أصعب اللحظات لهادي المنصوري روووووعه

ماتت الشمس و تلاشت في المغيب
ومات قلبٍ ما شفع لـه دمـع ذاب
آه يـا كبـر المواجـع و النحيـب
لو بديت أشرب من العـد السـراب
الظمى في نظرت الرجـل الغريـب
يشبه السيف البـري دون الرقـاب
والهوى جرّاح و اللوعـه طبيـب
والقصايـد مـا يكفيهـا كـتـاب
ما سألتك و إنت تدري يـا مجيـب
إن حالي من بعـادك فـي خـراب
وما رجيتك و الرجى معروف عيب
بس أشبّه دمعي بْمـزن السحـاب
يا قريبٍ بس مـا شوفـك قريـب
إنتظرتـك و إنفـتـح للهم بــاب
صار قلبي من أمل وعدك صويـب
يوم ظهري من سبب جرحك مصاب
ليه خنت الوعد يا الغض الرطيـب
ليـه حسناتـي يردّيهـا الـثـواب
أستميحـك عفـو للعـذر المريـب
لين لامتني علـى الغلطـه عتـاب
وأستبيحك جـرح للفكـر اللبيـب
لين ضاعت حجّتي عنـد الصـواب
وإنت ساهي عن جروحٍ ما تطيـب
غرّها طيب النوايـا فـي الشبـاب
إبعـد وخـل المواجـع تستطيـب
ما بقى لك في الحنايا كـود نـاب
أحزن اللحظـات تلويحـة قريـب
وأسعد اللحظات رجعت شخص غاب
وأصعب الطعنات من كف الحبيـب
بس أنا شخـص تقوّيـه الصعـاب
يا شعاع الشمس لو طـال المغيـب
شلّ جـرحٍ داخـل الاعمـاق ذاب
هاك بيتٍ في الدموع و في النحيب
الندى دمعه من عيـون الضبـاب
وهاك بيتٍ به ظنونـي مـا تخيـب
الامل باقـي ولـو طـال الغيـاب