أخواتي لعمانيات مع التحيه .

عيدكم أمبارك ويعلكم من العايدين والسالمين .
خواتي
خاطري أتعلم أسوي الشوي لعماني إلي على أصوله ….
عندي جارتي الله يذكرها بالخير كانت أتيبلي الشوي كل ماردت من عمان بعد أجازة عيد لضحى
وسبحان الله رجعت لعمان ومن عدها أنقطع عني الشوي وكل مايي عيد الأضحى سبحان الله أذكره
وخطر على بالي أنزل هالموضوع عل وعسى الله يرزقني بوحده تعلمني خلطت الشوي كيف أيسوونها وكيف نشوي الذبيحه !
وأنا ولله الحمد أعرف أشوي الذبيحه بطريقتنا بس الشوي هو إلي عجزني يمكن لصعوبة الخلطه
فياخواتي من عمان إلي تعرف وعندها فكره أتعلمني أياها …..بس هاااابالتفصيل بعد أذنكن والمقادير علشان أضبط الخلطه .
وحتي خواتي من دار زايد إلي تعرف كيف يسون الشوي حياها الله تعطيني الطريقه.
ويزاكن الله خير..وعساكم من عوادة العيد

حي الله بهل عمان ..يزاج الله خير الغاليه .

فديتج بخبرج اللي اعرفه وارجو من الباقي يصححون اذا في شي غلط

خلطة الشواء (التبزيرة) عبارة عن : الخل العماني (يسوونه قبل العيد بأسبوعين عالاقل وهو عبارة عن تمر وثوم وماي وملح وفلفل احمر)

والقرفة
والزنجبيل
الكزبرة
والثوم
والفلفل الاسود والاحمر
والسنوت
و الملح ويفضل انج تخلطينها قبل كم يوم من العيد

بالنسبة للطريقة انج تبزرين اللحم وتخلينه داخل خصفة (مادري شو تسمونها مصنوعة من سعف النخيل)
وقبل لا تخلينه فالخصفة تغلفين اللحم بورق الموز وتحطينه فالخصفة ( ممكن تستغني عن الخصفة وتكتفي بورق الموز وتغلفينه ب فويل او ورق قصدير)
وطبعا هو يحتاج حفرة بس اذا ما عندج ممكن تستخدمين الفرن وبيعطيج نتيجة قريبة منه

هذا شي مبسط وان شالله اكون افدتج وكل عام وانتي بخير

مشكوره الغاليه
إلي أريد اعرفه هو كيف يسون هالتبزيره لانهم يسوونها قبل فتره ويخلونها في الشمس وبعدين يستخدمونها هي هاي المهمه وأريد أعرفها بالتفصيل علشان أسويها وتضبط عندي الغاليه يزاج الله خير على مرورج الطيب عزيزتي .

المضبي ،،،

عمري انا المضبي،،،

انا ما اعرف بس يبون لنا،،،،

اخويه – فديته – تعلمها من ربعها العمانيين ويسويها لنا

بس ما اعرف اذا يعرف طريقة التبريزة – التتبيل-