السلام عليكم يا بنيات .. شخباركم ..؟
عساكم بخير ..
خواتي طلبتكم .. أنا نويت أروح العمرة مع أمي وخواتي في رفقة آمنة
وسألت دار الافتاء الشيخ وقالي توكلي على الله مادام رفقة آمنة وما عندج محرم ..
الحين ابى أعرف أسجل في أي حملة ..
نظراً لأني أول مرة بروح ويا خواتي وأمي ..
ومحتاجة اروح مع حملة ترتب الرحلة ..
سألت وقالولي حملة <الضيافة> اللي في القصيص زينة ..
بليز أنصحوني ودلوني على حملة زينة آمنة ..
ادعولي ربي يتمم لي أنا وأمي وخواتي العمرة
وبدعيلكم يوم بروح
^_^
بدعيلج أكييييد .. بس انتي ادعيلي اروح اول شئ
أمسات رحت حملة الضيافة ..
وأتريا يأكدون عليه الحجز ..
الله ييسر ونحصل حجز ان شاء الله
مشكورة الغالية ..
بارك الله فيج
^_^
الله يوفقج ان شاء الله
بس ابغي قلج شي
انا ست العمره 4 مرات
وكل مره مااروح بحمله
يعني اروح بنفسي احسن واريح
احجزي من هنا الفندق اللي تبغينه
واطيران اللي بغينه
وهناك لمواصلات متوفره فيكل محل
واذا تبغين سياره خاصه عندي رقم يا بصراحه ماعليه كلام محترم ااايد زين
يودينا وين مانبغي
وسيار اخر موديل
احجزي فالابراج او اي محل تبغينه يعني ما بتكونين مقيده باحد
ماعرف بس هذي نصيحهتي لج
وعادي حتى لو امج واخواتج مب يعني حريم خلاص ماتقدرن اتروحن بروحكن
نحن كنا 3 حرمات ورحنا والحمد الله ردينا بخير وسلامه
بس اهم شي
التوتر والسرعه الليمالها لزوم
خلج هاديه ومرتبه في ك امورج
والله يوفقج
وامانه ادعيلي
ديري بالج على نفسج غناتي
المشاركة الأصلية كتبت بواسطة أسرار111 
ديري بالج على نفسج غناتي
وبخصوص موضوع حملة الضيافه اتوكلي على الله لانه حمله معروفه وايد زينه اختي يوم السبت سايره عن طريق هالحمله ومن قبل هي رايحه الحج بعد في نفس الحمله