.gif "12 (43)")
عساكن بخير ؟؟
أنا ترددت وايد قبل لاا أكتب هالموضوع
بس يمكن رد وحده منكن يريحني ….
خوااتي أنا كنت حامل بس الله ما راد يكتمل الحمل
في الشهر السادس اكتشفوا أن الجنين مشوه ..
مع أن في كل مراجعاتي كان كل شي طبيعي
للعلم : كنت أراجع عند الدكتوره زينب الشنار
وفي كل مره أحمل اسير لها اول عقب من الرابع افتح ملف في الوصل
والحين كملت شهرين وشي من فقدت بنوتي وخاطري في بيبي واتمنى ان الله يعوضني عن بنتي ببنت
سليمه بس وااااايد خايفه من الحمل وريلي يقول لا تحطين هالشي في بالج بس الشيطان عوذ بالله منه
لازم يخليني اكون سلبيه …
والدكاتره قالوا اللي استوى لج خلل أبره منع الحمل مالها علاقه بس كيف ما اكتشفت الدكتوره من قبل السادس ان الجنين فيه تشوهات
والحمدلله انا عندي ولدين حلوين الله يحفظهم وما فيهم شي الحمدلله وانا وريلي ما نقرب لبعض وقبل الزواج سوينا فحص الزواج والحمدلله ما عندنا حد في العائلة فيه تشوهات
انا كتبت الموضوع أولا عشان احصل ردود تجبر خاطري لاني دايما وخصوصا هالفتره احس بأكتأب واصييييح
وثانيا عشاان تفيدني شوه اسوي
حالتج قريب لحالة عمتي
في بكرها كان البيبي مشوه و نزلوه في الشهر السادس على ما اعتقد
وكل ما كانت تراجع ما اكتشفوا بس لما وصلت السادس قالوا لها مشوه و لازم ينزل
و الحمدالله ربي رزقها بولد من بعده ما شاء الله جميل و بخير
كل شي بيد رب العالمين
ان شاء الله ما يتكرر لج
الله يطمن قلبج الغلا
قولي امييييييييييييييييييييييييييييييييييييييين