الوسم: التشققات

السلام عليكم ورحمة الله وبركاته

وانا اقرا في مواضيع البنات شفت انه يتشكّن من علامات التشقق (stretch marks)
انا وااايد كنت احوط المنتديات وادورلي حل، لكني من النوع الكسول وماحب ايلس اخلط زيوت واسوي خلطات ف ماكنت اجرب شي.. لكني لقيت الحل الأكيد ومابتخلص منه..

Bio Oil

انا خذته من صيدلية بوتس وسعره 175 للحجم الكبير واظن 80 للحجم الصغير ..
ي
كانت طالعتلي تشققات حمرا طازه يعني ههههه
وما كملت شهر وانا استخدمه يومين واختفن !!!!
وعندي حرمتين حوامل يستخدمنه وحده ربت و كانت تستخدمه مرتين فاليوم وتحط كمية كبيره مش شويه وماطلعلها ولا خط، وحرمة اخويه جريب بتربي وماطلعلها شي بعد ..

مكتوب انه يخفف الخطوطو البيض بشكل ملحوظ انا لاحظت انهن اختفن بس مش ليييين هناك لكن حطو في بالك انا استخدمه تقريبا 3 مرات فالاسبوع مش يومين وهاي النتايج
ومكتوب انه يفتح المناطق الداكنه ويخلي اون الجسم متساوي (انا مالاحظت شي بس بعد لني ماستخدمه يومين) لكن دام انه يخوز الحمر انا ماااعندي مانع بستخدمه دوووم!

حبيت افيدكم لني وايد استفدت واستانست عالمنتج

والله شي طيب شكلي باخذ منه لان عقب الحمل ظهرلي تشققات ف بطني هو صح خفن بس اباهم يخوزون بالمره ثااانكس حبوبه ماقصرتي

ان شاء الله يفيدج ..

شو ماطلعن الصور؟؟

اللهّم اغننا بحلالك عن حرامك ،

وبطاعتك عن معصيتك ، وبفضلك عمن سواك ،

اللهّم لا تكلنا إلى أنفسنا طرفة عين ،

اللهّـــم آميـــن

ماشي صور حبوبه . .

معلومه حلوه استفدت منهاا ..

من وين ماخذتنه اختييه ؟؟؟

يغير لون الشفاه بعد ولا بس مرطب؟؟!!

تسلمين الغاليه ع الموضوع..

لا ما تتغير ابدا لون الشفايف لانك تضعين يكون شفاف ومرطب ممتاز بالمره
ومنورة

من وين بنحصله يالغاليه؟؟

وربى يجازيك الخير ان شاء الله.

متوفر في الصيدليات
ومنورة

يعطيج العافيه خيتو ع كم سعره …..

الله يرزقج كل خير انشاءالله

سلام غليكم و رحمة الله و بركاته
شخباركم يا بنات
بغيت اسالكم ان متى تبدا تظهر تشققات الجلد على البطن او اي مكان في الحمل يعني في اي شهر ؟؟
انا الحينه كملت الشهر السابع بس الحمدلله ما ظهرتلي تشققات
بس انا اصلا عندي شويه من قبل
و بعد بغيت اعرف ان متى يبدا الحليب ينزل
لان انا سمعت من كم من وحدة ان في الحمل تبدا ماده بالخروج من الثدي بس انا لين الحين ما شفت شي
عادي و لالا ؟؟
ساعدوني
و السموحه

للرفع

بالنسبه لي الحمدالله ما ظهرتلي تشققات يمكن عشان الكرشه صغيره بس صارلي على الجنب نفس الخطوط الشفافه من كثر ما كان بطني مشدود بس ماراحت لحد الحين من اول حمل لي بالنسبه للحليب ما شئ بعد اصلاً يوم ربيت تميت تقريبا 3 أيام الحليب ما شيء والولد ميت يوع واذكر الممرضه شلته وعطته حليب أصطناعي

التشققات بعض الحريم ماتطلع لهم تشققات و بعضهم تطلع لهم على حسب نوعيه الجسم

والكروشاات يحاولن يحطوون كريمات لمنع التشققات من الشهر الثالث خوفا من التشققات ومتى ماكبرت الكروشه طلعت التشققات(طبعا على حسب الجسم و كل وحده تختلف عن الثانيه) وطبعا بعد الولاده تزيد خخخ

اما عن الحليب نفس الشي في حريم اخر الشهور ينزل الحليب وبعضهم بعد الولاده ….

يعني عادي اذا ما ظهر الحليب الحينه في الحمل
بيطلع عقب الولاجه صح ؟؟

على حسب الجسم.وبعض الحريم بالشهور الاولـــآ

وبعضهأأأأ بالشهووور الأخيره…

مشكوووووووووووره فديتج

الله يعطيج العافية ولا هنتي

دمتي بحفظ الرحمن

تسلمين ختي عالمعلومات المفيده

مشكورة وان شاء الله بستخدم زيت الزيتون وبشوف

مشكورة

ثانكس الغلا

الخطوط والتشققات ناتجة عن تمدد الجلد أثناء الحمل وتبدأ في منتصف الحمل وتزداد في الشهرين الأخيرين.

– وسبب تزايد الخطوط والتشققات أسفل البطن مقارنة بالمناطق الأخرى هو أن هذه المنطقة أكثر تعرضا للتمدد أثناء الحمل.

– وهي غالبا ما تصيب نسبة كبيرة من الحوامل قد تصل إلى 90% منهن ولكن درجة الإصابة بها تختلف من سيدة إلى أخرى فهناك من تزداد لديها هذه التشققات بطريقة سريعة جدا وكثيرة ومنهن من لا تتعدى إصابتها عدة خطوط ، ويعود ذلك إلى نوعية جلد الحامل وقد تلعب الوراثة دورا في ذلك.

الخطوط والتشققات لا تختفي بعد الولادة مباشرة أو مائة بالمائة ولكن هذه الخطوط والتشققات قد تزول كثيرا عما كانت عليه من قبل وفي غالب الأحيان تبقى آثارها مدة من الزمن ولذلك عليك :

1- العناية بالغذاء جيدا ، وعليك الاهتمام بالبروتينات كثيرا واحرصي على تناولها فهي تساعد على المحافظة على الجلد بشكل جيد وبصحة جيدة.

2- احرصي على تناول الأطعمة التي تحتوي على الفيتامينات خاصة فيتامين سي وفيتامين د.

3- حاولي المداومة على دهن الجلد بالكريمات أو الزيوت المغذية كزيت الزيتون أو زيت جوز الهند وغيرهما فالدهان والتدليك سوف يساعدان على ترطيب الجلد والحد من تشققه.

4- عدم حك البطن حتى لا يترك آثار.

5- القيام والمداومة على التمرينات الرياضية الخاصة بالحمل فهي تؤثر على صحة الجسم وحيويته بشكل عام.

طرق معالجة الخطوط والتشققات في الجلد والتعاريج البيضاء الناتجة عن السمنة :

1- الجزر مفيد لاحتوائه على فيتامين أ الضروري للجلد.

2- الكريمات التي يدخل في تركيبها أملاح ومعادن البحر الميت (في الأردن).

3- الكريمات التي يدخل في تركيبها الجليسيرين.

4- العسل مع اللبن.

5- زيت الخروع.

6- ماء الورد أو زيت المورد المستخلص من النباتات.

7- خميرة البيرة و اللحم و البازلاء و السبانخ و الجوز و الموز و الأفوكادو و البروكلي و فول الصويا مفيدة أيضا لاحتوائهم على فيتامين ب6 الضروري للجلد.

8- ممارسة التمرينات الرياضية.

9- استعمال المرطبات والمطريات الجلدية بعد الاستحمام.

10- زيت الزيتون وهو أفضل علاج للتشققات والتعاريج البيضاء.

11- زيت جوز الهند.

منقووول لعيونكم

مشكورة
فعلا العناية اثنا الحمل هو الحل

العفو خيتيه..
اهم شي العنايه اثناء الحمل وبعد الولاده.

السلام عليكم ورحمة الله وبركاتة

فديتكم أخواتي أنا أعـــاني من تشقــــــــقات في الجــسم

وأبا حل ………….. جربت صراحة كريمات واااااايدة وما أستمر معاها غير اسبوع وأمل

لأني ما أحب أتعب على فاضي ……. أأبااااا حل يعني الي جربت علاج تقولي

والي جربت كريم ونفعها وااااايد تقول … علما أنه الشقوق بيضة الي عندي

ويقولون صعبة تزول ……….. ساااااعدوني ….. أبا مجربات وخبراتهم

قالوا لي عيادة كايا … بس صراحة ما عندها اسلوب انا اقولها بحدود الكم وهي تقول

من طرف خشمها سوري ما بقول تبين تعالي وسكرت … قهرتني

الي جربت علاجهم ( عيادة كايا ) تقول لي وبكم الجلسة وكم جلسة خذت

والي جربت علاج طبيعي تقول مثل زيوت او اي شي وسموحة

كلنا يختي نعاني مب بس انتي

استخدمي بيو اويل من صيدليه بوتس بس يبالج تستمرين

بيضه وايد صعب انا حمراء وللحين ما هديت كريم ولا فاد يقولون لازم ليزر

انا بعد عندي وانا الحين حامل في الشهر الخامس واخاف يطلع على بطني ..

مشكورات خواتي على الرد بس صج يضيقن من خاطر

ويقولون حتى العلاج بالليزر يخفف بس ما يشيلهم

انا كانت عندي خطوط بيضه على زنودي وبطني..وشوي خطوط بنيه كانت..لاني اضعف وامتن وارد اضعف

بس الحمدلله راحت الخطوط البنية ونص البيضه من بطني و زنودي…من زيت الزيتون واللوز…مره احط زيتون ومرات لوز..وشي كريم بعد اختي تشتريه من عند وحده ما اعرف لو مشاركة عندنا في المنتدى…هالكريم تحطينه في الليل او اربع ساعات وعقب تبللين ليفة وتفركين جسمج يتحول الكريم لرغوة شوي…وايد فادني وبيض جسمي وركبي و الخطوط…والحين كل اسلوع مرتين افرك جسمي زيتون او لوز مع مساج خفيف…عشان لو متنت وضعف وجيه ما ترجع لي وتزيد الخطوط…

بتنشد اختي عن لكريم وبخبرج باجر ان شاء الله

للرررررررررررررررررررفع

السلام عليكم

بنات اشحالكم؟

بنات هاي طريقة لاختفاء التشققات نهائيا من الجسم وحبيت انقله لكم عن تجربة بنت في منتدى آخر….

التشققات او الخطوط البيضا مشكلة تعاني منها 95% من البنات المتينه والضعيفه الكبيرة والياهل .. وعوااش عااانيت من هلمشكله زماااااااان وصلت لمرحلة اليأس وانا احاول مع ان عمري 17 لكن ما اخبي عنكم اني حتى ليزر فكرت اجرب بس الدكتورة قالتلي حالة حال الكريمات يعني ماله اثر فعال .. اقولكم نزلت مواضيع واييد بالمنتدي اسال عن طريق مجربه وبالفعل جربت اشياء وايد مثل زبدة الككاو و زيت الخزامي زيت السمسم خل الفتاح والطريقة الصينيه بس ما استمريت عليها وكريم comtractubex اللي ناسب بشرة كثير من البنات بس ما ناسب بشرتي وكذلك كريم vichy الفرنسي .. ولا شي من هلكريمات سرتني نتايجه يعني وصلت استخدمهم اسبوعين وما احس بأي تغير .. الخطوط اللي عندي بيضاا صار لها زمان فيني من 6 سنوات تقريبا من بدايه البلووغ وهي مو حمره اهي بيضا صار فيني احباط .. اقرا كلام الدكاترة يقولون ماكو علاج .. واللي ناوي يزرع فينا امل يقوولنا تخف بشكل نسبي لو كانت حمرا بس بيضا استجابتها للعلاج معدووووووووومة
عا بيني وبينكم ما كنت اصدق ان ماكو شي بدوون علااج .. المهم بعد عنااء طوويل ومادري شلي دق على راسي وقالي اجرب هلطريقة بس الحمدلله الحمدلله الحمدلله .. من اوووووووول مره سويتها حسيت بفررق وقعدت ابجي من الفررح الخطوط الموجودة عندي واضحه بالحيل .. وما راح تصدقوون اني الحين ما صار لي الا يومين من جربتها بس مافيني اصبر لما اخلص اسبووع انزل الموضوع صار عندي احساس شبه اكيد يارب يا رحمن انها ترووح ..
الخطوط اللي عندي جربتها بمنطقه الصدر اهي وايد وغزيرة بس انا جربت على منطقة وحدة وبكمل على الباقي ..
طريقتي سهله جدا وما ينخاف منها خير شر..
بس عااد يصير قبل ما تنزلون للموضوع ولي يعافيكم ادعوولي اني انحف هلشهر والله يهديني وينولني اللي في بالي واوعدوني انكم ان استفدتم هم تدعولي << بخيله
نيي حق طريقتي

المقادير :
1. ليفة طبيعية
اي ليفه المهم تكون خشنه شوي
2. زيت الزيتون الطبيعي .. لا تسالوني عن ماركته لانه ياييبنه لي في بطل مااي من الاردن يعني طبيعي طبيعي

المهم انا اقوولكم شلوون الطريقة ..
تاخذين الليفة الطبيعية وفركي فيها مكان الخطوط لين وقت تصير بشرتج حمراا وتحسين ان الخطوط صارت حمرا بعد يعني الدورة الدموية تنشطت وتحركت .. انا بقولكم اني فركت بالقوة لين ما صار احمر وايد وصارت بشرتي جنها فيها حساسية وصر في اثر بس ما همني انا واصلت لان اقول هذا يروح بس الخطوط ما تروح وهي اهم .. المهم تقعدين تفركين مثل ما قلتلج لما يصير المكان احمر وتكون الخطوط هم حمرا (( ساعات تكون احمر من المنطقه تحسين فيها دم محتبسوهاذي احسن واحسن بعدين امسح على المكان بزيت الزيتوون
نطري لما بشرتج تمتصه بعدين لبسي ملااابسج
بس انا اقوووووووووولكم يمكن لا قدر الله .. ما تناسبكم كلكم الطريقة عشان جي سوو مثلي قمت بديت على منطقه معينه بجسمي والحين ****لله الاسبوع الياي اخلص من الخطوط البيضا اللي في صدري واروح لاي مكان ثااني
بس يا بنااااااااااااااااااااااااااات لااازم يصير المكان احممر .. وترى مالي شغل بالبنات اصحاب البشرة الحساسة ..
وامانة بنات اللي تفيد معاها تدعي لي واللي ما تفيد لا تدعي علي انا ما طقيت احد على يده وقلتله يجربها
بس حبيت افييدكم .. خصوصا اني احس احساكم .. ياارب تناسبكم

بنات ادعولي انه الله يوفقني مع ريلي ويتمم عرسنا على خير

مشكوووووووره اختى

مشكورة الغاليه وأنا قريت تجربه وحده شرات طريقتج واااايد نفعت الظاهر بنجربها….
ويزاج الله كل خير..

وربي يتمم لج زواجج على خير

لالالالالالالالالالالالالالالالالا يبالنا نجربها
وانشالله الله يتمم عليكم بخير انتي وريلج
انشالله اللهم امييييييين يا رب العالمين

يسلمووووووو حبيبتي رح اجربها ان شاء الله

الله يوفقج انشالله..
بس انا مقتنعه تمامن ان مافي شي يشل التشققات .. لان لجلد في هذي الحاله اتمزق واتسع ومافي حد يقدر يسكر هذا التشقق مره ثانيه.. بس ممكن تعالجينها اذا كانت الخطوط حمرا ولكن مادام صارت بيضا مستحيل الا بعمليات تجميل.. نصيحه: كل وحدة تحافظ على رطوبة جسمها وانا أكيده ان الشققات مابتيكم..

بنجربها

سلاااااااااااااااااااااااااااااااااااااااااااااااا اااااام حلويييييييييييييييييييييييين كيفكم
جمعه مباركه:1 (33):

بسم الله

نبدأ

بنات الي توها عروس واتفكر تحمل قريب او الي منكم وتوها حااامل فاول بيبي وبعدها مااعندها تجارب فالحمل وشوو يصير فجسمها من تغيرات …. تشووف الموضوع الي حطيته الكم

بشره البطن والخصر وورا في حد من البنات بعد والاوداف بعد مب الكل بس اكثر شي متضرر البطن

شوفو خواتي
الي تحب تحافظ عنفسها من اول شهور فالحمل تهتم لاااااااااااااااازم ببشرت بطنها كيف!!!

اول شيء بعد كل استحمااام
لازم يازيت لون
او
احد هذه المستحضرات المتوفره فالاسواق:

وبيرجع نفس ماااكاان واحلى بس المهم الالتزام ب :
الرياضه بعد الولاده
ربط البطن فتره الاربعين
الرضاعه الها دووووووووووور كبير
المشي
استعمال الكريمات المرطبه حتى بعد الولاده
الحمام المغربي
استخدام الليفه فالحماام المنزلي والحجر الابيض الي حااطه موضوع عنه فقسم البشره
وبيرجع مثل ماتحلمين فيه

تسلمين الغاليه عالملعلومه
بس يات متــــــــــــــــأخره وايد أنا في أيامي الأخيره من حملي الاول
وما كنت اعرف انه لازم نسوي شي حق البطن وتشققاتها
يالله راحت علينا ان شاء الله الحمل الياي

أنا أستخدمت strech marks من أول حملي و لا فاد..
في البداية أبدا ما طلع لكن في الشهر الثامن بدت تطلع خطوط حمراء مع أني ولا يوم ما حطيته""
بس غيرت ع طول و استخدمت فازلين الصراحة وايد أحسن,,بدت تخف..

بنات سمعتوه عن زبده كاكاوا وشو رايكم فيه

مشكوره فديتج انا الحين حامل اول حمل حقي سويت اول صوره زبدة الكاكاوو

صاحبة السمووو فديتج انا استعملت زبدة الكاكاو اوكي الصراحه تخفف والله لو ما نحط شي بطونا بتلوع بجبودنا

الله يوفج الجميع

السلام عليكم

بنات انا الكل يقولي حطي كريم على بطنج عسب ما يطلع التشققات والخطوط البيضا

اي كريم تنصحوني فيه؟

( موستيلا )

الغاليه ها اسم الكريم .. انا كتبته لي الدكتوره و بصراحه اشوووفه وايد اوكي ..
و نتايجه ع مر الايام تبين ..
و سعره تقريبا 92 درهم و يتم عندج لمده شهر ..
و كل شهر خذيلج واحد لان بصراااحه لازم الوحده تستخدم لا تقول عقب مااربي بستعمل كريمات و كل شي بيخووز لاااااا من احين احسن تستعملين لان عقب بتتعايزين ..

اسمحيلي عاد طولت السالفه .. بس هاي صورته ..

مشكووووووووووووووووره حبيبتي

امررره بطرش ريلي ياخذلي اياه

انزين من اي شهر يبدون يحطونه؟

انا الحين بدش الرابع

حبوبة كوكو بتر وايد زين،، cocoa butter by palmers
هذا تحصلينه في الصيدلية،، خذي الخاص بالحوامل،،
بس طبعا الامر راجعلج،، حطي من بداية الحمل أحسن عشان ترطبين بشرتج و عشان تمنعين التشققات من البداية

فازلين احسن شي عن تجربه

عني استخدمت زيت اللوز ساعات مب دوووووووم ،،،،،بس شكلي بجرب موستيلا مع أنا خلالالالالالالالالالالاص قربت أربي

انا حالياً استخدم هذا الكريمكوكو بتر وايد زين،، cocoa butter by palmers وبديت فيه من الخامس وكل ما اتسبح احط منه على منطقة البطن والأرداف والصدر والفازلين وزيت اللوز والزيتون وااااااااااايد اكويه .. بس على فكرة زيت اللوز المر هو اللي يمدحونه اكثر