الوسم: التشققات

سؤالي في العنوان

حبيت اعرف متى تبين تشققات الحمل ..فترة الحمل او بعد الولاده
يعني متى المفروض الوحده تواضب عالكريمات ؟؟ والترطيب

في فترة الحمل اكيد من الشهر الرابع

تظهر بعد الولاده .. ولازم تواضبين ع الكريمات من بداية الحمل ..

اوف!! يعني ماتبين فترة الحمل؟؟ وانا مستانسه اقول ماظهرت تشققات !! انا في الرابع .. ومش مداومه عالترطيب ..

تبدأ بنهاية الشهور بالحمل والمفروض الكريمات تستخدم فترة الحمل وخاصه من بداية الشهر الخامس …الله يهون عليك
التشققات طبيعيه ياقلبي ..حتى عارضات الازياء فيهم تشققات من الحمل مو علشان كذا يختارون عارضات ماتزوجو ولاعندهم اطفال الوحده منهم من تحمل وتولد يستغنون عنها الا اذا كانت مشهوره مرررررررره ومسويه عمليات تجميل وشد
طبيعي لاتحاتين ياقلبي ..

انا ظهرلتي ف الثامن

التشققات تظهر بفترت الحمل وتكون بدايتها بالشهر الرابع

اوووووف انا كان جسمي مليان وضعفت 13 كيلو يعني كنت 55 وصرت بالاربعين
تعالي شوفي الخرايط بجسمي واحس انها تفشل غير الترهل اللي بيدي

للرفع

up up up

للرفع

حبوبة الخطوط البيضاء مالها علاج هالكريمات بس للاعلان

هلا عيوني
ماشاء الله عليج شطووورة..

عشان يدينج .. دامي على الرياضة و بتشد يدينج و بيروح الترهل بإذن رب العالمين ..

السلام عليكم

بدخل بالموضوع على طول

اليوم كنت بالبحر كنت اشوف الاجنبيات عند ولدين او ولد ما عندهن اي تشققات مثلنا البطن بنقول رياضه بس تشققات

اشمعنا احنا تطلع عندنا شخابيط من ولد واحد شو يسون معقوله ليزر لو ليزر ليش مو متوفر عندنا مع ان احنا كل شي متوفر

اكثر منهن كنت بمسك وحده واسالها بس المشكله ما اعرف انجليزي

اللي تعرف مكان يسوي ليزر للشخابيط ادلني عليه والسموحه على الاطاله

موفقه

مكرر – ارجوا الحذف

خخخخخخخ فديتج انتي جفتي كم وحده
هذيل قوم البحر الرشيقات محافظات ع اجسامهن
يعني من اسباب التشققات ترى واااااااايد
الضعف والمتن ورا بعض
والوراثة
والمراهقه ………الخ
انا سافرت برا وشفتهن شكثرررر من ركب وتشققات و.. الخ وعايشات طبيعي
بس يارتنا كانت تغطيهن بفاونديشن نفس لون بشرتها
ويسوون تان ع البحر عسبة يغطي التشققات
هم متعودين ع هالسوالف والترطيب لان لبسهم كله جي مب محتشم شروانا
يعني اهم ماعندهم اماكنهم المكشوفة
لاتمين يالغاليه تقارنين نفسج ترى حتى هم اوادم
ويعانون من مشاكل اخسس عنا
نحن نعاني من امور بسيطة تشققات واسمرار بس هم اخسس بواااايد وانتي ادرى =))

وعن الاماكن الي يسوون ليزر كل مركز تجميل يسوي وترا بقولج معلومه
يخفهن وايد بس مايشلهم بالمرة
يعني الترطيب اهم شغلة للجلد , شو اقول انا عندي هالشي وراثي من ايام مراهقتي
باجي بس ذراعي وبطني المكانين الوحيدين الي مافيهم
وكل بيتنا من ولد وبنت =))

بالتوفيق

الاجانب اجسامهم شرات بياض الثلج والتشققات بيضه عسب جذي ما تبان
حبيبتي لازم هالتشققات تطلع لأنه شرات الدكتوره ما قالتلي انه البطن ينفخ شرات البالون ،،واذا فرغتي الهوا من البالون شوفي كيف بيصير
التشققات البيضه هاي صعب اتروح اسألي اي دكتوره وحتى ببرنامج حكمة نساء قالوها لأنها تشققات تحت الجلد
اما التشققات الحمرا فاتروح ان شاء الله باستخدام الزيوت او الكريمات المعالجه لتشققات الجلد قبل وبعد الولاده
انا استخدمت روك والحمدلله نتيجته حلوه
ولازم اليهال ياخذون منا شي ما ايووون بالساهل الحمدلله على كل شي (:

مووووووووووووووفقة

حسبي الله لا اله الا هو عليه توكلت وهو رب العرش العظيم

السلام عليكم ورحمة الله وبركاته

شحالكن خواتي ،
بغيت أستفسر عن أحسن كريم للاسترتش مارك ( التشققات ) اللي تطلع فالبطن

شو احسن كريم عن تجربة ؟ وشو رايكن بزيت الزيتون ؟

وشو احسن كريم للحلمه ومتى يفضل استخدامها خلال الحمل ؟؟

انا استخدم كريم ماركة mustela

عليه رقم 9 مكتوب تحته MOIS

وربيعاتي نفس الشي والحمدلله

بتلقينه فالصيدليه

ومرات احط زيت الاطفال من بيبي جونسون

بس ان شاءالله ببتدي احط زيت الزيتون عقب ما ادخل الخامس

لان افضل وطبيعي

انا ستخدم هذا لبطني
ولصدري استخدم زيت زيتون

ربي يوفقج اختي

لا حول ولا قوة إلا بالله

هيه احسن شي الزيت زيتون
يكفي انه مذكور فالقران وهو علاج لكل شي سبحان الله
فوايده لاتعد ولا تحصى

بالنسبه للتشققات زبده الشيا وايد اوكيه

شي ما يصدق

شفت الموقع وقريت عنهم ..

شي عجيب يزيل الاثار والتشققات

واسمه Cossidia Scar and Stretch Mark Remover

اللي جربت اتفيدنا بلييييز ومشكورات ^^^^^

https://www.myezshopmall.com/store/pr…h-mark-remover

والفيديو

https://www.slide.com/r/4hLCOxim3D_C0…30376303808763

الموقع بالإنكليزي مافهمت شي

يعني هو منتج يخوز التشققات وآثار حب الشباب ؟؟؟

up up

((الله أكبر.. الله أكبر.. الله أكبر.. لا إله إلاّ الله،

الله أكبر.. الله أكبر.. الله أكبر.. ولله الحمد))

للرفع

حد جرب خواتي ولا

up up

للرفع

مشكووووره عالخلطه ^_^

مشكوووووووووووورة الغالية على الخلطه ,, بس انا اخاف احط شي ع ويهي ^ـ^

ويسلمووووو

حيااااااج حبوبه

معقوله ما قد حطيتي فازلين او جلسرين

حيااج الله وتسلمين ع مرورج

تسلمىىىىىىىىىىىىىىىى

هلا بج عزيزتي

السلام عليكم ياحلوات
طالبتكم قولو تم بغيت ازيل الخطوط البيضاء والبنية ويش رايكم استخدم الليزر او
الحقن مين جربت هذا وذاك واستفادت احتاج مساعدتكم جد لاتبخلون علي وقولولي

ان شاء الله البنات يفيدونج

للرفع

الشي الوحيد اللي ساعدني للتشققات و اثار البقع و الجروح القديمة .. زيت اقدر اقول عنه انه سحري… اسم الزيت بيو اويل و هذي صورته..
https://g-ecx.images-amazon.com/image…PPUEA-1-lg.jpg

اشتريه من صيدلية بوتس .. دائماً عندهم عرض عليه .. تاخذين اثنين و الثالث مجانا.. و هالزيت استخدمه مرتين باليوم.. قبل النوم لما أخذ شاور احطه على جسمي كامل مع مساج المناطق اللي فيها خطوط او بقع و عقب ٥ دقايق احط اي كريم أنا اريده لزيادة الترطيب.. و نفس الشي استخدمه الصبح بعد الاستحمام ..
ان شاء الله تستفيدين منه.. لانه افضل زيت للحوامل في بريطانيا و يعتبر الزيت الأعجوبة عندهم! و بالتوفيق ان شاء الله  

اختي انا سالت دكتورة فاوباجي وكوزمسيرج للجلدية عن هالاثار قالوا لي انه بالليزر ماينشل خلاص المنطقه تمددت وخلفت هالاثار ..بس ممكن تخف بشكل بسيط ..

بالظبط .. كنت بنصح بنفس الزيت .. مع الاستمرار يشيل أي آثار موجودة عالبشرة .. موفقة

بالتوفيق يالغالية

البروداكت الي حطيته هل للوجه ولا للجسم

السلام عليكم خواتي ورحمة الله وبركاته
الموضوع عنوانه واضح
ليش جداتنا ماعانوا مثل حريم اليوم من تشققات وترهلات مابعد الحمل والولادة والاسودادات؟؟؟؟
وبعد بزيد معلومة للي يقولن حريمكم مانظفن الا بعد ماعلمناهم الحمام المغربي!!!!! عجيييييب هذا الكلام!!! الإماراتيات معروفات بنظافتهن وريحتهن (الخبااااااااااال)

ندخل الحين بالشرح

كيف جداتنا اهتمن بنفسهن أيام أول..
أيام ماكان الماي متوفر
أيام ماكان فيه شي اسم تكنولوجيا ليزر وماكينة نزع الشعر
أيام ماكان فيه صالونات او مراكز تجميل
أيام الحر والرطوبة والعرق والرمضى
أيام مافي مكيفات ولا مراوح غير المهفة

ذكرت لكم هذي الظروف عشان تعرفون شقد الإماراتية كانت تهتم بنفسها ونظافتها وريحتها رغم الظروف الصعبة،، لو اي وحدة ثانية كان ((عفنت)) في مثل ذيج الظروف

1- خلنا نبتدي الأول من راسها
(عنايتها بشعرها بالزيت والحنا والاعشاب والعطور)
الزيت ينظف،، يرطب،، يغذي،، يطول،، ينعم،،
وريحته؟؟؟ حلوة عطرة كانوا اييبونه من الهند في تنكات الحرمة العودة هي اللي تسير السوق وتشتريه وتصب منه حق بناتها وحريم اولادها يسمونه بو نخلة (ماكانوا يستخدمون زيت جوز الهند اللي ممكن تخيس ريحته مع الظروف المناخية)
انزين كيف ينظفن شعرهن عن الزيت؟؟
باستخدام الحنا يمتص الدهون الزايدة ويطهر فروة الراس ويكيف الشعر ويعطيه لمعة ولون خفيف الا اللي عندهم شعر ابيض يسير لونه نحاسي
وبالنسبة للشامبو؟؟؟
كانو يستخدمون اوراق السدر مع الماي والسدر يحوي مواد صابونية حتى تطلع منه رغوة أثناء الغسل
شو بعد كانن يستخدمن للشعر؟؟
الياس ريحته عطرية ونفس الشي المحلب…
وبعد كانن يستخدمن المخمرية للشعر لتعطيرة وهو عبارة عن الزعفران ودهن العود وسموه مخمرية لأنه يترك تحت الارض اربعين يوم قبل الاستخدام

نتايج عناية الإماراتية قديماً بشعرها
شعر طويييييييييل غزيييييييير ناااااااعم عطر

2- عنايتها بعيونها
كان الكحل الاثمد للنساء والرجال الكبار والاطفال
وكان في كحل الصراي لونه اسسسسسود
الإماراتية قديماً سواء بنت او متزوجة ماتخلى عيونها من الكحل الا في حالة العزاء والحداد فقط (اللي ماتكتحل معناته مصيييييبة عندها)
طريقة تنظيفها للكحل.. تستخدم اي زيت لتنظيف الكحل اللي موجود حتى لو اضطرت لوضع القليل من السمن وتمسح

3- عنايتها بأسنانها
طبعاً المسواك معروف قديماً بديل فرشاة الاسنان حالياً ليس فقط اليافه الشبيهه بالفرشاة بل حتى العصارة اللتي يحتويها المسواك مطهرة ومعطرة للفم
ولتبيض أسنانها كانت تستخدم الفحم المطحون وممكن تمزج معاه ملح يخلى الاسنان الصفر بيييييض

4- عنايتها بجلدها (قبل حمامات البخار)
قديماً لاتحتاج الإماراتية لحمام البخار حتى لو كان متوفر والسبب:
الجو حمام بخار بشكل طبيعي طول اليوم واغلب ايام السنة حرارة شديدة ورطوبة وهي متعرضة لهذي الظروف بشكل دائم.. لا مكيفات ولا مراوح كهربائية
كانت تستخدم النيلة (عشبة لونها ازرق) لتقشير البشرة وتبييضها (د. اوباجي يستخدم التقشير الازرق ومكون من عشبة فاعتقد هي نفسها النيلة بس معالجة ومركزة)
طيب يسير لونها ازرق.. صح
طريقة ازالتها للنيلة بواسطة ليفة طبيعية كبيرة منسوجة على شكل دمعة كبيييرة تتليف بماء السدر
وفيه الورس (كركم الجسم مب كركم الاكل) ونفس الاستخدام وممكن مزجهم مع بعض
واوقات كثيرة يكتفن الحريم بوضعه على اليدين والقدمين والصبح يتم ازالته
والنتيجة بشرة ناعمة وفاتحة ولونها متوحد
وكان السكرب اللي يستخدمونه الصندل المنقوع في ماي الورد يتفركون به
نظاااااافة وريحة روعة
(الحين تقولن كيف حافظن على بطن جلدهم بعد الحمل والولادة)
اولاً ماكانن يستخدمن الصابون اللي ينشف الجلد ويخربه
كانن يستخدمن السدر والسدر ينظف وينعم
بعد الولادة طول فترة النفاس يومياً كانت تحط على بطنها حجر مسخن على الضو لعدة ساعات يومياً وبعدها تربط بطنها بلفه بغترتين او شيلة كبيرة عدة اسابيع ويقشر بطنها من طبقة جلد ميتة سميكة
النتيجة تطلع من النفاس ببطن مشدود ومخصر وجلد يدييييد (لا تشققات ولا ترهلات او اسودادات)

عنايتها بنظافة الابطين والشعر الزائد وريحتها
لازالة الشعر كانت الاماراتية تستخدم رماد الحطب تفركه على الجلد فيتخدر وتتفتح مسام الشعرة وتتساقط

وكانن يستخدمن الشبة عن ريحة العرق والعطووووور
العطور بروحها موضوع كبير للجلد وللملابس ولبيتها

عنايتها بالمنطقة الحساسة
الإمارات قديما ومازالت تهتم بهذي المنطقة
يعني خارجياً وداخلياً نظيفة "أصلا حتى لو ماتنظفت كفاية شرفها اللي مايتدنس،، وهذا من فضل الله ونعمه"

بعد الولادة وطول فترة النفاس تستخد الملح البحر والمقتدرات يستخدمن تحاميل خاصة للتنظيف والتضييق مكوناتها الملح والمر والعسل الطبيعي والشبة
ولباقي الايام غسول من مغلي القرط وقشر الرمان والمر والملح والشبة أو الإكتفاء بالملح البحري

عنايتها بزينتها
تكلمنا عن اهتمامها بالكحل وتهتم بوضع الحنا على الكفين والقدمين للمناسبات مثل الاعياد والاعراس
وكانت تضع الحنا يومياً على نفس المكان عشان يطلع اللون غامق (يومين ثلاث)
وتهتم بلبس الذهب والملابس المطرزة

الإماراتية قديماً وحديثاً تخفي زينتها تحت عباتها الحشيمة
زينتها في بيتها
نظافة
نعومة
معطرة
و.. و.. و……

وفوق هذا تكملت بأدبها وأخلاقها وعفتها وطهارتها
يعني نظيفة قلباً وقالباً
سمعتها أعطر من عطرها

اللهم لك الحمد ولك الشكر
هذيل هن امهاتنا اللي نرفع الراس بهن ونفتخر
هذيل ساسنا ومدرستنا

انشروه في كل مكان
عجبكم ثبتوه

مشكورة

تسلمين اختى ع الطرح

كلامج سليم ١٠٠/١٠٠

اجدادنا معروفين بنظافتهم وحبهم للروايح الطيبه.. وما انشم منهم الا الطيب..

يدتي ربي يطول بعمرها لين الحين تستخدم الياس.. فاالاسبوع مرتين او ٣..

تدهن شعرها واتسحيه.. وبعدها اتحط الياس وتتسبح.. ومن اتخلص تتعطر بمخمريه.. واتحط مرات ع راسها دهن زعفران..

وكانت قبل اتخبرنا انهن كانن يغسلن شعورهن بالسدر.. واجسامهن بعد..

ويستخدمن خلطات الورس والكركم والنيل الازرق.. النيل الازرق ياخذون حصاه ويدقونه ويخلطونه ويا الورس والكركم.. ويتفركون فيه.. عشان جذا ما عانن من الحبوب والبثور والهالات السودا.. ومشاكل البشره ..

وعندهم العروس يتمون شهرين يحطون لها النيل ويا الكركم.. عشان تلق بياض..

وبخصوص ازاله الشعر.. كانت يدتي اتقولي انهم ينظفون شعر العانه والابط بالرخيص(رماد الفحم)

يفركون المنطقه بالرخيص ويشلون الشعر.. نتف..

ووايد اشيا.. لو اذكرها ما بخلص.. صدق اهتمام حلو.. مع انهن كانن يشتغلن ويتعبن.. بس بعد محافضات ع نظافتهن وجمالهن..

حتى سالفه النفاس.. ما يطلعن من بيوتهن.. ويشربن حلبه والحبه الحمرا وعصيدة الطوبي بالفلفل.. وعشان الكرشه مثل ما قلتي.. يحطن حصاه حاره ويربطن بطونهن.. وامره تختفى الكرشه..

يوم اكلم يدتي اتقول انتن زمان اول ما اترومن علينا.. هههههههههه

فديت حريمنا والله وريحتهن الخنينه لا صابون مغربي ولا خرابيط

امي فدييتها كانت تخبرني عن فترة النفاس تقول من نطلع من النفاس نكون قطن من البياض

وبطنهن لاصق بظهرهن كانن يستخدمن الحصا مثل ما ذكرتي مع ربط البطن بشيله

وكانن يشربن التفه الحبه الحمرا مع الدهن والفلفل تقول نطلع بيض محمرات من الصحه

الله يطول بعمرهن ان شاء الله

وعن الريحه المخمريه ما تخوز عنهن والدخون وما يستخدمن العطور الفرنسيه لا كل

عطورهن عربيه بالتوله وكانوا ايبونها من الهند

شو بعد هيه قبل ما يسيرن لعروس كانن يحطن على ويهن صندل وورس ونيل

ومن يخوزنه ما شاء الله كل وحده تقول الزود عندي

حتى ما شاء الله بشراتهن الين الحين محافضه على شبابها مو مثلنا كل الكيماويات على ويوهنا ههههه

هيه بعد يخوزون شعر جسهم بالطافي اللي هو الرماد ويدقون الفخار الين ما يخلونه شرات البودره

ويشيلون به شعر جسمهم هاللي اذكره

اسمحيلي طولت عليج

موضوعج حلو فدييتج والله يحفظ امهاتنا من الشر ويطول باعمارهن

الموضوع اكثر من رائع ،، جزيتي خيرا
بس مين اللي يقول الاماراتيات ماكانوا يهمتموا باعمارهم ؟؟؟ هههههه ماعندهم فكرة و انتي اثبتي لهم بالموضع ،، كفو والله

وااااو ياليت نراد مثل الاول