أرجوكم: سؤالين بس لما بعد الولادة

اشحالكن؟

لوسمحتو بغيت اسالكن مجموعه من الاسئله حق اختي؟

اختي مربيه 12/6 ببنوته

وطبعا مثل كل المربيات تخاف من الكرررش

جربت تحط حصايه حاره على بطنها، بس جربت مرتين وما نفع لان بطنها صار اسووووود تقولي فحمه واستوت فيه فقاعه كبيره، وامي مب راضيه ترجع تحط الها حصايه لان خايفه عليها خصوصا انها كانت بصغرها مسويه عمليه بالسره فهي الحين تدور على البديل؟

هي تلبس حزام الشد من الصيدليه بس مب واثقه انه مفيد

السؤال الثاني:
بطنها صار اسود من الحصايه كيف تتخلص من السواد لانن فضيع؟

بليز اريد الرد على السؤالبين وال تعرف رد سؤال دون الثاني بعد عادي تجاوب؟

ان شا الله البنات يفيدوكي

اختى عليها بالحمام المغربي……

اولا مبرووووووووك عليها البنوته…
ثانيا هي كيف كانت اتحط الحصا لاني على ما اعتقد اتحطها غلــــــــط

و عن السواد تستخدم مقشر احسن الها و اتسوي حمام مغربي

اختي الحصاة اللي كانوا الحريم قبل يستخدموها لها مواصفات معينة
1- حصلة وادي ( ناعمة )
2- مستوية يعني بدون تعرجات
3-غير ثقيلة الوزن
4- يجب تسخينها حتى تصبح دافئة
5- يجب ان يكون هناك واقي( قماش) بين الجلد و بين الحصاة
هذا اللي اعرفه من عمتي و للعلم انا ما استخدمت هذي الطريقة استخدمة طريقة لف البطن بقماش

نرجع للموضوع
عليها بممارسة الرياضة لشد جلد البطن
وبعدين هي من اسبوع مربية
وهذ الكرشة عادي بعدين تخف ما بتم هشكل بس عليها بالرياضة
وشرب الاشياء الساخنة و الحريروة لتنظيف البطن

الاسوداد بعد بيخف ان شاء الله و بيرجع لون جلدها عادي ( خليها بعد الاربعين تسوي حمام مغربي)
و خليها تتغسل بملح و ماء عشان اطهر المنطقة و تنظفها خلال فترة النفاس
ومبروكين على البنية ^___^

لازم ما اتحط شي من هااااي الاشياء … اذا خايفه من الكرشه
الرضاعه الطبيعيه هيه اللي ترجع البطن الي مكانها كثر ما ترضع اكثر البطن راح يشد بعد

الله يسرها عليها

مشكوره على الرد