أفضل مدرسة خاصة في العين

السلام عليكم خواتي
بغيت مساعدة الأمهات اللي جربن المدارس الخاصة في العين
ولدي بيدش كي جي السنة الياية ومحتارة وين اسجله
ياليت تنصحوني من خلال تجاربكن
ويزاكن الله خير

ملاحظة: الرسوم مو مهمة لو المستوى التعليمي والأخلاقي عالي

Emirates National School

اخويه فيها وعيال العايله الكريمه فيها ههههه

كانوا فالظفره ونقلناهم كلهم

لنه مستواها واااايد احسن

وخويه الثاني بيسجلونه فيها من السنه اليايه انشالله

على فكره هيه الاساسيه في بوظبي ولها فرع فاتحينه السنه هاي في العين

^_^

:1 (68):

وهذا السايت

https://www.ens.sch.ae/

والسموحه

^__^

ختيه سجلوها فمدرسة ليوا
هي بعد كيجي ون

نفس الحالة ابي اسجل ولدي ومب عارفه وين

الامارات الوطنية حلوه وراقيه بس اسعارها غاليه وايد

زين شو رايكم بالروضه الخاصة الي بجمعية المرأة الظبيانيه حد يعرف معلومات عنها ؟؟؟

فديتج روضة الجمعية واايد يمدحونها من ناحية الدرااسة انصح فيها

ما انصحكم بالخاصه بس كل تركيزهم بالفلوس وغير جيه المدرسات تاهيلهم ثانوي بس الحكومي ما يشغلون حد مستواها اقل من جامعي والدليل ربيعتي مالقت وظيفه قدمت بمدرسه خاصه وقبلوها وهي ثانيوه وتقول كل الي عندنا مصريات مؤهلهن زفت بس جيه مادي
انا افكر بالحكومي سمعت مدرسه المقام الحكوميه نظاهم يديد نفس نظام المدارس الخاص بس ما ادري جان بيقبلون ولدي وهو مو من المقام

هاي المشكله المدارس زينه بس اتخافين الياهل يتعود على الاخلاق الغير اسلاميه
والله بنت اخويه كي جي 2 في الظفره بس امها بتنقلها لانها خافت على البنت لانها ملتزمه و المدرسات هناك لبس قصير و حاله يعني الواحد يخاف يعلمونهم عادات غير عاداتنا خاصه فهالسن
الله يعينا .. جوفي الحمدانيه في العين وايد زينه ويراعون الناحيه الدينيه و الله عندهم عيال فالابتدائيه حافظين القران ماشالله ..ز