم اقولها شي تم طالعني عقب تقول ايوا مدام ان شالله
ماعرف هل هي موب متقبله اني امر عليها ولا لاء
مع ان ربيعتي يايبه خدامه كبيره تقولي اريح من الصغيرها قوم فونات و وبوي فريند

احينا شو اسوي هل اختبرها فتره هالضمان او على الاقل شهر وعقب اردها
ولا احينا اردها
لانالاغراض التنظيف فوق الكبت احس اخاف يوم تركب الكرسي بتطيح مع انها تقول عادي
سويتلها فحص الطبي اول يوم لان اخاف منهم يكونون مرضى وعندي يهال في البيت

ريلي يقول خله الاوليه تسافر وهاي تابعيها وجوفيها عقب رديها موب احينا

بس الصبح انا في الداوم وماما تقولي دوم يالسه ويا ولدي فالبيت تراقبه ويوم يرقد ترقد تحت
وبنتي ماشالله شهر وبدش المدرسه بس موب متقبلتنها وما تباها

كيف اتصرف وكيف اقيمها
ماما تقولي ماتعرف تنظف عدل موب حرجه فماعرف احينا ؟؟

الاولى على الله مرت وكملت سنتين

احسها ثجيله على قلبي يمكن لان عمرها ما توقعتها في الربعين
قالتلي هي يايه عشان توفر فلوس حق دوا ولدها في ربو
قتلها موب تمين تصيحين كل يوم عندي
قالت لا مدام انا ابا فلوس عشان هو يروح المستشفى كل اسبوع وتكاليف وايد وانا محتاجه لا ترديني المكتب انا ابا اتم ماعرف والله

افيدوني كيف اقدر اقيمها شو البوينت الي احطهم في بالي
انا اولويات اليهال وقت ما اطلع تطلع وتدز عربانه الصغيروني وتساعدني وقت المول يعني
و الترتيب و الغسيل و الكوي

الله يعطيج خيرها ويكفيج شرها

يختي الخدامات حظوظ،، شوفيها وجربيها شهر وخلاف قرري، والله يكتب لج يلي فيه خير

بشكارة اخوي كان عمرها 43 تشوفينها تقولين غبيه ماتفهم ولا باردة من اول ثلاث أسابيع حركتها وشغلتها مرت اخوي سوت لها دروس

احينه تامة معاها 5 سنوات وشو السرعة غير الحركة بس يبالج صبر صدقيني يمكن تكون احسن عن القبلية ومصير عيالج يتقبلونها

عندج فترة الضمان راقبيها زين ولاترخين شدي عليها
شوفي الوضع كيف
عايبنها ولا لا؟
العيوز صح احسن ب اذا مافيها حيل رديها

دربيها على نظامج و خلي الجديمة تعلمها عدل و خلال شهر قيميها
دامها محتاية فراح تشتغل إن شاء الله
و انتي اكيد ايدج بايدها ف البيت فلا تحاتين

مايخصه العمر نحن عادي انييب اللي فوق الاربعين ومعظمهم يكتيون 38 39
استخيري والله ماشي احسن عن الاستخاره

العمر مووووووووووول ما له خص حبيبتي
هاييل مب شراتنا في بلادهم تلقين العيايز يمشن مسافات طويله بلا سياره
انتي راقبيها كويها زين؟ تنظيفها زين؟ تفهم عليج؟

جدول للخدامة اليديدة ضرووري

السلام عليكم

ابغي جدول مرتب و حلوو للي عندها يكون يومي
عسب اعود خدامتي ع النظام اول بأول

و تسلمون بليز اللي عندها اطرش لي

موفقه

انتي ابداء معاها الصبح مثلا بعسيل الحمامات وكنس الصالات ومسحها ت او كنس الحوس وعسله ونشر العسيل احين الصبح عسب يجف وفي اللي تكوي
الملابس وبعدها مع الوقت بتنضمين معاها و بتغيرين وتعدلين الجدول على راجتج

كل بيت ختيه وله نظامه لاكن بشكل عام كل شي

يكون الصبح

وله ثلاث قواعد انا اتبعها

ترتيب ً(قبل ماتبدا اول شي ترتب وترجع كل شي مكانه )

تنظيف (تنظف الارضياة مثلا وتكنس تشكل مثل لو كان زباله ع الارض )

مسح (مسح الارضياة والطاولات والدولايب او الابواب )

كل بيت ونظامه اختي

انا عن نفسي

اول ما تقعد تجهز الريوق ..عقبها تبدي تنظف البيت من كنس ومسح ارضيات وغسيل الحمامات..

من تخلص تبدي تغسل الملابس ..
وعلى الساعه 11 ونص تبدي تسوي الغدا

ولازم ترقد الظهر تاخذ لها قيلوله ..تقعد العصر
وتخلص كواية الملابس ..
وعقبها تبدي تسوي العشا

لان نظامي بالبيت العشا بعد صلاة المغرب على طول عسب اعشي بنتي وترقد من وقت ..

للرفع

رايكم بمكتب قرطاج في عجمان

السلام عليكم

اخباركم خواتي مثل ماذكرت بالعنوان شو رايكم بمكتب قرطاج الي بعجمان اسم العامله هناك فاطمة
بانتظاركم جزاكم الله خير

الله يسامحكم بس

اب اب اب

استغفر الله

مكتب قرطاج مب كل خدمهم تب انتي وحظج

ورقة ناعمة
شو قصدج؟؟
انا كلمت الخدامه وتقول عادي بشتغل وبتم سنتين>> كلام جرايد
بس اسلوب الي تشتغل فالمكتب ابدا مش حلو فانا خايفه من هالنقطه

للرفع

حيلة جديدة يستخدمونها الخدم ديرو بالكم ياحريم

خليجيةانا من فترة يبت خدامة اندونيسية عمرها 31 اول اسبوع كانت زينة وتسمع الكلام وبعدين انقلبت 180 درجة صارت ماترد وتنام الساعة 8 ونص وكل ما اقول لها شوفيني كيف اطبخ اتسوي نفسها ماتفهم مع انها كانت في السعودية قبل.. المهم يوم عن يوم صارت اترادد الكلام وحرقة المكنسة الكربائية ولما قلت لها ليش قالت ايش يعني السوق مليان وقلم ريلي شارية 700 درهم خربته بالغسالة وقالت عادي في عنده وايد اقلام اذا هذا اخترب في غيره …انا بصراحة ما استحملتها ابد قلت حق ريلي ما ابيها عندي بالشقة انا تعبت منها خلاص طفرتني وكل تقول مالي كلام معاج كلامي مع بابا ولما ايي ريلي اتسوي نفسها اتصيح واذا طلع تيلس اتغني احسها شيطان على هيئة انسان المهم اخر شي وديناها المكتب….وبعد فترة عرفنه انها امسوية حيلة ما تخطر على بال احد كاتبة رسالة ومخليتها مع بشكارة بيت عمي انه اذا يت خدامة يديدة انتي اعطيها الرسالة وهاي خدامة بيت عمي ما عطتنا الرسالة الا بعد ما وديناها المكتب ونحن ترجمنا الرسالة كاتبة ان هييل الناس مب زينيين ومدام وايد عصبية وما خفي كان اعظم والخدامة االي بتيي بعدها اتسوي نفس الشي شوفو المكر وين وصل فيهم ما اقول الا حسي الله ونعم الوكيل فيهم من حريم

لا اله الا الله

يالله من شر تفكيرهم بصراحه احسهم زودو بها والكل يشتكي كل ما اشوف وحده الا وتشتكي من خدامتها

الله يرحم كانو زمان وين واليوم وين وصلو باللسان الطويل

حشااااااا

الله يكفينا شرهم

وخدامتنا مسوووووووويه بلااااااااااااااوي

لا حول ولا قوة الا بالله

صايرات يخوفن الخدامات
ياقوات عينهن

بعد هاي شغالتج لئيمة بس مو ذكية
في حيلة معروفة بين الشغالات
بس جديمة
وهي
ان الشغالة تكتب رسالة
بس تخيلوا وين تكتبها
تكتبها تحت الطاولة او ورا الكبت او الشبرية
تخيلووووووووووو!!!!
لا تحسبوني اقول قصص من راسي
لان في ناس مستويلهم هالشي شخصياااااااااااااااااا

حسبي الله على مكرهم

كل ها حقد علينا إذا بروحج في الشقة تمي بدون خدمات أريح لج وتربي وقتج والله يوفقج

منو عندها فلبينيه مسلمه

بنات ابا ايب خدامه فلبينيه مسلمه وكاتبين في cv مالها انها مخلصه الجامعه ابا اعرف صج انهم يعرفون الانجليزي ولا بس المسيحيات يرمسون انجليش

منو مجربه ولا تبخلون علي بالردود

الغلا احيانا صدق واحيانا لا .. على حسب المكتب … بس المتعارف عليه اذا امخلصه جامعه يعني توب انجلش

جربي تتصلين فيها عشان تتأكدين من لغتها الانجليزيه

هيه عادي فيه مسلمات جامعيات ونظاف ويعرفن انجلش
بس بعد يعتمد على المكتب لانه احيانا يخدعوون ف السي في

كلهن يرمسن انجليزي دامها متعلمه لانه الدراسه عندهم بالانجليزي ،،،
وبعدين المكتب يعطيج رقمها عسب تنسقين معاها

بسافر وخدامه

هلا حبايبي انا أن شاء الله بسافر 10 ايام محتاره بالخدامه قلت بخليها مع اهلي بعد هم بطلعوا مايبون خدامه اتتييهم تعرفون خدامات هالزمان صعب تخلينهم عند حد ريلي قال خليها بالبيت عندها فون واطمني لها وعندها كل شي بس انا احاتي رأيكم يهمني

اهلين عزيزتي ،،
لا حرام 10 ايام بروحها فالبيت تخيلي صار عليها شي
هاي مسؤوليتج و في ذمتج لين ماتروح ،،
شوفي بيت اهل ريلج ولا بيت اي من حد من اقاربج ^^

مشكله محد راضي يتقبل خدم غيره في بيتهم

بروحها لا غلط

تخيلي ريلج واهلج يخلونج يومين بروحج لا ونيس ولا انيس ولا حد فالبيت شو بيصير فيج ؟

هذي بعد انسانه حرااام والله

واذا صار فيها شي لا سمح الله

شوفي لها مكان تروح له فتره غيابج

بالتوفيق

اللهم اغسلنا من الذنوب وطهرنا من العيوب، وارزقنا تقوى القلوب ،، اللهم آمين

والله انا سافرت تقريبا ١٠ ايام وخدامتي تمت فالبيت بروحها بس يعتمد عالخدامه هل هي شاطرة وتعرف تتصرف ولا لا

خدامتي كانت وايد شاطرة وذكية وعندها تلفون ورصيد وأنا يبت روشن للبيت قبل لا أسافر و الباب مفتوح والجيران موجودين وعندها التلفزيون ،،،،

بس يعتمد عليها أساليها لو ما تبا شوفي اي حد من اهلكم خطيها عنده

انا نفسج اختي زينب عندها فون وباب مفتوح اهلي قريبين منها كل شي عندها هي حرمه كبيره اهلي وجيراني مايبون خدامه معهم يرتبطون فيها

اسم الخادمة وسيرتها الذاتيه وسلوكيه

السلام عليكم ورحمة الله
بنات عندي اقتراح اتمنى ينتشر في كل المنتديات
الاقتراح هو ان كل وحده تكتب اسم خدامتها الي انتهت خدمتها والاسم يكون مثل الاسم المكتوب في جواز سفررها وتكتب عيوبها ومميزاتها
عشان عقب لما اي احد يطلب خدامة يقدر يعرف سيرتها الذاتيه والسلوكية
عن طريق البحث في قوقل
وحتي اذا يبتي خدامة وشردت او يبتي خدامة وما عجبتج كتبي كل شي عنها
ارجو التفاعل

موفقه

وبعدين شو راح نستفيد … السيره الذاتية اللي بالمكاتب كلها غش..

ماراح تعرفن بياناتها ولا راح تستفيدين شي من الاسم والسيره …

ولله هالخدم مالهم امان ولا الهم حل وحده يحطون لج صورتها حسنه المظهر ويوم توصل ماتعرفيها كان هيه لاحول ولا قوه الابالله

هيه والله هههه ماهينات

لا تثقون بالخدم ابدا ابدا

يبتلي خدامه فلبينية مشتغله في لبنان 5 سنين
اول ما يت كانت نشيطه وشغوله عجبتني
بعدين طلع لسانها طويل اترد علي وعلى ريلي
قويه في تعاملها مع الاولاد حسيت بها شي وما خليت عيالي عندها

خليتها اتودي عيالي مره المدرسة ومن طلعت دايركت على حجرتها لقيت شنطه مقفوله قفلين؟؟؟؟؟
خفت وايد وخليت الموضوع
وبعدين رحنا بيت اهلي ويتني خدامه امي وقالتلي (( مدام جوان _اسم خدامتي_ تصرخ واتفل علينا ))
وبعد فتره طلع عندها تيلفون سمسونج ما اعرف من وين مع ان المكتب عطاني تيلفون تعبان وقالي هذا تيلفونها
ورجعت اوسوس عن الشنطه وشو فيها وليش م قفوله والخدم ما يمدحون خدامتي في تعاملها معاهم
كانت خطوبة اخوي وكنا لاهين ومرتبشين وخليت بنتي عندها لين اتمكيج والبس وفجاه سمعت بنتي تصرخ باعلى صوت واركض عندها وقلتلها حبيبتي شوفيج (بنتي عمرها سنتين ونص) قالتلي: ماماه جوان سوت جيه ( وهي تاشر بيدها ان الخدامه قرصتها على ورجها..
وجن جنوني ورحت اصرخ على الخدامه ومسكتها من يدها بقو وهي تحلف انها ما عملت شي وتمت تبكي بشكل مخيف بدون دموع حسبي الله عليها
وفي الخطوبة ركضت خدامتي عند عمتي تبكي واتقول اني اتبلى عليها . المهم من بكرا رجعتها على المكتب كنت بيت اهلي عشان جيه شنطتها كانت بيتي فما لحقت تاخذها

وعلى طول لغرفة الخدامة اشوف شوفي الشنطه
لانها مقفوله اخذت سكين مطبخ كبيرة وطريتها طرتين وشو لقيت كله مسروقات
سارقه تيلفون جديم عندي و سماعه تيلفون وجرج ومحول كهربا
اقلام ماركه مالات ريلي
بوكي جديد ابا ارده كنت سرقته وانا نسيته
ستيانات (ملابس داخليه
ملابس عيالي جاكيتات )

كنت اطرشها الجمعيه تشتري اغراض البيت وما اشيك على الاغراض من بعدها فكانت تشتري لنفسها عشان تشحنهن
قطع صابون للجسم يمكن 50 حبه وهذا كانت تشتريه بالتدريج
3 كراتين تايد وادوات تنظيف
مخده طبيه للقعده على الكرسي
شراشف
دي في دي ماخذتنه من الجمعيه سعره 100 واشوي
( الغلط الي سويتها ما كنت اشيك على مشترياتها )

والله لوتشوفينها شو سارقة ليشيب شعر راسج على فكرة هي جديده عندي يعني من 3 اشهر ولعبت لعايبها

رجعتها مكتب الزعيم ( الخدامه ما خذتنها من عنده)وقتله هاي سفرها بلادها لا تغش الناس فيها
وبعد فتره جوان كلمت خدامه اختي وقالتلها انه راحت بيت في العين وايد حلو واصور الفله بالفيديو واطرش الصور الها
الخدامات اتكلمن بعد ما رجعتها المكتب وقالن انها كانت تقرص بنتي على بطنها وورجها دايما وكانن يشوفنها واتهددهن الي تخبر علي بذبحها …مريت بحاله نفسية ما يعلم فيها الا الله والحمدلله اني ارتحت منها
والحين بعد ما عرفت بغيت احذر اهل البيت الي جوان عندهم انتبهو منها حسبي الله عليها ولا تخلون عيالكم عندها
ومهما كان لا تاخذون مردوده (اذا فيه خير ما رماه الطير)

لا حول ولا قوة الا بالله الله فكج منها ومن شرها والله يعين الناس اللى سارتلهم هاى يبالها تسفير وتعميم ما تدش البلاد مره ثانيه المكتب ليش جيه يسوى لازم يكون عنده امانه وما يبلى فيها ناس ثانيه الله يعينا بس عالخدم والاعيب المكتب

استغفر الله

المفروض ترفعو عليها قضيه سرقه

وتتسفر برا البﻻد

خوااتي والله المسترجعاات فيهن بلاوي الدنيا اصلا مستحيل اي حد يتنازل عن شغاله الا اذا كان فيها بلا الله يرحمنا برحمته وزين ربي كشفها لكم وارتحتي من بلاها وزين انج حذرتي منها جزاج الله خير

لا حول ولا قوة الا بالله العلي العظيم

مره طفت ع هالمكتب شو خدامات ترس عنده شكلهن بس جي مب مال شغل زين رديتيها

انااستغرب من كثرتهن فالمكاتب مصفوفات ويوم نسال يقوولون مال ناس

لاتوثقون فالخدم لو شو ماسوت لكم شوفو قصه خدامتي

السلام عليكم ورحمه الله وبركاته خواتي ربي يوفقكم ويسعدكم جميعا بخبركم سالفه الشغاله الاندونيسيه اللي كانت معي طبعا انا مااقصر معهن بشي من ملابس وغيره واعتبره صدقه فيهن لاني ارحمهن الهم الشغاله كانت معي اسمها نور كملت معي سنه و9شهور اتصدقون هالفتره ماشفنا منها الا كل خير الا كل خير نعم كانت امينه وطيبه وكل حد يحبها تصدقون لو تحصل درهم طايح يابته حقنا وقالت لقيته فكنت اثق فيها فكل شي لشده حرصها وصدقها معي وعقب فرمضان قالت بسافر ابوي تعبان وبرجع شهر9ولاتكنسلوني كان باقي لها ثلاث شهور تقريبا وانا قلت لها زين وخذت لها الهدايا والحاله وقبل لااتسافر نزلت لنا شنطها وفتحتهن قدامنا وقالت شو فهن اذا كنت شاله شي من اغراضكم وماشفنا شي وودينها المطار شهر10اتصلت وقالت بس ابا200حق المطار والتاكسي وخبرتها زين وانا كنت طالبه اغراض من اندونيسيا ب1000الف درهم منها وقالت خلاص حوليهن وانا يوم الخميس بي قلت لها زين والحمدلله ماقصيت التكت قلت بترياها اتخبرني انه الامور كلها تمام وعقب بقص المهم خواتي حولت البيزات وصكت للتلفون منيه لامن شاف ولامن درى وادق مغلق ادق على التلفون الثاني مغلق شو صار!!!!!!!!!!!!!!!!!!ليش نور جي اتسوي ؟؟؟؟؟؟؟وين الصلاه 24ساعه؟؟؟؟وين الاستغفار كل حين؟؟؟؟؟؟وين تسمع قران من الصبح؟؟؟؟؟؟سرقت البيزات واختفت للحين ولله مب مصدقه انها جي اتسوي ؟؟؟؟؟؟؟للحين ،،،،،،،فقلت اخبركم البيزات راحت وعلى الله العوض بس ياخواتي انتبهو منهن ولله ولاتحطون كامل ثقتكم فيهن لوشو ماصار لانه نحن الاغلبيه قلوبنا ضعيفه ونرحمهن. ولكن الفلوس تعمي النفوس حسبي الله ونعم الوكيل ليت الغريب سرقني ولا نور

سبحان الله على إللي أستوى شي عجيب صدق المظاهر تخدع ، والله إني تعلمت من إللي إستوالج لأني مريت بها الشي صدق المظاهر تخدع ، لا تنخدعين لا بصلاتهم ولا عباداتهم ما تعرفين شو داخلهم هذا لكل الناس

خليجية

يمكن صار عندها ظرف اوشي لاتستعجلي الحكم عليها

يحليلج يا اختي الله يعينج

بتقفل تلفوناتها وحته تلفون ابوها مقفول والحين فتره صار لها يااختيه عقب البيزات صكته كيف بس عسى يكون ظرف واكون ظلمتها عسب اطلع من ذي الصدمه اللي انا فيها ولكن مافي رد للحين وصار لها فتره زمان

سبحان الله فيه شبه من سالفه خدامة قوم عمتي خلصت سنتينها وسافرت وتمت تتصل على أساس أنها تبا اتيي وتقوللهم طرشوا لي فلوس عسب تخلص اوراقها وهم صدقوا طلبت 1500 وتمت تقول ريلها مسافر وما تروم تتسلف من حد المهم طرشوا لها ومن وصلتها البيزات غلقت تلفونها وطارن البيزات حسبي الله عليهن اللي ما يخافن الله

وييييي
انا خدامتي تمت عندي سنتين و جددت لها وهي فلبينيه
وانا ساكنه بملحق فبيت عمي وعندي ولد واحد بس

سفرتها معاي تايلند مرتين لان ولدي مشاغب ف هي تركض وراه وجذي
قالت تبا تجدد
قلت مب مشكله بجدد لج
وفعلاً تمت سنه معايه و عقب قالت ابا اسافر يوم انتي بتسافرين
ف قصيت لها تذكره قبل سفري ب اسبوعين روحه و رده
عشان تتم عند اهلها 4 اسابيع

وخذت لها ذهب حق بنات اختها التوم و خذت لبس لامها واخوانهاا
وًماخليت شي والله الشاهد

المهم سافرت و اتصلت بعدها ب كم يوم ماترد رحعت اتصلت بعدها باسبوع بعد ماردت
خليت بشكارت عمي تتصل
تخيلو قالت قولي لماما خل تجيب خذامه ثانيه ترا هي عندها فلوس وايد

انصدددمت لان بالسنه الثالثه تمت اول ماجددت لها تمت ماتشتغل وتتعلث باشيا مالها معنى و تدخل فيس بوك و مسكتها مرتين عندها تلفونات ف هزبتها و قلت لاتتحرين اني جددت لج يعني بترجاج تتمين والله بوديج المكتب و بييب عشره مثلج

و من الحقد ممحطيه هالكلام فبالها و خلتني اخسر عالتذاكر والهدايا بس عشان تقهرني

حسبي الله عليها ونعم الوكيل وين بتلاقي اكثر من الراحه الي كانت فيها
ملحق و ياهل واحد يادوب تنتبه له يوم يلعب وتطبخ و تغسل وتكوي بس! ونحن 3 اشخاص بس