ألحين انا الغلطانه ولا ريلي الغلطان عشانه تزوجني؟؟؟؟؟؟؟محتاره

بنات بصراحه مااعرف شو اقولكم بدش فالموضوع …المهم…انا ريلي هاجر حرمته الاولى لأسباب ماقدر اقولكم شو الاسباب هذي ..بس .. انا اعرف معظمها مب كلها لأنه انا مااريده يخبرني وبعدين الحرمه الاولى قالت له انا بس ابيك اسم انه عندي ريل وكانت دووم تقوله جي حتا الحين يوم هاجرنها تتصل به تقوله لاتطلقني انا اباك اسم بس !! وبعدين شو علاقتهم كانت كيف قبل.!!
انين نحن حبينا بعض وتزوجنا والحين عندي بنت وريلي نادر مايوديني عند اهله هم مافيهم شي بالعكس طيبين حييل
ومره كنت سايره عندهم انا وريلي والصدفه انه كان ياي بالطريق اخو ريلي وحرمته !!وهذي حرمته اخو ريلي ماتحبني لأنه ربيعت حرمه ريلي الاولى …المهم …وشو سوى ريلي طلعني من البيت عشانها ياياه الشيخه انا سكت ماقلت شي هي منو تتطلع عشان يطلعني من البيت عشانها ؟؟بذمتكم انتو شو رايكم ؟؟ريلي يقول بحجه اني ابتعد عن المشاكل
خلاص الحين طافت علا السالفه 3 اسابيع ولا تنسون تعلقون عليها؟؟!!

انزين البارحه كنا طالعين نمشي بنتي وبنت ريلي من الاولى ماشاء الله عليهم وبنته من الحرمه الثانيه تبا عيال عمها راح ريلي اتصل بوخوانه وقالهم نزلو البنات كانو فبيت واحد اخوانه وحريمهم !!الحرمه اللي خبرتكم عنها حرمه اخوه (م) واخوه الثاني (ح) كانو متجمعين هم وحريمهم وعيالهم
انزين البنات نزلن ورحنا نلعب كلنا وبعدين رديناهم البيت وانا قلت لهن سلمو علا امهاتكم انا جمعت وماقلت حق ذي سلمي علا امج وماقلت حق الثانيه لا جمعتهن كلهن !!!
وانا سرت البيت وريلي طلع وعد كم ساعه اتصل ريلي فيني قالي انتي شو قصدج اتقولين حق البنات سلممو علا امهاتكم جان اقوله انته سمعتني فالسياره الحين ياي تسالني ؟؟؟؟
قالي لا بس اسال قلت له يافلان شو السالفه قال متصله حرمه اخوي (م) تقولي شو قصدها حرمتك تطرش سلام لي انا مابا منها سلام ولاشي !!انا قلت حشا هذي فيها قصد بعد !!المهم انا نيتي كانت سليمه مب شر !!ريلي ماقالي شي لأنه يعرفني !!وكان ريلي معصب عسبت اخوه وحرمته عشان فبيتهم استوت سالفه عووده وريلها اخو ريلي ظرب حرمته لأنه هيه تبي تمنعه عيالها عنا قالها ريلها لا هذيلا من بعدني اخواني بيربوهم عيال اخواني عيالي وعيالي عيالهم وهي ماظربها ظرب لا بس لطمها علا بوزها وريلي معصب عشان هالسالفه كلها هو سببها
.انزين هالسالفه كلها اخوه الثاني متصل ومخبرنه عنها لأنه كانت جدامهم كلهم …وقاله انه حرمه اخوهم (م) قالت انا انرظبت عشانها هذي ماعليه اكيد الايام بتجمعنا !!يعني قاعده تتوعد علي انزين انا شو يخصني انه ريلها ظربها !!وريلي متضايق يخاف تكون صدج اتلاقه فيها والحين طالعلي بسالفه انه هو خلاص عند اهله ماراح يوديني مع انه قبل كان ناوي بس عشان وحد شراتها !!!!!!! ويقول انا مااريد انحط في هذا الموقف وبعدين نضارب انا وخواني علا سوالف حريم !!! انزين شو رايكم بموقفه مايوديني عشانها ليش هيه منو انزين هيه مب ساكنه وياهم بس اونه لا يمكن تيي !!والله تعبت انا ابي اعود بنتي علا اهلها ماريدها شراتي انا مب متعوده علا اهل ابوي وعسب جي متقاطعين !!شو راييكم؟؟؟ألحين انا الغلطانه ولا ريلي الغلطان عشانه تزوجني؟؟؟؟؟؟؟محتاره

لا انتي غلطانه ولا هو وحرمه اخوه شو دخلها شو ماخذج عليها وانا مادري عنبوا هاي لو ريلها عرس عليها الله يعين حرمته الثانيه بتلعن خيرها

انتي ما عليح سايري ريلج ليما تهدى النفوس

انا قلت حق ريلي نفس الشي قلت له هي حرمتك ولا حرمه اخوك عنبو شو هاي

الصراحة قهر لوي عمتج، حرمته الاولى، حميتج، بنقول، بس هذه مالها خص في السالفة ليش حاطة دوبها من دوبج، و الصراحة ريلج غلطان انتي ما تبين الا الواجب و صلة الرحم ، حاليا اسمعي كلام ريلج و اتصلي في عمتج و سلمي عليها و كوني قريبة منها عشان تكسبيها.

انا قلت حق ريلي يقطعها ومايقطع اخوه لأنه اخوه ماله ذنب وبعدين له موقف من الستافه ريلي قالي اوككي لأنه مايحب حد يغلط علي وخاصه علا قولته انه هو اللي دخلني في ذي العايله!!!!

المشكله عمتي تحبها واخاف تقلبهاا علي عاد تسويها