أبيكم تواسوني ، ابي اتخرج بسرعه لكن السنوات افكر فيها وأيد وانحبط

السلام عليكم ، شخباركم بنات ؟! بنات ان شا الله راح اكمل دراستي بكالووريوس وانا متحمسة جداً لكن يوم افكر انه 4 سنين انحبط ، احس سنوات طويلة وثقل علئ قلبي ، ابي كلام يريح قلبي وتهون علي 4 سنين احسه عمر ههههههه احب ادرس بس ابي اتخرج بسرعة ، بليز وأسوني محتاجة كلام يرفع المعنويات وانسى 4 سنين

والله يا أختي مادري شقولج!!! أول مرة أسمع جي! عيل لو بتدرسين طب سبع سنين وراها سنتين تخصص شو بتقولين؟؟؟ بالعكس أربع سنين ولا شي..بتمر بسرعة الريح..وبتتمنين ترجع أيام الجامعة..أحلى أيام…إذا حابة تخلصين بسرعة خذي مواد أكثر كل فصل…إذا كنتي شاطرة وتذاكرين وتقدرين تحافظين على معدل عالي لو زدتي المواد..ممكن تخلصين ب3 أو 3.5 ، كل الناس تكمل جامعة، صار البكالوريوس كنه ثانوية عامة..الحين الناس هابة بالماجستير والدكتوراة…تعوذي من ابليس…شيلي هالأفكار السلبية من بالج..أربع سنين ولا شي..بالذات مع الصديقات…بتتمنين تزيديهن…واسمحيلي يعني..غذا أربع سنين وايد على جامعة..قعدة البيت احسن يعني!! بدون استثمار بدون فايدة..عالأقل بتشوفين ناس وتتعرفين على الدنيا وتتخرجين بشهادة تأهلج لوظيفة محترمة إن شاء الله…بالتوفيق عزيزتي

لا يهمك حبيبتي..احمدي ربج أيتك فرصة العلم وتطوير نفسج ..أنا تخرجت من الجامعة عام 1987 وصرت جدة وللحين أدخل كورس واطلع من كورس ..يعني بالعلم يسمو الإنسان ويطور نفسه..
تمر الايام بسرعة والعمر ماشي بقى على اربع سنين يلي هي اجمل الذكريات ..حبيبتي توكلي على الله .

قولي بسم الله بتلاقي السنوات مرت

بداية الألف ميل خطوة والتفكير بآي امر صعب لذلك لا تفكري بهذة الطريقة قولي انا بمرحله جديدة ومحسوبة من عمري فاجعليها جميلة

وقبلي علي هذة المرحلة بكل الحب والتفائل والحمد والشكر وبأذن الله سوفي تجدي فيها الجديد خليط من التعب اللزيز وكي نشعر بالنجاح

لزم تعب وتضحية وجتهاد —

الله يوفقك ودوم رددي لا سهل الا ما جعلته سهلا

ههههه يالله انا وياج تقريبا باقيلي ٣ سنوات وان زادوا ٣ سنوات ونص بالكثير وان شاء الله نتخرج بمعدلات ممتازه، حبيبتي لا تفكرين انهن وايد ترا الدراسه جدا عاديه بس اكيد فيها شي من الصعوبه مثل البحوث والامتحانات لكن بتمر بسرعه . . ماعرف كيف اواسيج لو تبين الماستر جان عرفت اواسيج هههه بس بكالريوس انا وانتي ف الهوا سوا

فديتج صارت اغلب الجامعات فيها صيفي شدي حيلج وخذي مواد للي تقدرين عليها وزيدي صيفي

بخبرج شي انتي تفكرين بالاربع سنين بس فكرتي شو ممكن يصير باجر

انا تخرجت من مدرسه ودشيت الجامعه ومشت اموري تمام في اول سنه صادفتني ظرووف ووقفت عن الدراسه سنتين 🙂

ومن سنه راجعه وباقلي سنتين حتى اربيعاتي تخرجوا بس ماوقفت الحياه كملت ودرست وخذت صيفي وبما ان قبل كنت

اخذ مواد اقل هاللي بعد اخرني زياده

وهالكورس ماخذه 6 موااد وضغط وامر بظرووف في البيت وفوق كل هذا اشجع نفسي واقول هانت بتمر الايام وماراح احس فيها

وانتي نفس شي انا اعرف قلت لج قصه حياتي بس علشان تخلينها عبره وتستفيدين

لووووول اختي

ركزي في دراستك احسن لج

السنوات بتروح بس حاولي تستغلينها انك تاخذين علم تستنفعين منه