آنآ بعد آبآ آفرح فآلعيد مثل كل الناس ~

السلام عليكم ورحمه الله و بركاته ..~

شحالكم عساكم بخير وعافيه ؟

:

يمكن كلكم تقولون انا وايد مبالغه بس اقروا سالفتي واحكموا عقب ..

انا صار لي 7 سنوات او اكثر ماتحنيت ولا مره فالعيد ..~

كل ماروح الصالونات تكون زحمه و مرت 5 سنوات ماودوني اصلا الصالون لان يقولون لي اهلي هب لازم ..

من 3 ساعات رحت صالون ..

بغيت اتحنى لين الكوع .. تعويض عن الاعياد الي راحت و ماقدرت اتحنى موليه ..~

طبعا من حق الكل يتحنى سواء كبار ولا صغار ..

ويوم وصلت الصالون طبعا زحمه و سالت الحنايه كم باجي من البنات يدامي عسب تخلص وتقدر تحنيني

قالت لي 3 و قلت مب مشكله بترياها ..~

يلست و الحنايات يسولفن و يضحكن و اليهال تعبانين يبون يروحون وعورتهم ايدهم من كثر مادينها ..

عقب خلصت الحنايه 2 و قالتلي تعالي ويوم قلتها ابي اتحنى لين الكوع تمت تتشاور ويا راعيه الصالون

وياريتني افهم هندي عسب اعرف شو قالوا ..

عقب قالتلي 200 .. @_@

الله اكبر عليهن .. قلتها و ان شالله 50 لين وين ؟ ؟

قالتلي الكف خمسين و شوي اطول 80 … و الخيبه تخيب العدو @_@

عصبت وايد منها و قلتها خلاص حنيني 80 و شوي يتني حرمه تمت تفاتن وتقول نحن يينا قبل و شعنه خليتي هاي قبلنا و كلمات الله لا يسمعكم اياها

ماشالله الاسلوب وايد حلو ويفتح النفس انا قلتها خلاص اختي عادي تحني ماعندي مشكله لا تحرقين اعصابج . . لاني بطبعي الحمدلله اسلوبي زين ويا الناس عمري ماسبيت ولا غلطت على حد

اطالعتها بنظره تخليها تعرف وين مستواها و عقب ابتسمت .. والصراحه كل وحده و اسلوبها دليل على تربيتها في البيت ..

الله يهداها ..

عقب الحرمه سارت والهنديه تمت تسولف هني و هناك ويتني الهنديه قالتلي تعالي بحنيج

راسي كله علامات استفهام و قلت فخاطري وينها عيل الحرمه الي توها منتطره وتفاتن

ويلست صوبها مره ثانيه ويت الحرمه مره ثانيه وتفاتن ..

بسم الله انزين جان بغيتي تتحنين تعالي ولا بس تبين مشاكل الله يهداج ..~

و عقب انا قمت و الهنديه قالتلي عادي قلتها مب مشكله

و مرت ساعه ومليت قلت حشى مذله مب حنا هذا ..

الحريم يتمون يتشرطون و يتحنون لين اخر شي وريلهن و ايدهن .. وموليه مب مراعيات حد

و عقب قلت بروح البيت خلاص عافه الخاطر هالحنا ..

و شفت الحرمه هاييج تقول حق حنايه ثانيه حني ريل اختي و وحده قالت لها حرام عليكم انا قبلكم يايه و قالتها الحرمه بس ريلها لا اكثر .. وقلت الله المستعان شو هالناس المريضه ترضى لنفسها و ماترضى لغيرها و طلعت و رديت البيت ..

للحين خاطري اتحنى و من شوي صحت شويه .. انا من حقي بعد اتحنى مب بس هن !!!!!

والحنايات شو اسوي بهن ؟؟؟

الحين صالونين جي سووا ..

هاييل لين الكوع 200 و الصالون الثاني يحنون كل حد ب100 حتى لو كان بس كف ومايحنون صغاريه ..

مب حرام جي ؟؟؟

ابي اعرف شو اسوي مالي خص الا اشتكي على هالصالونات عسب يعرفون وين حدهم ..

الله اكبر شو هالطمع بالناس ليش وصلنا هالحد ؟؟؟؟؟؟؟

و السموحه على الاطاله والازعاج

وكل عام و انتو طيبين و ان شالله تستانسون بالعيد حبيباتي ..

يحليلج
انا حتى من 8 او اكثر سنه ماتحنيت ^_^
لاني اكره الحناء خخخخخ

ولو كنتي م نالشارجه
انا بدليج ع صالون اختي تتحنى فيه دوم
السعر رخيصص وحناهم حلوه ^^
وباجر انا رايحه ويااختي عندهم وبعطيج الرقم تومورو

الله يكـون في عـونج الغلا

هيه والله انا اليوم متنقعـه من الساعه 9 لين الساعه 2 وتحنيــت طبعـا بعد طول انتظاااار ومذله
شو اسوي خاااااطري اتحنـى وامووووووت عالحنـا وريلي يباااااني أتحنـى … قعـدت وصبرت وتحنيــت وافتكيـــت ..

هيه والله وااااااااايد مغلين في السعر الله المستعــان

الحين يقولون في رقم البلديه او شي جي عسب غلاء الاسعار ناسيه كم الرقم عشان اللي يزيدون في السعر كنت بتصل اليوم ونسيت …

الله يعينج…
انا كارهه الصوالين وقت الاعياد ..
زحمه ومذله ويلسه بالساعات وما يسوى علينا
اخذيلج معصار واتحني بروحج اي شي … واذا بخاطرج روحيلهم وقت الفطور وما بتحصلين زحمه

بس انتي فعلا مبالغه وكاتبه موضوع طويل علشان الحنا …. وشو يعني لو ما تحنيتي؟ كارثه ولا مصيبه؟ انا ما تحنيت من 5 سنين لانه الحنا مب شي اساسي عندي وواليوم كنت ناويه اتحنى بس غيرت رايي وقلت مافيه مالي بال …. عادي شو يعني حنا

خخخخخخخ بالعكس ايطلبن من المطعم وايب لهن الفطور لين الصالون

معروفه هاي اسعارهن في اغلب الصالونات

وقليل 150

تحنيي اول يوم العيد بينقص السعر وبتخف الزحمه

ليش ماتتحنيين في الايام العاديه !

ع الاقل تعوضين
والاسعار تنزل اكثررر