أخواتي الغاليات تعالوا ——– بنات الأمارات

أخواتي شحالكم عساكم دوم بخير ونعمة وربي يحفظكم من كل شر

بغيت العون والمشوره منكم في موضوع : الليزر لازالة الشعر الزائد
بغيت أخواتي كل وحدة جربت الليزر وفادها أنها تفيدنا وربي يجزيها كل خير عنا وتخبرنا عن تجربتها وعن ( أسم المركز الي سوت فيه الليزر )
تعبنا من البشرة الحساسة وكل الطرق الي استخدمتها ماأستفدت منها هذي مشكلة عند كثير من الأخوات صح ولا أنا غلطانه (هذا طلب من أهل الخبره ومجربات الليزر)
أرجو من أخواتي أنكم تساعدوني وتسلمووووووووووووون
وأدري فيكم دوم عون وما تقصرون يالله أبي أشوف رودودكم …

هلا الغاليه
الصراحه انا ما جربته
بس خالتي كانت تسوي عند سميحه لطفي .. ف الشارجه ..
و وااايد استفادت منه .. سوت حق ويها ..

ان شاء الله باقي البنات بيفيدوونج ..

و السموحه منج

والله صدجج لاعت كبدنا من هالشعر
اختي انا توني باديه بها البرنامج لحد الحين مسويه جلسه وحده بس والجلسه الثانيه قريب ان شاءالله
اما تشجعت لمن شفت بنات عمتي مسويات وعلى قولتهن انه خف وايد وايد
وصدج شوفت عيني بشرتهن صايره وايد حلوه وتقريبا خاليه من الشعر
بس تراه للعلم الشعر مايخوز للابد
تراه يخف على كل جلسه وتتباعد فترات نموه
انا سويت الجلسه الاولى تقريبا قبل شهر ولحد الحين ماطلعلي الا شي بسيط مره
والجلسه الثانيه بعد اسبوعين
واذا بغيتي اي استفسار ثاني طرشيلي عالخاص احسن عشان انتبه واجاوبج على طول

للرفع

مشكورة حياتي على مشاركتج في موضوعي وتسلميييييييييين

مشكورة وووووووووووووووووووايد يالغلا وانشاء اللة بتواصل معاج عالخاص

بنات من فضلكم سعر الجلسه لليزر كام