أجهاض متكرر شو الحل؟!

السلام عليكم ورحمة الله وبركاته
أشحالكن خواتي عساكن الا بخير
حبيت استفسركن بخصوص الأجهاض
انا اجهضت 4مرات متكررات ماعرف شو السبب مع العلم اني ما جد ربيت قبل وماعندي عيال
أبغي أعرف شو السبب وشو العلاج
يليت تفيدني بخبراتكن

ماشوفين شر ……وااااايد صارت وكان العلاج قراءة سورة البقرة لين الولادة

الله يعوضج اختي و تحملين طبيعي و يتممه ربج على خير

اختي في وايد اسباب علميه للاجهاض (بعد مشيئة رب العالمين)

– خلل كرومسومات
او
– ضعف الحيوانات المنويه
او
– خلل في البويضه (او ضعفها)
او
– أكياس المبيض

و غيره

و احيانا السبب يكون مجهول

اختي راجعي استشاريه متخصصه و ان شاء الله تحصلين حل للاجهاض عندج

و ربي يرزقج من حيث لا تحتسبي (ويرزقني)

إن شاء الله البنات ايساعدونج للرفع

الحين انتي لازم توقفين
وسيري راجعي عند دكتورة زينب وايد يمدحونها

ان شاء الله تحملين اختي

انا عن نفسي اجهضت مره و حده و لما رااجعت عند الدكتوورة قالت لي الدم ما يووصل لقلب البيبي
و لازم هالمره آآخذ كلوميد و خذته و حملت باذن الله … و هذا حملي الاول .. بس قالت لي عسب الدم يوصل للبيبي لازم آخذ البيبي اسبرين ..

بس بعد الحجامه حل للاجهاض المتكرر

انا مرت اخوي حملت في نفس الشهر الي سوت فيه الحجامه .. و الحين هي حامل ما شاء الله

و اقري هذا الموضووع للاخت أنا مسلمه .. و ان شاء الله تستفيدين …

https://forum.uaewomen.net/showthread.php?t=402479

حبوبة يمكن يكون السبب مجهول مثل ما كان فيني 6 سنوات وبعدين سويت تحليل الأجسام المضاده ونقل دم من زوجي ( كرات الدم البيضاء ) والحمدلله الله رزقني بولد وألحين حامل مع قرأة سورة البقرة كل يوم